Ötən mövsüm rəqiblərindən bir baş üstün oyun nümayiş etdirərək çempionluğu vaxtından əvvəl bayram etmiş “Neftçi” PFK bu mövsüm də qələbəyə iddialıdır. Avrokuboklardakı uğursuzluqdan sonra baş məşqçi dəyişikliyinə gedən flaqman heyətini qoruyub saxladı. Məhz həmin heyət hazırda çempionatın lideridir.
Komandanın göstərdiyi məzmunlu oyun gələcəyə nikbin baxmağa əsas verir. Təbii ki, bu ilki hədəflərin başında, ölkəmizi avrokuboklarda layiqli təmsil etmək dayanır. Qarşıya qoyulan məqsədlərə çatmaq üçün “Neftçi” PFK yerli futbolçuların xidmətindən yararlanmaq niyyətindədir. Komanda rəhbərliyi legioner futbolçuların transferi məsələsinə də olduqca həssas yanaşır. Bu gün “Neftçi” PFK-nın heyətində meydana çıxan əcnəbi futbolçular, yerli gənc oyunçulara örnəkdir.
Hələ SSRİ dönəmində hamımızın qürur mənbəyinə çevrilmiş “Neftçi” oyunu ilə milyonların qəlbini fəth etmişdi. Flaqman 1966-cı ildə SSRİ çempionatının bürünc medallarını qazanmaqla adını futbol tariximizin şanlı səhifələrinə köçürmüşdü. Minlərin, milyonların deyil, xalqın komandasına çevrilmiş “Neftçi” o illərdə bizi həmrəyliyə çağıran bir güc idi. Hamımız yalnız flaqmanın qələbəsinə sevinir, məğlubiyyətinə kədərlənirdik.
“Neftçi” PFK-nın uğurlarını yada salmaq üçün yaxın keçmişə qayıtmaq kifayətdir. 2004-2005-ci illərdə ölkə çempionluğunu bayram etmiş komandanın avrokuboklardakı uğurları da həmin vaxta təsadüf edir. Heç şübhəsiz ki, bu uğurların memarı o vaxt “Neftçi” klubunun prezidenti olan Rövnəq Abdullayevdir. Məhz Rövnəq Abdullayevin böyük diqqət və qayğısı nəticəsində “Neftçi” ardıcıl 2 il Çempionlar Liqası turnirində mərhələ adladı. 2004-2005-ci il mövsümündə Bosniya və Hersoqovinanın “Şiroki Briyeq” klubunu mübarizədən kənarlaşdırmış flaqman ikinci turda Rusiyanın güclü MOİK komandasına məğlub oldu. Təsadüfi deyil ki, MOİK həmin mövsüm UEFA kubokunun qalibi adını qazanmışdı. Bakıda keçirilmiş matçda Rusiya təmsilçisi ilə 0:0 hesablı heç-heçəyə imza atmış “Neftçi” PFK səfərdə 0:2 hesabı ilə məğlub olmuşdu.
Bundan bir il sonra “ağ-qaralar” qitənın ən mötəbər klub turnirində İslandiyanın “Hafnarfyordur” klubunu hər iki qarşılaşmada üstələməyi bacardı. Növbəti mərhələdə flaqmanın yolunu Belçika çempionu Anderlext kəsdi. Halbuki komanda güclü rəqibini Bakıda minimal hesabla məğlub etmişdi.
Uğurların davamı “Birlik kuboku” turnirində gəldi. 2005-ci ildə sözügedən yarışın finalına çıxan “Neftçi” PFK növbəti il kuboku başı üzərinə qaldıran ilk Azərbaycan təmsilçisi oldu.
Sonrakı 6 ildə komanda sanki uğursuzluq zolağına düşdü. Müəyyən məğlubiyyətlər səbəbindən flaqman elə bir ciddi nailiyyət əldə edə bilmədi.
Amma flaqman yenidən toparlanmağı bacardı. Sadıq Sadıqovun klub prezidenti təyin olunması ilə “Neftçi” PFK uğurlarını yenidən sıralamağa başladı. Sadıq müəllimin rəhbərliyi altında toplanan komanda 6 il sonra yenidən çempionluq yaşadı. Bu günün flaqmanı 6 il öncəki qələbələrin təməli üzərində dayanır. Təsadüfi deyil ki, bu gün “Neftçi” PFK-nın 50-yə yaxın futbolçusu müxtəlif yaş qrupları üzrə milli komandalarımızın heyətinə cəlb olunur. Premyer liqada lider mövqeyində qərarlaşmış flaqmanın nümayiş etdirdiyi oyun klub rəhbərliyinin göstərdiyi qayğının bariz nümunəsidir. “Neftçi”nin aşağı yaş qrupları üzrə komandaları da müvafiq çempionatlarda liderlər mövqeyində qərarlaşıb. Bütün bu nəticələr onu deməyə əsas verir ki, “Neftçi” PFK bu gün doğru inkişaf xətti götürüb.
Bu nailiyyətlərin təməlində isə, dünənin uğurları dayanır. 6 il öncə Rövnəq Abdullayevin rəhbərlik etdiyi komanda bu günün flaqmanı üçün bir örnəkdir. Hazırda AFFA prezidenti olan Rövnəq Abdullayev, ümumilikdə Azərbaycan futboluna xidmət edir. Təbii ki, bütün klublarımız bu uğurun tərkib hissəsinə çevrilməlidir.
2006-cı ildə “Neftçi” klubunun rəhbərliyini və üzvlərini qəbul edən dövlət başçısı İlham Əliyevin “Neftçi”nin ünvanına səsləndirdiyi fikirlər flaqman sevərlərin yaddaşlarında dərin iz buraxıb. Cənab prezident “Neftçi”nin qazandığı bu zəfərin gələcək uğurlara örnək olacağını vurğulamışdı.
Bütün “Neftçi” azarkeşləri də inanır ki, xalq komandası Azərbaycanda olduğu kimi, Avropada da zəfərlərini davam etdirəcək!
ELNUR
"İrəvan" – "Difai Ağsu" - Video
Konfrans Liqasında ilk finalçı bilindi
"Ağdaş"ın 3 cavabsız qolu - Video
"Real" - Bavariya": Start heyətlər
Hakan Çalhanoğlu “İnter”də ayın futbolçusu seçildi
"Ağdaş"dan qələbə
1-ci Liqada 25-ci tur başladı
Misli Premyer Liqasında 35-ci turun oyun cədvəli açıqlandı
“Real” - “Bavariya” oyunu bu kanallarda
PFL və “YAŞAT” Fondu arasında anlaşma memorandumu imzalandı
Klaudio Bravo La Liqa klubundan ayrılır
"Kəpəz"in ilk transferi bilindi
Məşhur hakim oyundan sonra niyə ağlayıb? - Şəkillər
Marko Roys qərarını verdi
"Qarabağ"ın məbədi olan "İmarət"dən yeni görüntülər - Video
Rahil Məmmədov Polşada klubunu dəyişəcəkmi?
Hakimi təhqir etdi, 5 oyunluq cəzalandırıldı
"Qol vurmalı ilk adam mən idim" - Mbappe
"Çelsi"də mövsümün ən yaxşısı seçildi
AFFA 4 futbolçunu 4 oyunluq cəzalandırdı
Maradonanın "Qızıl top"u hərraca çıxarılır
“Futbol o qədər ədalətsizdir ki..."
"Mançester Yunayted" 47 il əvvələ qayıdıb
"Borussiya"nın Parisdəki qələbəsi - Video
Çempionlar Liqasında 2-ci finalçı müəyyənləşir
"Borussiya" Çempionlar Liqasında finala yüksəldi
Türkiyə kubokunda ilk finalçı bilindi
“Bir neçə məşqçi ilə danışıqlar gedir” - AFFA-dan açıqlama
"Füzuli" Göygöldə 3 xalı belə qazandı - Video
Kosta 100-dən çox insanı xilas etdi
"Şahdağ Qusar"ın 4 qolu - Video
İkiqat Avropa çempionu müharibədə həlak oldu
Tiaqo Silvanın yeni klubu rəsmiləşdi
"Şahdağ Qusar"dan darmadağın, "Füzuli" qalib gəldi
Şehiç milli karyerasını başa vurdu
Acun "Hall Siti"nin baş məşqçisini istefaya göndərdi
Poqba komediya filminə çəkildi
Futzal üzrə Azərbaycan kubokunun qalibi bəlli oldu
İngiltərə klubunun şikayəti rədd edildi
"Atletiko" Poçettino ilə danışıq aparır
"Real" - “Bavariya” oyununa hakim təyinatları açıqlandı
Luis Enrikedən iddialı açıqlama
U-17 millisi Türkiyəyə böyük hesabla uduzdu
"İnter"dən Lautaro Martinesin gələcəyi ilə bağlı açıqlama