07.04.26
"Qarabağ"ın futbolçusu Qara Qarayev Topaz Premyer Liqanın 10-cu turunda AZAL-la oyundan (1:0) sonra Qol.az-a müsahibə verib. 24 yaşlı oyunçu müsahibədə AZAL-la görüşlə yanaşı, gələn həftə Yunanıstanda PAOK-a qarşı Avropa Liqasının qrup mərhələsində keçiriləcək matç barədə də fikirlərini bildirib.
- Bu gün çətin qələbə qazandınız...
- Ağır oyun oldu. İstəyirdik ki, xal itirməyək. Meydan amili də oyunumuza təsir etdi, ürəkaçan deyildi. Buna baxmayaraq, lazım olan üç xalı qazandıq.
- Komandada yorğunluq hiss olunurdu...
- Komandamızda yorğunluq yoxdur. Hər dəfə fərqli heyətlə matça çıxırıq. Oyunumuzun belə alınmasını ancaq stadion amili ilə əlaqələndirərdim.
- Qarşıda sizi PAOK-la çətin oyun gözləyir. Bu matçı qrup mərhələsinin həlledici görüşü saymaq olar?
- Fikrimcə, yox. Önümüzdə hələ üç oyun var. Qarşıdakı görüşdə yaxşı nəticə qazansaq, qrupu adlamaq haqda düşünə bilərik. Səfərdən məğlubiyyətsiz dönsək, bizim üçün uğur olacaq.
- PAOK-a doğma meydanda güclü azarkeş dəstəyi olacaq...
- Biz buna hazırıq. Bilirik ki, rəqibin azarkeşləri çılğındır. Buna baxmayaraq, inanıram ki, bizə də dəstək verənlər olacaq.
Məftun MAHİROĞLU
Arne Slotdan etiraf
20 il sonra “Kamp Nou”da
Dünyanın ən yaxşı "tək klublu" futbolçuları kimlərdir?
“Barselona” bir matça görə 10 milyon qazana bilər
Klub futbolçusuna görə yığmanı FİFA-ya şikayət etdi
Çempionşip klubunun apellyasiya şikayəti rədd edildi
"Yuventus" "Liverpul"un qapıçısına göz dikdi
“Cəbrayıl”ın 3 qollu qələbəsindən - Video
