28.10.25
“Qəbələ” klubunun vitse-prezidenti Fariz Nəcəfovun Qol.Az saytına müsahibəsi
- Mövsümün ikinci yarısı üçün hazırlıqlar nə yerdədir, transfer işləriniz necə gedir?
- Göndərilən oyunçuların əvəzinə ikisi legioner, biri yerli olmaq şərtilə üç futbolçu transfer etmək istəyirik. Bilirsiniz ki, qışda azad agent statuslu futbolçu tapmaq çətindir. Tapmasaq, biri ilə də kifayətlənə bilərik. Axtarışlar gedir.
- Klubun cəmi üç futbolçu axtarışında olması baş məşqçinin istəyidir, yoxsa devalvasiyanın nəticəsidir?
- Bəli, bunu Qriqorçuk istəyib. Qış fasiləsində yaxşı futbolçu tapmaq çətindir.
- Manatın devalvasiyası “Qəbələ”yə necə təsir edəcək? Mövsümün ikinci yarısı üçün planlarınızda dəyişiklik olacaq?
- Sözsüz ki, devalyasiya bizə də təsirsiz ötüşməyəck. Ancaq hələ ki, klub prezidenti ilə görüşüb, nəyi necə eləmək lazım olduğunu müzakirə etməmişik. Klub prezidenti hazırda ölkə xaricindədir. Gələndən sonra bu barədə söhbətimiz olacaq.
- Komandadan yenə göndərilənlər olacaq?
- Xeyr. Baş məşqçinin qərarı ilə bəzi futbolçularla yolları ayırdıq, bəziləri isə özü getmək istədi. Artıq göndərilən olmayacaq.
- AFFA borcları olduğu üçün “Qəbələ” də daxil olmaqla 9 kluba sansksiyalar qoyub. Peşəkar Futbol Liqasının prezidenti Ramin Musayev “Qəbələ”nin borc məsələsində AFFA ilə razılaşdığını deyib. Qoyulan qadağalar “Qəbələ”yə şamil olunmur?
- Bəli, hamı kimi bizim də PFL-ə borcumuz var idi. Eyni zamanda yayım hüququna görə AFFA-dan alacaqlarımız var idi. İki qurumun mühasibatları ayrı-ayrı olsa da, danışıb razılaşdıq ki, PFL-ə olan borcumuzu AFFA ödəsin. Bununla da məsələ həll olundu.
- Yeni ildə “Qəbələ”dən nə gözləyirsiniz?
- Bizim hədəflərimiz dəyişmir. Düzdür, son oyunlarda xeyli xal itirdik. “Qarabağ”la 10 xallıq fərq yarandı. Ancaq mövsümün əvvəlində qarşımıza qoyduğumuz hədəf dəyişməyib. Çempionluğa oynayacağıq. Həm çempionluq, həm də kubok üçün mübarizə aparacağıq. Minimum hədəf avrokuboklara vəsiqə qazanmaqdır.
- Roman Qriqorçukla yeni müqavilə imzalandı. Baş məşqçinin qarşısına yeni öhdəliklər qoyuldumu?
- Qriqorçuk da hədəfləri bilir. Sadəcə, yeni müqavilə imzalayanda onunla danışdıq ki, Syominlə olan halı təkrar yaşamayaq. O da razılaşdı. Bundan sonra müqavilənin müddətini artırdıq. Öhdəliklərə gədikdə isə Qriqorçuk öhdəsinə düşəni bilir.
- “Qəbələ” Futbol Akademiyasına yeni direktorun təyinatı nə vaxta nəzərdə tutulub?
- Axtarışlarımız davam edir. Ancaq yaya qədər akademiyaya baş məşqçi Halim Fıçıcı rəhbərlik edəcək. Əcnəbi mütəxəssis dəvət edəcəyik. Bizə uyğun mütəxəssis axtarırıq.
Ramiq AĞAMƏMMƏDOV
Messinin 400-cü assisti
Derbilərin tamaşaçı sayı açıqlandı
“Bavariya” mövsümdə ilk dəfə xal itirdi
"Ayntraxt"dan Götze ilə bağlı qərar
Millimiz mübarizəni dayandırdı
Azərbaycan derbilərini idarə edən hakimlər
"Rəqibə qol epizodu vermədik" - Rəşad Sadıqov
"Bilmirəm baş hakim qərarını niyə dəyişdi" - Kurban Berdiyev
Azərbaycan derbisinə doğru: Vərəqələr, penaltilər
"Araz-Naxçıvan" “Karvan-Yevlax”a belə qalib gəldi - Video
“Tottenhem” və “Mançester Yunayted” xalları bölüşdürdü
"Oyunla bağlı çox danışmaq istəmirəm" - Elmar Baxşıyev
"Hələ ki idman xoşbəxtliyi bizdən yan qaçır" - Azər Həşimov
“Zirə" - "Turan-Tovuz" : Heyətlər
Millimiz Səudiyyə Ərəbistanı ilə qarşılaşacaq
Azərbaycan derbisi üçün bütün biletlər satıldı
Ançelottidən Neymara məsləhət
"Napoli"nin gözü "Mançester Yunayted"in futbolçusunda
"Araz-Naxçıvan" - "Karvan-Yevlax": Heyətlər
Haaland: "Qvardiola dahidir"
Azərbaycan derbisinə doğru: Futbolçular
"Liverpul" onunla yeni müqavilə imzalayır
Poçettino: "Premyer Liqaya qayıdacağam"
AFFA rəsmisi UEFA-dan növbəti dəfə təyinat aldı
