21:45
Misli Premyer Liqasında 2026/27 mövsümünün ilk turu çərçivəsində "Şamaxı" "Qarabağ"a 1:3 hesabı ilə məğlub olub.
QOL.az xəbər verir ki, "Şamaxı"nın baş məşqçisi Azər Bağırov oyundan sonra matç barədə fikirlərini bölüşüb:
"Qarabağ"a qarşı oynayırdıq və rəqibin gücü bəllidir. Çempionatın əvvəlində komandamızda müəyyən çatışmazlıqlar var. Çalışacağıq ki, bu oyundan yaxşı nəticələr çıxaraq, səhvlərimizin üzərində işləyək. Düşünürəm ki, zamanla daha yaxşı “Şamaxı” görəcəyik".
- Hansı səhvlərə görə məğlub oldunuz? Avtoqol məğlubiyyətə təsir etdi?
- Əslində, bunlar normal oyun epizodlarıdır. “Qarabağ”ın kifayət qədər qol epizodları var idi. Avtoqol və digər səhvlər - bunların hamısı çatışmazlıqlarımız idi. Dediyim kimi, onların üzərində çalışacağıq. Qarşımızda çətin yol var, amma bunun öhdəsindən gəlməyə çalışacağıq.
- Yay hazırlıq prosesini necə qiymətləndirirsiniz?
- Normal keçdi. Bir müddət Qəbələdə hazırlıq keçdik. Əsas hazırlıq prosesini iki hissəyə böldük, daha sonra yoldaşlıq görüşləri keçirdik. Məncə, hazırlıq prosesi yaxşı alındı. Bu gün “Qarabağ”a qarşı ilk turda oynamağımızın yaratdığı müəyyən həyəcan da ilk hissədə hiss olunurdu. Amma ümumi götürəndə hər şeyin qaydasında olduğunu düşünürəm. Qarşıda çox işimiz var, əlimizdə material var və onun üzərində işləyəcəyik.
- Yeni transferlər gözlənilir?
Əslində, transferləri başa çatdırmışıq. İnşallah, qış fasiləsindən sonra ola bilər. Çatışmazlıqlarımızı gördünüz. Əks-hücumlarda bəzi epizodlar var ki, orada daha konkret qərarlar verməliyik. Kiçik səhvlərimiz var. Çalışacağıq ki, onların üzərində işləyək.
"Qarabağ"da şok itki
"İmişli"də ayrılıq
PFL Zubirə təşəkkür etdi
“Bizə sadəcə vaxt lazımdır” - "Şəfa"nın baş məşqçisi
Rüfətin komandası finala gedən yolda büdrədi
"Neftçi" "Sumqayıt"a, "Zirə" "Şəfa"ya qalib gəldi
Şotlandiya millisində yeni baş məşqçi
"Real"a dönüşü gələn ilə qala bilər
“Sumqayıt”ın baş məşqçisi “Neftçi”yə məğlubiyyətdən danışdı
Mahir Emreli qol ötürməsi verdi
"Neftçi"nin 3 qollu qələbəsindən - Video
"Arsenal" 18-ci dəfə İngiltərə Superkubokunun qalibi oldu
Həm "Qalatasaray"dan, həm "Roma"dan təklifi var
Superliqa matçında 4 yaşlı azarkeşə qarşı xoşagəlməz hadisə
“Zirə” - “Şəfa”: Heyətlər
“Çox güman ki, bu, futboldakı son ilimdir” - Ronaldo
