23.08.26
“Sabah”ın almaniyalı hücumçusu Coy Lens Mikelsin QOL.az saytına müsahibəsi
- “Qəbələ” ilə görüşdə (7:1) dubl edərək Azərbaycan Premyer Liqasında qol sayını 50-ə çatdırdınız. Həm də “Sabah”ın ümumilikdə ən çox qol vuran (64) futbolçususunuz. Bu haqda təəssüratlarınızı bilmək istərdik.
- Adımın klubun tarixinə düşməsi mənim üçün çox böyük məna daşıyır. Bu nailiyyətlə qürur duyuram, amma bunu yalnız öz əməyimin yox, bütün komandanın səylərinin nəticəsi kimi görürəm. Ümid edirəm ki, gələcəkdə də daha çox qollar və yaxşı oyunlarla komandama kömək etməyə davam edəcəyəm.
- Azərbaycan Premyer Liqasında daha iki qardaşınız oynayır (“Zirə”də Leroy Mikels, “Karvan-Yevlax”da Coy Slayd Mikels - QOL.az). Üç qardaşın bir çempionatda oynaması necə hissdir?
- Bu, ailəmiz üçün çox xüsusi bir şeydir. Mən Premyer Liqada tək oynayanda bu, artıq böyük bir arzu idi. İndi isə üç qardaşın eyni çempionatda oynaması hamımız üçün böyük qürur mənbəyidir. Ailəmiz çox xoşbəxtdir və bu da bizi daha çox işləməyə və ailəmizi ən yaxşı şəkildə təmsil etməyə əlavə motivasiya edir.
- Hazırda 12 qolla çempionatın bombardirisiniz. Qardaşlarınız isə ikisi birlikdə 5 qol vurub. Bu barədə heç söhbətiniz, onlarla zarafatınız olur?
- Əlbəttə, bəzən bu barədə zarafatlaşırıq. Futbol rəqabətlidir, hətta qardaşlar arasında belə. Bir-birimizi çox dəstəkləyirik və aramızdan biri qol vuranda hamımız sevinirik. Sonda isə ən vacib olan odur ki, hamımız inkişaf etməyə davam edək və futboldan zövq alaq.
- Bu cür parlaq çıxışlar sizə başqa klublardan təklifləri artırıbmı? “Sabah”la müqaviləniz mövsümün sonunda başa çatır. Klubda qalmaq fikriniz var?
- Hazırda yalnız komandamın uğurlu çıxışı barədə düşünürəm və bütün diqqətimi buna yönəltmişəm. Burada xoşbəxtəm və başqa məsələlər barədə çox da düşünmürəm.
- Bir müddət Səudiyyə Ərəbistanında çıxış etdikdən sonra “Sabah”a qayıtdınız. Bu qayıdış nə ilə bağlı oldu? Belə bir gedişat təkrarlana bilərmi?
- Bu artıq keçmişdə qalıb. Dediyim kimi, indi yalnız komandamın uğurları barədə düşünürəm, tam olaraq buna fokuslanmışam.
- Xeyli müddətdir ki, çempionatda “Qarabağ”la bu cür çempionluq mübarizəsi aparan klub olmayıb. Hazırda lidersiniz, çempionluq şanslarınızı necə qiymətləndirirsiniz? “Qarabağ”la bu mübarizə nə dərəcədə çətin olacaq?
- Düzü, bu barədə düşünmürəm. Biz yalnız növbəti oyunlarımızı fikirləşirik. Bizi çempionatda qarşıda hələ 10 vacib oyun və qazanılmalı 30 xal gözləyir.
Ramiq Ağaməmmədov
PSJ yenə büdrədi
“Aston Villa” Nikolas Ceksonu transfer etdi
Azərbaycan millisi 1/8 finala adladı - Avropa çempionatı
"Neftçi" hücumçu aldı
Salah “Trabzonspor”un məğlubiyyətindən danışdı
“Mançester Yunayted”in yeni transferi zədələndi
“Barselona” və "Real"ın ən çox qazananları
İnyesta bu klubun baş məşqçisi oldu
“İmişli” anqolalı futbolçu transfer etdi
Avroliqa: Püşkün nəticələri
"Trabzonspor"un rəqibləri məlum oldu
Morata aşağı liqa klubuna keçir
“Qarabağ”ın yeni transferlərə ödədiyi məbləğ - Eksklüziv
"Beşiktaş"ın Avropa Liqasındakı rəqibləri bəlli oldu
"Çelsi"nin futbolçusu La Liqa klubuna keçdi
Misli Premyer Liqasında 3-cü turun hakimləri açıqlandı
"Bir qədər vaxta ehtiyacımız var" - Bense Varkonyi
Leon Qoretzkanın transferi açıqlandı
Fatih Tekke istefa verdi, "Trabzonspor" qəbul etmədi
“Qarabağ”ın qarşısında yox, yanında olmaq zamanı…
Tahir Gözel: "Daha da böyüyəcəyimizə şübhə etmirəm" - Video
"İnter Mayami"də yeni baş məşqçi
"Qarabağ" avrokuboklarla belə vidalaşdı - Video
Liqa mərhələsinin bütün iştirakçıları - Avroliqa
KL: Murad Məmmədovun komandası mərhələ adladı
Avroliqa: “Beşiktaş” Liqa mərhələsində, "Trabzonspor" uduzdu
Mahir qol vursa da, komandası mübarizəni dayandırdı
Con van den Brom: "Bunun sayəsində qələbə qazandıq"
Qurban Qurbanov məğlubiyyətdən sonra: “Gecikdik”
“Qarabağ” avrokuboklarla vidalaşdı
UEFA-dan futbol ruhuna həsr olunan yeni mükafat
