19.12.25
“Sumqayıt” klubunun baş məşqçisi Samir Abasovun Qol.az saytına müsahibəsi
- Millimizin Şimali İrlandiyaya 0:4 hesabı ilə uduzması sizin üçün də gözlənilməz oldu?
- Məncə, komandamızın 0:4 hesabı ilə uduzması fəlakət deyil. Guya 0:1 uduzsaydıq, nə olacaqdı ki? Onda da komanda özünə haqq qazandıra bilməyəcəkdi. Düzdür, bəziləri bunu əlində bayraq edirlər, ancaq burada faciyə yoxdur. Evdə hələ 3 oyunumuz var. Həmin Şimali İrlandiyanı da qəbul edəcəyik. Oyunumuz alınmadı, eybi yox, uşaqların canı sağ olsun. Əsas odur ki, növbəti oyunlara yaxşı köklənsinlər.
- Hesabın bu cür olmasında hansı çatışmazlıqlar rol oynadı?
- Görünən o idi ki, oyunumuz alınmırdı. Ötürmələrdə səhvlər çox idi. İkinsi hissədə rəqib oynamağa imkan verdi. Ancaq təzyiq olan kimi futbolçularımız əziyyət çəkirdi. Bəlkə də bərk yağan yağış da oyunumuza mənfi təsir etdi. Ən yaxşısını millinin məşqçiləri və oyunçuları bilər. Mən görünən tərəfini dedim. Komandamızda heç nə alınmırdı.
- Ümumən millimizin oyununda inkişaf varmı? Norveç və Çexiya ilə oyunlarda bəxtimizin gətirdiyini hesab edənlər çoxdur.
- Söhbət milli komandalardan gedirsə, deməli, çətin rəqiblərlə qarşılaşırsan. Ölkənin ən yaxşı oyunçuları yığma komandada cəmlənir. Milli komandada nəticə qazanmaq əsas şərtdir. Məncə, 4 oyuna 7 xal pis nəticə deyil. Ancaq belə davam edə biləcəyikmi? Bunu zaman göstərəcək. İnanın ki, millimiz Şimali İrlandiyadan yaxşı nəticə ilə qayıtsaydı, heç Norveç və Çexiya ilə pis oynamağımız yada düşməyəcəkdi. İndi həmin oyunlardakı nəticələrimizi təsadüf hesab edənlər də var. Ancaq mən düşünürəm ki, əsas nəticədir.
Millimizin qrupdan çıxması isə çox çətin görünür. Çünki getdikcə rəqiblər də oyunlarını artırır. Komandalar artıq hər oyuna final matçı kimi baxacaqlar. Çexiya – Norveç oyunu da buna bir sübutdur. Heç bir rəqib Azərbaycanı asanlıqla dünya çempionatına buraxmaq istəmir. Bundan sonrakı oyunların heç biri asan olmayacaq. Amma 4 oyuna 7 xal yığmışıqsa, nəyəsə ümid etmək olar.
- Komandanız “Sumqayıt”da işlər necə gedir? Çempionatda yaranan fasilədən necə istifadə edirsiniz?
- Dünən “İnter”lə yoxla oyunu keçirdik. U-21 millimizdə iki futbolçumuz var – Xəyal Nəcəfov və Yusif Nəbiyev. Təəssüf ki, Yusif Nəbiyev millinin heyətində zədələnib. Deyəsən, uzunmüddətli sıradan çıxıb. Hələ ki, həkimlərin nəzarəti altındadır.
Hazırlıqlar gedir. Qış fasiləsinə qədər 3 oyunumuz qalıb. Çalışacağıq ki, bu 3 oyundan maksimum xal yığaq.
- Komanda qışa qədər qarşısına qoyulan vəzifənin öhdəsindən gələ bilir?
- Hələ ki, göstərdiyimiz oyunlar pis deyil. Yaxşı gedirik. Çempionatımızda 8 komanda var. Qazanılan hər bir xal komandanı yuxarı pilləyə daşıyır. Bizdən öndə olan komandalarla xal fərqimiz azdır. Bacardığımız qədər irəli getməyə çalışırıq.
- Komandada dəyişikliyə ehtiyac çoxdur?
- Əlbəttə. Ancaq inanmıram ki, dəyişikliklər çox olsun. Düzdür, oyunçularımızın sayı azdır. Bizim klubun strategiyasını bilirsiniz. Bizdə ancaq yerli futbolçular çıxış edir. Yerli futbolçuların da hər birinin öz klubu ilə müqaviləsi var. Buna görə də böyük dəyişikliklər olmayacaq.
Ramiq AĞAMƏMMƏDOV
İlin ən yaxşısı seçildi
Göygöldəki 7 qol - Video
Kapitan 100-ü yarıladı
FİFA qadağanı ləğv etdi
Neymar əməliyyat olundu
"Sabah"ı liderliyə yüksəldən əzmkar qələbəsi - Video
PSJ baş məşqçisi ilə ömürlük müqavilə imzalayır?
"Qış çempionluğu medal qazandırmır" - Valdas Dambrauskas
Benzema Pikassonun milyon avroluq tablosunu aldı
Misli Premyer Liqasında 1 aylıq fasilə başladı
"Sabah"dan böyükhesablı qələbə, qış çempionu oldular
Neymar karyerasının həlledici qərarını verəcək
Bundesliqada il ərzində liderlikdən düşmədilər
A Seriyasında Avstraliya planı təxirə salındı
"Mançester Yunayted" geri addım atdı
Enrike, Mareska, Flik...
"Fənərbaxça"ya transferi gərçəkləşmək üzrədir
"Sumqayıt" - "Sabah": Heyətlər
Qallaher, yoxsa Neves?
“Qəbələ”nin qış hazırlıq planı bəlli oldu
"Qaradağ Lökbatan" 13 qolla qalib gəldi
"Barselona"dan uğurlu seriya
"Milan" bu transferi həll etdi
