01.08.26
“Qarabağ”ın kapitanı Rəşad Sadıqov Avropa Liqasının qrup mərhələsində “Slovan”la oyundan (2:2) sonra Qol.az-ın müxbirinin də iştirak etdiyi brifinqdə jurnalistlərin suallarını cavablandırıb.
- Son dəqiqədə məğlubiyyətdən qurtuldunuz...
- Sözün düzü, necə oyun gözləyirdiksə, elə də keçdi. Rəqibin bizi yaxşı analiz etdiyini bilirdik. Onların üslubu mərkəzdə yaxşı oyun sərgiləməkdir. “Slovan” rəqibə hücum qurmağa imkan vermir və əks hücumlar qurmağa çalışırdı. Gözlənilməz bir qol buraxdıq. Oyunun gedişində istədiyimiz kimi kəsərli hücumlar qura bilmirdik. Oyun orta səviyyədə keçirdi. Həm biz, həm də rəqib topa yaxşı nəzarət edirdi. İlk hissədə ehtiyatlı oynamağa çalışdıq. Amma ikinci hissə başlayan kimi məşqçimizin tapşırığı ilə irəli atıldıq. Qələbə qolunu vurmaq istəsək də, xeyli sayda qol imkanlarını qaçırdıq. İkinci qolu da gözlənilməz kobud səhvdən sonra buraxdıq. Şükürlər olsun ki, son dəqiqələrdə hesabı bərabərləşdirə bildik.
- Demək olar ki, hər oyunda qol vurursan. Olmaz ki, hücumameyilli yarımmüdafiəçi mövqeyində oynayasan?
- Orada oynamağa gücüm çatmaz. Düzdü, hər bir futbolçu irəlidə oynamaq istəyər. Amma bunu bacarmaq da lazımdı.
- Bu oyunda millimizin "künc zərbəsi” taktikasından istifadə etmədiniz.
- İlk hissədə başqa formada etməyə çalışsaq da, qapıçı həmin topu çıxarmağı bacardı.
- Qrup mərhələsinə başlanğıcı necə qiymətləndirmək olar?
- Ümumilikdə yaxşı dəyərləndirmək olar. Hesab 2:1 olandan sonra fikirləşdim ki, artıq bizim üçün hər şey bitdi. Düşünürdüm ki, bundan sonra durumu dəyişmək çox çətin olacaq. Elə hesab edək ki, biz bir xal qazandıq, amma rəqib iki xal itirdi. Bunu nəzərə alsaq, fikrimcə, yaxşı qurtardıq.
- 90 dəqiqəni fikirləşsək, "Qarabağ”ın 2 xal itirdiyini söyləyə bilərik. Çünki boşa verilən qol imkanları çox idi...
- Ümumiyyətlə, çox qol imkanları yaradırıq və qapımızda kobud səhvlər sayəsində qol buraxırıq. İki qoldan başqa rəqibin hər hansı kəsərli hücumu olmadı. Buraxdığımız hər iki qolda kobud səhvimiz oldu.
- "Qarabağ” “Fiorentina” ilə oyundan nə gözləyir?
- Maksimum gücümüzü ortaya qoymağa çalışacağıq. Düzdü, qarşımıza qrupdan çıxmaq hədəfi qoymamışıq. Hədəflər həmişə futbolçuları psixoloji təsir altına salır. Hədəf hər oyuna ciddi şəkildə köklənməkdi.
- Bu gün Respubilka stadionuna qayıtmağı arzuladınız?
- Biz bu gün Respublika stadionunda oynamaq istəyirdik. Ancaq orda oynamağa bizə icazə vermədilər. Halbuki, bu gün həmin arenada qazonun durumu pis deyildi.Təəssüflər olsun ki, icazə vermədilər. Ev oyunun üstünlüyü matçı öz doğma meydanında oynamağındadı. Fikirləşirəm ki, "Dalğa Arena”da da pis oynamadıq.
- Çexiya komandalarının digər komandalardan fərqli cəhətləri nədir?
- Ümumiyyətlə, cavan yaşımdan Çexiya komandalarından zəhləm gedir. Bu gün həm Çempionlar Liqasında, həm Avropa Liqasında, həm də milli səviyyəsində çexlərlə düşmüşük. Onlara qarşı oynamaqdan zəhləm gedir. Çünki oynamağa imkan vermirlər və özləri çox yaxşı əks hücumlar yaradırlar. Demək olar ki, əlimizi-qolumuzu bağlayırlar.
Məftun MAHİROĞLU
“Turan Tovuz”dan yenilik
"Sabah"ın pley-offdakı rəqibi bilindi
"Sabah" bizi cəzalandırdı" - "Orhus"un baş məşqçisi
Argentina və Rusiya yığmaları qarşılaşa bilər
"Sabah" Çempionlar Liqasının “pley-off”unda!
"Kayrat" ÇL-dən kənarda qaldı
"Ronaldoya qol vurmağı öyrədə bilməzdim"
Slot yığmanı çalışdırmaqdan imtina edib?
“Neftçi” macarıstanlı futbolçu transfer etdi
Alman klubundan stadionda çəkilişlə bağlı sərt qərar
"Karvan-Yevlax"dan böyükhesablı qələbə
"Sumqayıt"dan növbəti transfer
"Sabah" - "Orhus": Heyətlər
FİFA millinin məşqçisini cəzalandırdı
Poqba sıradan çıxdı
16 yaşlı futbolçu MLS-dən "Çelsi"yə gəlir
Messi atasının ölümünə görə futboldan uzaq qalacaq
"Kəpəz"dən daha bir transfer
Mövsümün startını buraxacaq
"Mançester Siti" onu icarəyə verdi
PSJ "Parma"nın qapıçısını transfer etdi
Almaniya millisinin hücumçusu "Ştutqart"da
“Sabah” – “Orhus” matçının bütün biletləri satıldı
"Çelsi"nin qapıçısı Fransa klubunda - Rəsmi
Arauxo: "Keyfiyyətlərim Premyer Liqa üçün idealdır"
Ukraynalı qapıçılar "Yuventus"un hədəfində
"Kəpəz" nigeriyalı yarımmüdafiəçi transfer etdi
Tanınmış hücumçu Kanada klubuna keçdi
"Sabah" - "Orhus" oyunu bu kanalda
"Bavariya"dan Keyn qərarı
