Medianın İnkişafı Agentliyinin layihəsi: Uşaq və gənclərin fiziki və mənəvi inkişafı
Son zamanlar Azərbaycan futbolunda yetişən azsaylı gənc istedadlardan biri də Musa Qurbanlıdır. Yəqin ki, bu ad artıq sizə tanışdır. Çünki Musa hələ 19 yaşının olmasına baxmayaraq, özündən söz etdirməyi bacarıb.
Gənc oyunçu “Qarabağ”ın baş məşqçisi Qurban Qurbanovun oğlu olmasına baxmayaraq, futbolumuzun bu əzəmətli mütəxəssisinin ad-sanı Musa üçün hər hansı bir xüsusi üstünlük yaratmır. Atasının Musaya futbolçu kimi köməyi öz məsləhətləridir. Bunu yazımızın qəhrəmanının karyerasına baxdıqda da görmək olar.
Musa 2016-2019-cu illərdə “Neftçi”nin U-19 kollektivində, 2019-2020-ci illərdə isə “Qarabağ”ın U-19 komandasında çıxış edib. Bunu da qeyd etmək lazımdır ki, Musanı “Qarabağ”a cəlb edən, onun üzərində xüsusi işləyən şəxs komandanın sabiq kapitanı, hazırda “Zirə”yə baş məşqçilik edən Rəşad Sadıqov olub. Musanın futbolda peşəkar addımları da məhz Ağdam təmsilçisində başlayıb. O vaxt hələ 17 yaşı olan Musa komandasında 15 matçda 3 qol vurub. Lakin buna baxmayaraq, Qurban Qurbanovun oğlu elə həmin il icarə əsasında “Zirə”yə göndərilib. Musa Bakı təmsilçisində də rəqibləri məyus edib.
Futbolçu icarə müddətinin başa çatmasının ardından “Qarabağ”a qayıdıb. Bundan sonra isə Musa daha yaxşı çıxış etməyə başladı. Çünki o, Azərbaycan Premyer Liqasında bu mövsüm meydana çıxdığı 10 oyunda 6 qol vurub. Hələ bununla da kifayətlənməyib, 4 qolun ötürməsini də verib. Köhnə xarabalığı xatırladan Azərbaycan futbolunda belə futbolçuları gördüyünüzə siz də inanmırsınız, düzdür? Amma zarafat deyil e. Bacarıb. Musa hazırda bizim üçün hər kəsin yadından çıxan bir şəhərdə məskunlaşan, orada həyat olduğunu göstərmək istəyən insan kimidir. Onun timsalında gənc və istedadlı oyunçularımıza dəstək olmaq, ruhlandırmaq, dəyərləndirmək lazımdır. Bəlkə, elə Musa kimi 5-10 nəfər gənc quruyan torpağa bir az su tökər... Bəlkə, elə Musa kimi futbolçular o torpağı bir az belləyib, nə isə becərər...
Yeri gəlmişkən, bu istedadlı oğlan yalnız “Qarabağ”da oynamır. Musa Azərbaycanın 21 yaşlı futbolçulardan ibarət milli komandasının da üzvüdür. İndi bir məqamı da diqqətinizə çatdıracağam. O, 2 gün əvvəl Avro-2023-ün seçmə mərhələsində Estoniya ilə qarşılaşmada dubl da edib. Milli komandalarımız ürəkbulandıran səviyyədə olsa da, Musa kimi futbolçuları görəndə gələcək üçün nəyəsə ümid etmək olur.
Yaxşı, Musa belə uğurlara imza atır, həm milliyə, həm “Qarabağ”a kömək edir. Bəs, niyə atasının baş məşqçisi olduğu komandada əsas heyətdə yer almır? Niyə “Qarabağ”dakı yerini möhkəmləndirmir? Ümid edirəm ki, bu sualın cavabı hamınıza məlumdur. Çünki nə Qurban Qurbanov kimisə “qabağa çək”ən “dayı”dır, nə də Musa Qurbanlı həmin “dayı”nın oğlu. Bu işdə nə tapşıran var, nə tapşırılan. Çünki bəhs etdiyimiz insan Qurban Qurbanovdur – dişi-dırnağı ilə bu yerlərə gəlib çıxan, komandası Avropada adından söz etdirən, gülünc bir səbəblə millinin baş məşqçisi vəzifəsindən uzaqlaşdırılan şəxsiyyətdir. Məgər, belə bir insanın oğlundan “tapşırılan” futbolçu çıxışı gözləmək olardı? Axı, o, Qurban Qurbanov tərbiyyəsi görüb. Bəllidir ki, bu təcrübəli ata oğluna daha çox şans verməyi, onu ön plana gətirməyi yox, bir məşqçi kimi futbolçu Musaya daha çox təcrübə qazandırmağı düşünür. Qurban Qurbanov fədakarlıqlara alışıb də. Əsas odur ki, mütəxəssis öz işini görür. O öz işini görür, biz də bunun nəticələrini görürük. Bu dürüstlüyün məhsulu da məhz “Qarabağ”ın ardıcıl avrokuboklardakı çıxışı, pley-offa yüksəlməsi, heyətində Musa kimi neçə-neçə gənc futbolçuların olmasıdır. Elə Qurban Qurbanov da, Musa da bizə hələ çox lazımdır. Lazımdır ki, iflic futbolumuzu qollarında daşıya bilən olsun.
Belə görünür, biz hələ Musanın adını çox eşidəcəyik. Biz hələ Musa ilə çox fəxr edəcəyik....
Nur Zeynalova
Yazı Azərbaycan Respublikasının Medianın İnkişafı Agentliyinin maliyyə dəstəyi ilə çap olunub
"Beşiktaş"dan qələbə
Avroliqada həftənin ən yaxşı futbolçusu odur
Yayda "Real"dan ayrılmaq istəyini rəhbərliyə bildirdi
18 xalları silindi, elitanı tərk edəcəklər
"Futbolçular uduzmaqdan qorxurdular" - Ayxan Abbasov
"Sumqayıt" "Turan Tovuz"u belə məğlub etdi - Video
"Sumqayıt" "Turan Tovuz"a qalib gəldi, 2-ci pilləyə yüksəldi
ÇL-də həftənin ən yaxşı oyunçusu
ÇL-də İtaliyanın 5 klubu mübarizə aparacaq
Ançelotti Ardaya icarəyə getməyi məsləhət görüb
La Liqa klubu baş məşqçi ilə müqaviləni uzatdı
Tovuzda heyətlər açıqlandı
"Roma"nın Lukaku qərarı
"Barselona" "Kamp Nou"ya nə vaxt qayıdacaq?
Naqelsmann daha 2 il Almaniya millisində
Bojoviç yeni mövsüm "Neftçi"də qalacaqmı? - Açıqlama
"Yuventus"a Ronaldo şoku
"Qəbələ" legioneri ilə müqaviləni ləğv etdi
Qurban Qurbanovun "Beşiktaş"ın baş məşqçi vəzifəsinə namizəd olması - Rəsmən təsdiqləndi
Xabi Alonso "Bayer"dən narazıdır
Olimpiya Oyunlarının məşəli yandırıldı - Video, Şəkillər
Premyer Liqanın oyunlarına hakim təyinatları açıqlandı
Avroliqada həftənin ən yaxşısı adına namizədlər
Pioli: "Milan"da qətiyyət çatışmırdı"
Klopp məğlubiyyətin səbəbini açıqladı
"Fənərbaxça" Konfrans Liqası ilə belə vidalaşdı - Video
"Bayer"dən Avropa rekordu
Konfrans Liqasında yarımfinalçılar müəyyənləşdi
"Qaradağ Lökbatan"dan səfər qələbəsi - Video
Fərid Qayıbov ABŞ-də BMT-nin Gənclər Forumunda çıxış edib
"Dinamo" - "Qusar" matçında 4 qol - Video
“Madriddə "Real"a qalib gəlməliyik" - Laporta
UEFA "Barselona"nı cərimələdi
Azərbaycan boksçusu Avropa çempionatına qələbə ilə başladı
Tuhel bunu bacaran ilk alman məşqçidir
İngiltərə kubokunun formatı dəyişir
"Zaqatala"nın qələbəsi - Video
"Qusar"dan darmadağın
"İmişli" xal itirdi, liderdən qələbə
"Arsenal"ı nokaut etmək gözəl idi"
Ayşən Abduləzimova Macarıstan çempionu oldu
Arda Güler "Sevilya"ya rədd cavabı verdi
Azərbaycanın U-17 millisinin heyətində dəyişiklik