10:04
"Qarabağ"ın ispaniyalı futbolçusu Migel Madera Topaz Premyer Liqanın 31-ci turunda "İnter"ə evdə qalib gəldikləri oyundan (2:0) sonra jurnalistlərin suallarını cavablandırıb.
Qol.az-ın məlumatına görə futbolçu “İnter” üzərindəki qələbənin asan başa gəlmədiyini söyləyib:
“Oyun çətin və maraqlı keçdi. Çempionatda asan matç olmur. Biz meydana qələbə qazanmaq üçün çıxmışdıq. Çətin də olsa, məqsədimizə çatdıq. Bu qələbə bizi məqsədimizə bir qədər də yaxınlaşdırdı”.
- “İnter” bu görüşdə sizə asanlıqla təslim oldu. Oyunun birtərəfli keçməsi sizin üçün darıxdırıcı deyildi?
- Rəqib oyunboyu müdafiə olundu. Buna görə də biz bütün oyunu topa nəzarət etməyə, hücumlar qurmağa çalışırdıq. Bu qədər müdafiə olunmalarına rəğmən, biz kifayət qədər qol epizodu yarada bildik.
- Adətən ispan futbolçular sakit oyun tərzinə üstünlük verirlər. Amma sənin oyununda daha çox aqressivlik hiss olunur. Bunun səbəbi nədir?
- Meydana çıxanda diqqətimi tamamilə oyuna yönəldirəm. Bəzən hisslərimə nəzarət edə bilmirəm. Bu zaman məşqçilər korpusu kənardan xəbərdarlıq edir.
- Mövsümün əvvəlində “Qarabağ”a transfer olunan futbolçular arasında heyətə düşmək baxımından çətinlik yaşayacağın gözlənilirdi. Amma gedişat bunun əksini ortaya qoydu və hazırda həmin futbolçulardan ən çox meydanda olan sənsən.
- Mən mövsümün əvvəlində formada deyildim. Üstəlik, Premyer Liqaya uyğunlaşmağım lazım idi. İndi isə yaxşı formadayam. Mənə şans verirlər, mən də bundan yararlanıram.
- “İnter”lə kubok oyununda da qarşılaşacaqsınız. Həmin oyunun da sizin üçün belə rahat keçəcəyini gözləyirsənmi?
- Çətin oyun olacaq. Çünki “İnter” bu dəfə bizə qarşı daha yaxşı hazırlaşacaq. Üstəlik, oyun süni örtüklü meydanda keçiriləcək. Bu da bizim üçün əlavə çətinlik yaradacaq. Asan olmasa da, həmin matçdan da qalib ayrılacağımızı düşünürəm.
- “Qarabağ”la cari mövsüm çempion olsan, bu karyeranda ilk çempionluq olacaq. Əzmkarlığınızı buna bağlamaq olarmı?
- İndiyə qədər iki dəfə kubok qazanmışam. Amma çempionluq sevinci yaşamamışam. Bu hissi yaşamağı çox istəyirəm.
- “Qarabağ”ı İspaniyanın hansı klubuna bənzədirsiniz?
- Topla çox oynamaq istəyinə görə “Barselona”, “Las Palmas”, “Rayo Valekano”ya bənzətmək olar. Amma keyfiyyətə gəldikdə, aradakı fərq çox böyükdür. Həm də fərqli çempionatlar olduğuna görə müqayisə aparmaq da düzgün deyil.
Ergün SEYİD
Qolu avtoqol sayıldı, özü isə zədələndi
Toralın komandası böyük hesabla qalib gəldi
"Real" "Barselona"nın uğurlu seriyasına son qoya bilər
"Sabah" - "Qarabağ" matçından - Video
“Belə hallar dünya futbolunda da olur” - Qurban Qurbanov
Azərbaycan millisi Avstraliyaya məğlub oldu
Acun Ilıcalının klubunun qələbə həsrəti davam edir
"İmişli" "Şamaxı"nı belə məğlub etdi - Video
"Sabah" - "Qarabağ" matçında heç-heçə, "İmişli"dən qələbə
Eldəniz və Sənan dünya çempionu oldu
Renat Dadaşovun komandası heç-heçəyə razılaşdı
İnfantino və Venger “Sabah” - “Qarabağ” oyununda - Video
“Məğlubiyyət öz səhvlərimizin nəticəsi oldu” - Azər Bağırov
Fırtına təhlükəsi olsa da, matç keçiriləcək
"Sabah" - "Qarabağ" matçının heyətləri açıqlandı
AFFA prezidenti millinin oyununu izlədi - Şəkillər
"Araz-Naxçıvan" ÇL oyunlarına bu futzalçılarla yollandı
"El-Klasiko"nu buraxacaqlar
"İmişli" - "Şamaxı": Heyətlər
