03.02.26
“Rəvan”ın ərəb əsilli ukraynalı hücumçusu Yasin Həmidin Qol.az saytına müsahibəsi
- Artıq bir neçə aydır Azərbaycandasan. Əvvəlcə Topaz Premyer Liqası haqda fikirlərini bilmək istərdik.
- Mən çempionatda bütün rəqiblərə qarşı oynamışam. Deyə bilərəm ki, komandaların səviyyəsi yaxşıdır. Turnir cədvəlinə baxanda görürük ki, komandalar bir-birindən elə də uzaqlaşmayıb. “Qarabağ”, “İnter” və “Qəbələ” çox keyfiyyətli oyun nümayiş etdirir.
- “Qarabağ”dan söz düşmüşkən, son oyunda bu komandaya 1:5 hesabı ilə uduzdunuz. Səncə, bu hesab komandalar arasındakı səviyyə fərqinin göstəricisidir?
- “Qarabağ” çox güclü komandadır. Yaxşı futbolçuları və baş məşqçisi var. Bizim üçün çətin oldu. Çünki onlar bütün göstəricilərdə bizdən üstün idi. Yaxşı nəticə qazanmaq üçün möcüzəyə ümid etməli idik. Təbii ki, 1:5 hesabı ilə məğlub olmaq üzücüdür. Ancaq “Qarabağ” kimi rəqibə uduzmaq faciə sayılmamalıdır.
- Ukrayna futboluna yaxından bələdsən. Ukrayna Premyer Liqası ilə Topaz Premyer Liqası çox fərqlənir?
- Əgər “Şaxtyor” və “Dinamo” olmasa, bu iki çempionat arasında elə də böyük fərq olmaz. Ukrayna çempionatı da zəifləyib. Çünki orada da klubların büdcəsi çox deyil.
- Son oyunda “Qarabağ”a qol vurmağı bacardın. Bu, Azərbaycanda ilk qolun idi?
- Bəli, ümumiyyətlə, uzun müddət idi ki, qol vurmurdum. Qol hesabımı açmağım yaxşı oldu. Sevinirəm ki, bu cür komandaya qol vurmağı bacardım. Təəssüf ki, bu qol xal qazanmağımıza kifayət etmədi.
- “Rəvan”da maddi vəziyyət necədir?
- Vəziyyət yaxşı deyil. Hamı müsbətə doğru dəyişiklik olacağını gözləyir. Biz futbolçuyuq, öz işimizi görməyə çalışırıq. Maliyyə çətinliyi indi hər yerdə var.
- Komandanız sonuncu pillədə qərarlaşıb. “Rəvan”ın Premyer Liqada qalmaq şansı da azdır.
- İnanıram ki, biz sonuncu pillədən qurtulacağıq. Bizim buna gücümüz çatar. Çempionatda qalmaq üçün mübarizə aparacağıq.
- “Rəvan”la müqavilən nə vaxt başa çatır?
- İki aydan sonra.
- Azərbaycanda qalmaq fikrin var?
- “Rəvan”la yeni müqavilə haqda düşünmürəm. Ancaq digər klublardan yaxşı təklif alsam, təbii ki, ölkənizdə qalaram.
- Təkliflər var?
- Maraqlanan klublar var. Ancaq indi bu haqda danışmaq tezdir.
- Sonda Bakı və ölkəmiz haqda təəssüratlarını öyrənək.
- Bakı çox gözəl şəhərdir. Burada yüksək infrastruktur var. Yaşayış səviyyəsi əladır. Ümumiyyətlə, pis bir şey yoxdur (gülür). İnsanlarınız qonaqpərvərdir. Bütün dostlarıma məsləhət görərdim ki, Bakıya baş çəksinlər.
Ramiq AĞAMƏMMƏDOV
500-cü qolunu vurdu
Bərbad!..
"Kəpəz"dən yeni transfer
“Neftçi”də 3 legioner
5 qol vurdu, ayın ən yaxşısı oldu
"Barselona" Avropa Klublar Assosiasiyasına qayıtdı
Misli Premyer Liqasında 6 oyunun hakimləri
İngiltərədə yanvarın ən yaxşı məşqçisi seçildi
Mbappe sabah oynayacaq?
İqor Tudor “Tottenhem”ə gətirilir
Azərbaycan çempionatının son 1/4 finalçıları məlum oldu
Milli komandalarımızın yeni məşqçiləri açıqlandı
Emreli 3 ay sonra yenidən məşqdə - Şəkillər
2030-cu ilə qədər "Bavariya"da - Rəsmi
Azərbaycan millisi Avropa çempionatında iştirak edəcək
