"Boşluqlar Araz Abdullayevə görə oldu" - Qara Qarayev

"Boşluqlar Araz Abdullayevə görə oldu" - Qara Qarayev
GÜNDƏM 27 Mart 2016 / 00:13 10349
-  A +

Qazaxıstanla yoldaşlıq matçında minimal hesabla məğlub olan milli komandamızın yarımmüdafiəçisi Qara Qarayev oyundan sonra jurnalistlərin suallarını cavablandırıb.

- Qarşılaşma haqda fikirlərinizi bildirərdin...

- Yaxşı toplanış keçirdik, bir həftəyə lazımınca hazırlışmışdıq. Təəssüf ki, matçda istədiyimiz nəticəni qazana bilmədik. Ancaq düşünürəm ki, gələcəkdə bu hazırlığın bizə çox xeyri olacaq. Danışılası çox şey yoxdur. Yoldaşlıq oyunu idi. Təki səhvlərimiz yoldaşlıq matçlarında olsun.

- Dünən məşqdə daha həvəsli idiniz, bu gün oyunda isə sanki motivasiya çatışmırdı...

- Elə bir dəyişiklik yox idi. Düzdür, oyunla məşqin ab-havası fərqli olur. Ancaq bu oyunda həvəssiz deyildik, sadəcə şanssız idik. Düşünürəm ki, erkən qolu buraxmasaydıq, nəticə fərqli olardı.

- Komandada çatışmayan nədir?

- Çatışmayan cəhətləri baş məşqçi deyə bilər. Mən futbolçu kimi nəsə desəm, düz olmaz. Ancaq özünüz də gördünüz ki, ilk yarıda qol vəziyyətlərimiz oldu, ancaq son nöqtəni qoymaq bir az çətin oldu.

- Rəqib əks hücumlara çıxan zaman orta sahədə müəyyən boşluqlar olurdu. O mövqenin oyunçusu kimi bunu nə ilə əlaqələndirərdin?

- Araz Abdullayev o mövqedə ilk dəfə oynayırdı. Bəlkə də ona görə bir az boşluq oldu. Konkret Araz haqqında danışsam, düz olmaz, hamı bilir ki, o necə oyunçudur. Topla əla rəftar edən, yaxşı futbolçudur. Ancaq ilk dəfə çıxış etdiyi mövqe idi, ona görə də müəyyən axsamalar ola bilərdi (Sportnet.az).

Daha çox


Son xəbərlər
19.01.26  02:25

"Barselona" uduzdu

Topaz Desktop Banner