02.11.24
Hazırda “Zirə” klubu Türkiyənin Antalya şəhərində təlim-məşq toplanışını davam etdirir. Komandanın salvadorlu hücumçusu Nelson Bonilla Qol.Az saytına müsahibəsində hazırlıq prosesi və digər məsələlər haqda danışıb
- Artıq komandan hazırlıq prosesinə start verib. Toplanış necə keçir?
- Bir neçə gündür ki, məşqlərə başlamışıq. Hər şey qaydasındadır. Çempionatın ilk yarısında bacardığımız qədər yaxşı nəticələr əldə etməyə çalışdıq. Pis də alınmadı. Bu uğuru davam etdirmək üçün hazırlıq prosesini yaxşı keçib, uğurlarımızı davam etdirməliyik. Əlimizdən gələni edəcəyik ki, mövsümün sonunda turnir cədvəlində yaxşı mövqedə qərarlaşaq.
- Premyer Liqaya vəsiqə qazanan zaman heç kim “Zirə”dən bu nəticələri gözləmirdi. Səncə, bu uğurun memarı kimdir?
- Uğurda bütün komandanın əziyyəti var. Xüsusilə məşqçilərin gördüyü işlər danılmazdır. Eyni zamanda “Zirə”də futbolçular arasında gözəl münasibət var. Hansı komandada belə mühit olsa, uğur qazana bilər.
- Artıq uzun müddətdir Azərbaycandasan. Çempionatımızı necə dəyərləndirirsən?
- Gərgin çempionat keçir. Turnir cədvəlində 2-ci yerdə olan komanda ilə 5-ci pillədəki komanda arasındakı xal fərqi azdır. Bu da onu göstərir ki, Azərbaycanda yaxşı mübarizə aparan klublar var.
- Səncə, belə gərgin keçən çempionatda komandan hara kimi irəliləyə bilər?
- Biz ilk olaraq çempionatda qalmaq haqqında düşünürdük. Amma qazandığımız nəticələr göstərdi ki, daha yaxşısını edə bilərik. Mən də komandam üçün əlimdən gələni əsirgəmirəm. “Zirə”nin qazandığı uğurlarda pay sahibi olmaq mənim üçün də sevindiricidir.
- Yəni komandan mövsümün sonuna turnir cədvəlindəki mövqeyini qoruyub saxlaya biləcək?
- Bu, bizdən aslı olan bir haldır. Əgər bu günə kimi istəyimizə nail olmuşuqsa, niyə də davamını gətirməyək? İşimizin öhdəsindən layiqincə gəlməyi bacaracağıq. Düşünürəm ki, çempionatın sonunda əziyyətimizə dəyəcək nəticə əldə edəcəyik.
- Necə düşünürsən, klublarımızdan hansı ilə mübarizə aparmaq daha çətindir?
- İlk 2 dövrədən sonra deyə bilərəm ki, bütün komandalara qarşı oynamaq çox çətin idi.
- Azərbaycan futbolu haqqında daha öncə məlumatın var idi?
- Az məlumatım vardı. Amma Bakıya gələndən sonra ölkəniz və futbolunuz məni yaxşı mənada təəccübləndirdi. Bakını çox sevirəm.
- Adətən, amerikalı futbolçular texniki cəhətdən üstün olan komandalarda oynamağı sevir.
- “Zirə”də özümü çox yaxşı hiss edirəm. Komandamdan və futbolçularımızdan da məmnunam. Əsas odur ki, çempionatın sonu bizim üçün yaxşı nəticələnsin.
- “Zirə”də qarşına qoyduğun əsas məqsəd nədir?
- Biz komanda şəklində məqsədlərimizə çatmağa çalışırıq. Qeyd etdiyim kimi, ilk olaraq çempionatda qalmaq haqqında düşünürdük. Bu məqsədimizi turnir cədvəlində riyazi cəhətdən həll etmiş olsaq, digər məsələlər barədə də düşünə bilərik.
Ergün SEYİD
_22.01.19.jpg)
"Real"da şok itki
MEDİA müsabiqə elan edib
Mikelsin yubiley qolu
"Sumqayıt"ın "Şamaxı" üzərində qələbəsi - Video
Ayxan Abbasov: "Çempionat gərgin keçəcək"
Ronaldo "Fənərbaxça"ya keçir, ya yox? - Mourinyo danışdı
"Sumqayıt" "Şamaxı"ya qalib gəldi
"Turan Tovuz" - "Sabah" matçında vurulan qollar - Video
"Turan Tovuz" "Sabah"la heç-heçə etdi
"Sumqayıt" - "Şamaxı": Heyətlər
Azərbaycanın basketbol millisi İsveçrəyə uduzdu
"Turan Tovuz" - "Sabah": Heyətlər açıqlandı
Məşhur hücumçunun oğlu İngiltərə klubunda
Azərbaycan cüdoçularından 4 medal - Avropa kuboku
"Arsenal" Premyer Liqada qələbə sayında 2-ci oldu
U-18 Qəbələdə toplanır
