20.10.26
21 yaşadək futbolçulardan ibarət Azərbaycan yığmasının baş məşqçisi Yaşar Vahabzadənin müsahibəsi
- “Antalya Cup” turniri çərçivəsində Bəhreyn yığması ilə keçirilmiş oyun barədə təəssüratınız necədir?
- Komanda layiq olduğu qələbəni qazandı. Futbolçuların çıxışından razı qaldım. İki gündən bir meydana çıxmağımız yorğunluq yaratsa da, uşaqlar bunu hiss etdirmədilər. Görünür, bu cür qrafiklə oynamaq üçün hazırdırlar.
- Yığmamızın yer aldığı qrupdakı komandaların ikisi Avropa, bir o qədəri isə Asiya təmsilçisi idi. Bu baxımdan turnirin ümumi səviyyəsini necə qiymətləndirirsiniz?
- Heç bir rəqibimiz zəif komanda deyildi. Bunu qələbə qazandığımıza görə demirəm, həqiqətən belədir. Oyunları izləyənlər də fikrimi təsdiqləyə bilərlər.
- Müxtəlif səbəblərdən U-21-in bir neçə futbolçusu toplanışa və oyunlara qatıla bilmədi. Onların yoxluğunda komanda necə təsir bağışladı?
- Həmin futbolçuların əvəzinə başqa oyunçuları toplanışa dəvət etdik. Oyunlar zamanı yeni cəlb edilənlərə özlərini göstərmələri üçün şans verdik. Etiraf edim ki, hər birinin oyunu məni qane etdi. Ümumiyyətlə, komandadan razı qaldım.
- Deməli, seçim zamanı ciddi rəqabət yaranacaq?
- Əlbəttə, yeni futbolçuların özlərini yaxşı tərəfdən göstərməsi seçim imkanımızı genişləndirəcək. Eyni zamanda, onların gəlişi komandada rəqabəti gücləndirəcək. Vacib olan bu futbolçuların daim formalarını qorumalarıdı. Ölkə çempionatının üçüncü dövrəsi başlayır. Mütəmadi olaraq oyunları izləyəcək, kimin hansı durumda olduğunu nəzarətdə saxlayacağıq.
- Hazırkı futbolçuları U-21-in ən güclü futbolçu nəsli hesab etmək olarmı?
- Hər dövrdə yaxşı mənada fərqlənən, seçilən futbolçular olub. Onlar U-21-də bir neçə oyun keçirdikdən sonra əsas milliyə dəvət edildilər və orada möhkəmlənməyi bacardılar. Ona görə qəti fikir bildirmək düzgün olmazdı.
- “Antalya Cup”da Ukrayna yığması ilə dueli “açar oyun” adlandırmaq olarmı?
- Olar. Çünki Ukrayna komandası üzərindəki əzmkar qələbədən sonra futbolçularda özünəinam artdı. Həmişə demişəm, bizim uşaqlar futbol oynamağı bacarırlar. Sadəcə, müəyyən məqamlarda fiziki hazırlıqla bağlı problemləri olur. Hazırkı məqamda bu hiss olunmadı və uğurlu nəticələr əldə etdik.
- Təbii ki, bu hazırlıq martda Rusiya yığması ilə keçiriləcək oyun üçün nəzərdə tutulub. Necə düşünürsüz, komandanı həmin oyuna hazır saymaq olarmı?
- Hələ tələsməyək, çünki 2 aya yaxın vaxtımız var. Seçmə mərhələnin oyunu zamanı seçim edəcəyik. Ola bilər, həmin vaxt hansısa futbolçu ideal formada olsun və ya zəif təsir bağışlasın. Futbolda zədədən də qaçmaq mümkün deyil. Ona görə zamanı qabaqlamayaq. Ümumi götürdükdə, komandanın bu toplanışdakı çıxışından razı qaldım.
Mənbə: affa.az
“Trabzonspor”dan inamlı qələbə
“Yuventus”dan heç-heçə, “Bayer” qalib gəldi
La Liqada səfər azarkeşləri üçün yeni qərar
"Karvan-Yevlax" belə məğlub oldu - Video
"Beşiktaş" - "Kristal Pelas": Heyətlər
Bruno Fernandeş tənqidinə görə cəzalanacaq?
“Bavariya”nın futbolçusu sıradan çıxdı
Çempionlar Liqasında həftənin rəmzi komandası açıqlandı
UEFA-dan Fəridə Lütfəliyevaya təyinat
"Gəncəbasar"ın 7 qollu qələbəsindən - Video
Çempionlar Liqasında həftənin oyunçusu bəlli oldu
1-ci liqada 6-cı tura yekun vuruldu
Sergen Yalçın rəsmən Türkiyə millisində - Video
"Keyn İngiltərə tarixinin ən yaxşısıdır"
UEFA “Trabzonspor”u cərimələdi və cəzalandırdı
"Mançester Yunayted"dən Kerrik qərarı
"Qalatasaray" - "Fənərbaxça" matçı ona tapşırıldı
Kurtuadan yeni müqavilə açıqlaması
Mourinyo "El-Klasiko"dan danışdı
"Sabah" "Qarabağ"dan bir addım irəlidədir" - Mütəxəssis rəyi
Misli Premyer Liqası: 9-cu turun hakimləri
