18:19
Bu mövsümdən Premyer Liqada yarışan «Sumqayıt Şəhər» futbol klubunun AFFA-ya, konkret olaraq, bu qurumun baş katibi Elxan Məmmədovun komandası olması haqda mətbuatda çox yazı dərc edilib.
Düzdür, klubun prezidenti Kamran Quliyev mətbuatda hər açıqlamasında bu xəbərləri təkzib edib və hamını inandırmağa çalışır ki, belə bir şey qətiyyən yoxdur. Ümumiyyətlə, Kamran müəllim «Sumqayıt Şəhər»in müstəqil bir klub olduğunu deyir, işlərini əsl peşəkar səviyyədə qurduğunu iddia edir.
Düzü, biz qətiyyən bu fikrin əleyhinə deyilik. Ola bilər ki, «Sumqayıt Şəhər»də təşkilati işlər doğrudan da, çox əla səviyyədə qurulub. Amma bir şeyi başa düşmürük, «Sumqayıt Şəhər» klubunun, yəni Kamran Quliyevin dediyi kimi, müstəqil bir klubun ofisi nəyə görə bu ölkənin ən böyük qurumlarından olan Dövlət Neft Şirkətində yerləşir? Yox, təəccüblənməyə gərək yoxdur, «Sumqayıt Şəhər»in ofisi həqiqətən də Dövlət Neft Şirkətində yerləşir. Hörmətli oxucu, əgər sizdə hələ də şübhə yeri qalıbsa, o zaman ya bu yazının lap sonunda dərc etdiyimiz şəkilə baxın, ya da «Sumqayıt Şəhər» futbol klubunu rəsmi saytına (sumqayitpfc.az) daxil olub, «Əlaqə» bölməsini seçin və orada göstərilən əlaqə nömrəsinə - (+994 12) 521 00 00 telefona zəng vurun. Onda özünüz də əmin olacaqsınız ki, operator həzin bir səslə deyir: «Salam! Siz Dövlət Neft Şirkətinə zəng eləmisiniz. Daxili nömrəni bilirsinizsə, yığın və ya operatorun cavabını gözləyin».
Mətləbə dəxli olsa da, olmasa da, bu məsələ lap Gürcüstan prezidenti Mixail Saakaşvilinin Rusiya ilə müharibələri barədə olanları xatırlayarkən söylədiyi məşhur bir ifadəsini yada salır: «Üç dəfə Medvedyevə zəng etdim, telefonu Putin götürdü».
İndi üç gündür bizim Qol.Az saytının əməkdaşları «Sumqayıt Şəhər» klubuna zəng edir, telefona ARDNŞ cavab verir.
Hörmətli «Sumqayıt Şəhər»in rəhbərliyi, bəlkə bu sadə suala cavab verəsiniz, niyə?
Yuxarı
"Liverpul" Salahı itirdi
Nəriman Axundzadə MLS-də debüt etdi
"Lion" heyətində çıxış etməyən oyunçu üçün cərimə ödəyəcək
Əllə oyun olsa da, hakim penalti təyin etmədi - Şəkil
Bundesliqa matçında 6 qol vuruldu, qalib bəlli olmadı
"Tottenhem" 5 penalti qaytaran qapıçıya göz dikdi
"Liverpul"dan 10 ildən sonrakı ilk antirekord
"Barselona" onunla sağollaşa bilər
"Turan Tovuz" "Qəbələ"ni belə məğlub etdi - Video
Ekitike sıradan çıxdı, milliyə qoşula bilməyəcək
"İddialı danışmaq üçün hələ çox tezdir" - Kurban Berdiyev
“Qarabağ”ın lehinə penalti verilməli idimi? - Video
“Turan Tovuz” “Qəbələ”yə qalib gəldi
Mahir Emreli keçmiş komandasına qarşı oynadı
Hidayət Heydərov bürünc medal qazandı
Qəzaya görə Premyer Liqa matçı gec başladı
"Mançester Yunayted" hakimlərə qarşı şikayət hazırlayır
