02.11.24
"Kəpəz”in litvalı qapıçısı Tadas Simaitisin Topaz Premyer Liqanın 28-ci turunda səfərdə AZAL-a uduzduqları oyundan (0:3) sonra müsahibəsi
- Böyükhesablı məğlubiyyətin əsas səbəbini nədə görürsən?
- Çətin oyun oldu. AZAL-ın son vaxtlar belə yaxşı çıxış etdiyini bilirdik. Rəqibimiz çox yaxşı komandadır. Müdafiədə yolverilməz səhvlərə yol verdik. Normal vaxtda bunu etmirik. Pis oynadığımız matçlardan biri bu gün oldu. Hesabda 0:1 geridə olandan sonra AZAL kimi sıx müdafiə olunan komandaya qarşı oynamaq çox çətindir.
- Belə demək olar ki, "Kəpəz” ardıcıl 4 qələbədən sonra bu oyuna arxayın çıxmışdı?
- Yox. Mən belə düşünmürəm. Niyə boşalaq ki? Hər bir matç kimi AZAL-la oyuna da ciddi hazırlaşmışdıq. Üçüncü yerdə olsaq da, ən yaxın izləyicilərimizlə xal fərqimiz çox azdır. Bizim üçün hər oyun final kimidir, həlledicidir.
- Yəqin ki, özünüz də besabın belə olacağını gözləmirdiniz?
- Bəli. Amma bu futboldur. Belə nəticələr olur.
- Hesabda 0:1 geridə olandan sonra real qol imkanınəız olsa da, bundan istifadə edə bilmədiniz. Niyə oyunun axarını öz xeyrinizə dəyişə bilmədiniz? Axı "Kəpəz”in buna nail ola bildiyi matçlar çox olub…
- Elədir. Ancaq AZAL böyük qüvvə ilə müdafiə olunaraq əks-hücumlarda oynayır, bizim səhvlərimizi gözləyirdi. Buna görə belə alındı. Sən qol vurmursansa, sonda nəticə sənin üçün belə üzücü olur.
- Növbəti turda lider "Qarabağ”la oynayacağınızı nəzərə alsaq, bu məğlubiyyət psixoloji baxımdan problem yarada bilərmi? Üstəlik, aparıcı oyunçunuz Junior Osvaldo cəzalı duruma düşdü…
- "Qarabağ”a qarşı həmişə motivasiya böüykdür. Bəli, bizim üçün çox çətin oyun olacaq. Üstəlik, Junior Osvaldo heyətdə olmayacaq. Əvəzində Budaq Nəsirov yenidən oynaya biləcək. "Qarabağ”la oyun tam başqa olacaq. Biz AZAL-a qarşı hücum futbolu oynayırdıqsa, onda daha çox müdafiə futbolu göstərəcəyik. Bu, bizim üçün daha yaxşı olacaq.
- "Qarabağ"a qarşı cari çempionatda hər 3 oyunda uduzmusunuz. Növbəti matçda xal qazanmaq şansınız var?
- Əlbəttə. Biz meydana bunun üçün çıxacağıq.
- Bəs qorxmursunuz ki, Reynaldo heyətə qayıdıb?
- (gülür). Reynaldo Messi deyil ki qorxaq. Messi bizə qarşı oynasaydı, qorxardıq.
- "İnter”lə "Zirə”nin avrokuboklara yollana bilməməyi sizin üçün əlavə üstünlükdür…
- Biz bu haqda düşünmürük. Üçüncü pillə yaxşı yerdir və burda olmaq istərdik. Qalan bütün oyunlarda qalib gəlib ən yaxşı yerlərdən birini tutmaq istəyirik. Avrokuboklara özümüz vəsiqə qazanmaq istəyirik, kiminsə kənarda qalması hesabına yox.
Mənbə: Sportnet.az
_22.01.19.jpg)
"Real"da şok itki
MEDİA müsabiqə elan edib
Mikelsin yubiley qolu
"Sumqayıt"ın "Şamaxı" üzərində qələbəsi - Video
Ayxan Abbasov: "Çempionat gərgin keçəcək"
Ronaldo "Fənərbaxça"ya keçir, ya yox? - Mourinyo danışdı
"Sumqayıt" "Şamaxı"ya qalib gəldi
"Turan Tovuz" - "Sabah" matçında vurulan qollar - Video
"Turan Tovuz" "Sabah"la heç-heçə etdi
"Sumqayıt" - "Şamaxı": Heyətlər
Azərbaycanın basketbol millisi İsveçrəyə uduzdu
"Turan Tovuz" - "Sabah": Heyətlər açıqlandı
Məşhur hücumçunun oğlu İngiltərə klubunda
Azərbaycan cüdoçularından 4 medal - Avropa kuboku
"Arsenal" Premyer Liqada qələbə sayında 2-ci oldu
U-18 Qəbələdə toplanır
İlk dəfə Sudamerikana kubokunu qazandılar
Gələn həftə Bakıya gələcək "Lion"dan heç-heçə
7:0 - Di Mariya 3, Kerem 1 qol vurdu
"Qalatasaray"ın səfər qələbəsi - Video
Qvardiola şokda: dalbadal 5 məğlubiyyət
