19:44
“Neftçi” PFK-nın baş icraçı direktoru Fərrux Mahmudov klub ilə qarşılıqlı razılıq əsasında yollarını ayırıb.
QOL.az xəbər verir ki, bu haqda klubun yaydığl açıqlamada bildirilib.
“Fəaliyyəti ərzində uzunmüddətli perspektivdə müsbət dəyişikliyə səbəb olacaq yeni işlərin təməlinin qoyulmasında göstərdiyi xidmətlərə görə Fərrux bəyə təşəkkür edir, gələcək karyerasında uğurlar diləyirik” - deyə məlumatda qeyd edilib.
Mahmudov istefası ilə bağlı nə dedi?
F.Mahmudov "Neftçi"dən ayrılması ilə bağlı özünün sosial şəbəkə hesabında paylaşım edib. O yazıb:
"Bu gün “Neftçi” PFK-nın baş icraçı direktoru vəzifəsində sonuncu günümdür. Klub ilə qarşılıqlı razılıq əsasında yollarımızı ayırdıq. Bu şərəfli, eyni zamanda məsuliyyətli yolun bir parçası olmaqdan qürur duyuram. Bu müddət ərzində qarşıya qoyulan məqsədlərin hamısını reallaşdıra bilməsək də, əsaslı və perspektivli işlərə imza atdıq. Göz qabağında olmayan bu işlərlə böyük bir dövrün, böyük bir dəyişikliyin təməlini qoyduq. Hər kəsə - komanda yoldaşlarıma, futbolçulara, həmkarlara, azarkeşlərə təşəkkürümü bildirir, “Neftçi”yə uğurlar, layiq olduğu yerlər və parlaq nailiyyətlər arzu edirəm".
F.Mahmudov 2023-cü ilin yayından bu vəzifədə çalışırdı. "Neftçi" son mövsümü uğursuz başa vuraraq Avropa kuboklarına vəsiqə qazana bilməyib. Komanda Premyer Liqanı 5-ci yeri tutub, kubokun yarımfinalında mübarizəni dayandırıb. F.Mahmudovdan əvvəl paytaxt klubu baş məşqçisi olmuş Miadraq Bojoviçlə yolları ayırıb.
"İnter" üçün ağır xəbər
13 il, 80-ci qol
Premyer Liqa klubları koreyalı futbolçunu hədəfə aldı
UEFA-dan "Fənərbaxça"ya qadağa
"Aston Villa" yenidən ona göz dikdi
16 yaşlı futbolçu vəfat etdi
"Fənərbaxça" - "Nottingem Forest" Heyətlər
ÇL-də həftənin rəmzi komandasında kimlər var?
"İnter" rəqibin stadionunu sərt tənqid etdi
Şəhriyar Məmmədyarov finalda
