Medianın İnkişafı Agentliyinin layihəsi
Misli Premyer Liqasının 2024/2025 mövsümünün başlamağına artıq bir neçə gün qalıb. Avqustun 2-də yeni mövsümə start verilir.
Bəs klublarımız yeni mövsümə necə hazırlaşıblar? Bizi 2024/25 mövsümündə nələr gözləyir? Bununla bağlı futbol mütəxəssisi, “Araz Naxçıvan”ın sabiq baş məşqçisi Azər Bağırovla söhblətləşdik.
O bildirdi ki, yeni mövsümün ötən mövsüm kimi maraqlı keçəcəyini düşünür: “Vaxt tez gəlib keçir. Artıq çempionatın başlamasına bir həftə qalıb. Düşünürəm ki, bü mövsüm də ötən mövsüm kimi maraqlı keçəcək".
Məlum olduğu kimi, "Qəbələ" Premyer Liqanın 2023/24 mövsümündə 10-cu yeri tutduğu üçün 1-ci liqaya düşüb. Əyalət təmsilçisinin əvəzinə bu mövsüm elitada "Şamaxı" mübarizə aparacaq. A.Bağırov "Şamaxı"nın Ayxan Abbasovun baş məşqçiliyi altında uğurlu çıxış edəcəyinə inandığını söyləyib: “Qəbələ” Premyer Liqadan düşsə də, yerinə region klubu gəlib, həm də iddialı məşqçi ilə. Görünür, ilk vaxtlarda yaxşı bir kollektiv formalaşdıra bilib. Keçən il çempionata rəng qatan məsələlərdən biri elə reqlament məsələsi idi. Reqlamentə görə “Qəbələ” ilə “Şamaxı” yerlərini dəyişdi. İnanıram ki, Ayxan Abbasov qısa bir zamanda yaxşı kollektiv formalaşdıra biləcək. Region klublarının sayı nə qədər çox olsa, çempionat bir o qədər də rənglənər. Fikrimcə, bugünkü müasir futbolda səfər qarşılaşması amili çox önəmlidir”.
Bu yay "Neftçi"də də yeni baş məşqçi təyinatı reallaşıb. Klub bu vəzifəyə 2014-2018-ci illərdə "Qəbələ"yə rəhbərlik etmiş, komanda ilə ardıcıl 2 il Avropa Liqasının qrup mərhələsində mübarizə aparmış Roman Qriqorçuku gətirib. A.Bağırov vurğulayıb ki, “Neftçi”nin yeni baş məşqçinin rəhbərliyi altında necə çıxış edəcəyi haqda danışmaq hələ tezdir: “Roman Qriqorçukun təyin olunmasının nəticəsini zaman göstərəcək. Düşünürəm ki, yoldaşlıq görüşlərini nəzərə almaq lazım deyil. Çempionatın ilk turunda “Neftçi” “Turan Tovuz”la qarşılaşacaq. İlk turun da nəticəsindən çox şey bəlli olmayacaq. Çünki marafon uzundur. İlk 4-5 tur ərzində artıq Roman Qriqorçukun işinin gedişatını, dəyişiklikləri və yenilikləri görəndən sonra artıq nəsə demək olar. Düşünürəm ki, komandanın startı necə götürəcəyi çox önəmli olacaq. Bu təyinatın nəyi dəyişəcəyini və ya nəyi dəyişməyəcəyini artıq zaman öhdəsinə buraxmaq lazımdır. Çünki “Neftçi”də hələ ki, çox da böyük dəyişikliklər olmayıb. Bildiyimiz odur ki, bir neçə futbolçu ilə gücləniblər. Qalanını zaman göstərəcək”.
Mütəxəssis Azərbaycan klublarının yay transfer pəncərəsində gördükləri işlərdən də söz açıb: “Artıq transfer pəncərəsinin bitməsinə az qalıb, amma yenə də vaxt var. Bu stabilliyi komandaların içində qoruyub saxlaya bilən yeganə komanda “Qarabağ”dır. “Neftçi”də də böyük dəyişikliklər olmadı. Həmçinin “Sabah”da 2-3 oyunçu dəyişikliyi oldu. Bu da əslində müsbət haldır. Həm də “Sabah”ın UEFA Konfrans Liqasında çıxışları çox önəmli olacaq. Bundan əlavə “Sumqayıt”da dəyişikliklər oldu. Bu komandanın bəzi aparıcı oyunçuları ilə müqavilə yenilənmədi. Bunu mənfiyə doğru atılan addımlar saymaq olar. Çünki bilinmir ki, Konfrans Liqasından sonra komandanın halı necə olacaq, yüksələcək, yoxsa əksinə, enəcək. Düşünürəm ki, bu, “Sumqayıt” üçün vacib bir amildir.
“Zirə” daha da güclənib. Fikrimcə, “Zirə”də müsbət addımlar atılır. Amma o biri komandaların demək olar ki, hamısı yeniləndi. “Araz Naxçıvan”ın heyəti 70 faiz yeniləndi. “Şamaxı”nın heyəti demək olar ki, tamamilə yenilənib. Bu və digər komandalarda məşqçilərin futbolçuları nə qədər tez adaptasiya edib-etməyəcəyi maraqlı olacaq. Digər klublarda isə təxminən bütün prosesləri artıq bəllidir və yekunlaşıb”.
O, yeni mövsümdə "Sabah"ın “Qarabağ"la rəqabət apara biləcəyini qeyd edib: “Sabah”ın heyətdə çox dəyişikliklər etmədiyini nəzərə alaraq deyə bilərəm ki, fikrimcə, onlar bu il “Qarabağ”a boy verə bilərlər. O biri komandalar isə yenə də “Qarabağ”dan çox aşağıdır”.
Premyer Liqamızın ötən mövsümü hakim qərarları baxımından qalmaqallı mövsüm oldu. A.Bağırov qeyd edib ki, hakimlik məsələsi bütün dünyada ağır bir problemə çevrilib: “Hakimlik problemi artıq bütün dünyada aktualdır. Düşünürəm ki, buna səbəb futbolun daha da üst səviyyəyə gəlib çıxması, sürətlənməsidir. Hakimləri də çox qınamalı deyilik. Sadəcə ən önəmlisi odur ki, qərəz olmasın. Səhvləri keçmək olar. Yaxşı olardı ki, hakimlər öz səhvlərindən nəticə çıxarsınlar”.
Nur Zeynalova
Yazı Azərbaycan Respublikasının Medianın İnkişafı Agentliyinin maliyyə dəstəyi ilə çap olunub
"Sumqayıt" bu yay transfer etdiyi futbolçunu göndərdi
"Birbaşa Bakı" ÇL-də yarımfinala yüksəldi
Raman Saleydən Paris-2024-də 3-cü medal
Mehriban Əliyeva İlham Zəkiyevi təbrik etdi
"Fiorentina"dan Türkiyə klubuna
"Qələbə qazanmağa gücümüz var" - Toral Bayramov
“Neftçi” səfərdə minimal fərqlə məğlub oldu
"Bayer" futbolçusu ilə ayrılığa yaxındır
İlham Zəkiyev Paralimpiadada bürünc medal qazandı
U-17 millimizə bu futbolçular çağırıldı
"Fənərbaxça" misirli futbolçunu yenə icarəyə verdi
"Birbaşa Bakı" 1/4 finalda - Çempionlar Liqası
"Liverpul"un sabiq kapitanı vəfat etdi
"Mançester Siti"nin Haaland qərarı
U-21 millisinin oyununa hakim təyinatları açıqlandı
Bellinqem yaşıl meydanlara daha tez qayıda bilər
Suares vida oyununda göz yaşlarını saxlaya bilmədi - Şəkil
Azərbaycan paraatleti qızıl medal qazandı - Paris-2024
Lamiyə Vəliyevadan Paris-2024-də növbəti medal
Türkiyə millisinin Uelslə oyunu - Video
İker Munyainin yeni klubu açıqlandı
"Qarabağ"ın futbolçusu Misirə qarşı oynadı
"Neftçi"nin qadınlardan ibarət komandası növbəti oyuna çıxır
Rusiya millisinin oyunu qasırğaya görə təxirə salındı
Prosineçki “Qarabağ”ın müdafiəçisinə şans vermədi
İtaliya səfərdə Fransanı məğlub etdi, Türkiyədən heç-heçə
AFFA rəsmisi UEFA-dan növbəti təyinat alıb
U-19 millisi Niderlanda məğlub oldu
U-21 millisi Lüksemburqa uduzdu
Dünya çempionatı: Azərbaycan güləşçisi finala yüksəldi
Azərbaycan komandaları ÇL-də növbəti oyunlarına çıxdılar
Almaniyalı məşqçi 33 yaşında vəfat etdi
Benzia Əlcəzair millisində növbəti oyuna çıxdı
Azərbaycanın iki cüdoçusu Avropa çempionu oldu
Türkiyə millisinin oyununun hakimləri müəyyənləşdi
1-ci liqada ilk turun oyunlarının vaxtı açıqlandı
"Benfika"nın yeni baş məşqçisi bilindi