14:35
Azərbaycanda ilk dəfə gələn il təşkil olunacaq “Formula-1” Avropa Qran-prisinin keçiriləcəyi Bakı Şəhər Halqasının (Baku City Circuit) loqosu ictimaiyyətə təqdim edilib.
Qol.Az-ın "Azərtac"a istinadən yaydığı xəbərə görə, loqotip dünyada məşhur “Brandia” brend agentliyi tərəfindən, əsas qayəsi başlıca olaraq dörd elementdən ilham alınaraq hazırlanıb.
Həmin elementlərdən birincisi, yarış üçün mükəmməl düşünülmüş Bakı Şəhər Halqasının təcəssümüdür. Bakı Şəhər Halqası İçərişəhərin qala divarları ətrafında tam yeni bir macəranın enişli-yoxuşlu dar keçidləri ilə yanaşı, sahilboyu müasir göydələnlərə və Xəzər dənizinə ecazkar mənzərənin açıldığı geniş sürət zolağını özündə birləşdirən nadir trek kimi nəzərdə tutulub.
Müxtəlif çətinlikli 20 döngəsi, dar keçidləri və ən maraqlısı sahil boyunca 340 kilometr-saat sürətlə hərəkət etmək imkanı verən 2,2 kilometr uzunluğunda olan hissə ilə Bakı Şəhər Halqası cari “Formula-1” təqvimində ən sürətli şəhər treki fenomeninə imza atacaq. Oturacaqlar və ayaqüstü tribunalarla birlikdə ümumilikdə 30 min tamaşaçı tutumuna malik bu idman məkanı yarış zamanı 500 milyondan çox televiziya izləyicisinin diqqət mərkəzində olacaq.
İkinci element kimi, unikal motoidman mədəniyyətinin yeni brendin fəlsəfəsində təzahürü diqqəti cəlb edir. Belə ki, sürət, zənginlik, innovasiya ilə yanaşı, çoxillik ənənəni təcəssüm etdirən “Formula-1” motoidman yarışı loqoda parlaq şəkildə öz ifadəsini tapıb.
Bundan əlavə, yeni loqonun modern üslubda seçilmiş tərzi və qırmızı, gümüşü, ağ rəngləri dünya səviyyəsində yarışların sadiq azarkeş kütləsinə və potensial gənc avtomobilsevərlərə ünvanlanıb. Bənövşəyi rəng isə Bakı Şəhər Halqasını digər Qran-prilərdən fərqləndirən vacib amillərdən biri olacaq.
Nəhayət, keçmişlə müasirliyin, Qərb ilə Şərq sivilizasiyalarının birləşdiyi paytaxt Bakının tarixi irsi, keçdiyi sürətli inkişaf yolu, qonaqpərvərlik ənənəsi və müasir biznes imkanları şəhər treki brendinin ana xəttində yer alıb. Loqonun konsepti Azərbaycan milli xalçaçılığında qədim dövrlərdən bugünədək əks olunan alov, su və külək naxışlarının vəhdətindən qaynaqlanıb.
Gələn ilin yayında Bakı Şəhər Halqasında keçiriləcək Avropa Qran-prisinin loqosu isə bu ilin dekabrında yekun “Formula-1” təqvimi açıqlandıqdan sonra təqdim ediləcək.
“Əl-Hilal”ın qapıçısı matçdan əvvəl sıradan çıxdı
Gənclərə yol göstərməsini istədilər, təklifi geri çevirdi
Messi və Ronaldo eyni komandada oynayacaq?
Sabiq klubuna qayıtmaq üçün aşağı maaşa razıdır
Rəhbərliklə münasibətləri pisləşdi, klubdan ayrıldı
1-ci Liqa klubunda yeni məşqçi təyinatı
34 yaşında karyerasını bitirdi
"Neftçi" nigeriyalı hücumçu transfer etdi
Alonso onu "Çelsi"də görmək istəmədi
“Beşiktaş”ın avrokubok matçı başqa ölkədə keçirilə bilər
Azərbaycanlı hakimə UEFA-dan növbəti təyinat
“VAR qaydanı bilmirsə, vəzifəsindən getməlidir”
Azərbaycan millisi Moldovaya məğlub oldu
1-ci liqada hakim təyinatları açıqlandı
Salah “Trabzonspor”da rekorda imza atdı
Mbappe: “Bəlkə də “Qızıl top” üçün mənim uğurlu ilimdir”
“Barselona”nın sabiq futbolçusu karyerasını başa vurdu
Mourinyo: “Pley-offa adlayacağıq”
"Millidə də qol vurmaqda özümə güvənirəm" - Vüsal İsgəndərli
Hakim Ziyeşin yeni klubu məlum oldu
"Fiorentina" baş məşqçisini istefaya göndərdi
Çempionlar Liqasının oyunları 1 dəqiqəlik sükutla başlayacaq
Ulduz futbolçu "Əl-İttifaq"ı "Əl-İttihad"a dəyişdi
Evdə 100-cü qol
Esposito ilə yeni müqavilə imzalandı
“Qarabağ”dan 2 yeni xəbər - Biri şad, o biri məyusedici
Qismət Alıyev “250”yə çatdı
