14.09.25
Medianın İnkişafı Agentliyinin layihəsi
Bu gün 8 Mart - Beynəlxalq Qadınlar Günüdür!
Elə ona görə də bugünkü həmsöhbətimiz Azərbaycanın qadınlardan ibarət milli komandasının və Rusiya "Zenit"inin futbolçusu Nigar Mirzəliyevadır.
- Əvvəlcə, sizi 8 mart - Beynəlxalq Qadınlar Günü Münasibəti ilə təbrik edirəm.
- Çox sağ olun. Minnətdaram.
- Həm zərif, həm də güclü olmaq necə hisdir?
- Bu hissi sözlərlə ifadə edə bilmirəm.
- Nigar xanım, futbola marağınız necə yaranıb?
- Futbola uşaqlıqdan böyük həvəsim var idi. Həmişə həyətdə oğlanlarla futbol oynayırdım. Zaman keçdikcə futbolu daha çox sevməyə başladım və üzərimdə çox çalışdım. İndi isə milli komandanı üzvüyəm. Həmçinin "Zenit"də oynayıram.
- Bu yolda sizə ən çox kim dəstək olub?
- Bu yolda mənə ən çox anam dəstək olub. Hər zaman mənə motivasiya verib, məni dəstəkləyib, arxamda dayanıb. Ona "çox sağ ol" deyirəm. Hal-hazırda bu yerlərlə olmağımı və güclü olmağımı anama borcluyam.
- Qadın futbolçu olmağın ən çətin və ən yaxşı tərəfləri hansılardır?
- Çətin tərəfləri bunlardır ki, ölkəmdən, ailəmdən, sevdiklərimdən ayrı yaşayıram. Futbolçu bir xanım olaraq ailəmdən kənarda yaşamaq mənim üçün futbolun ən çətin tərəflərindən biridir. Həmçinin futbolun zədə almaq tərəfi də var.
Yaxşı tərəfi isə odur ki, sevdiyim işi görürəm, ölkəmi təmsil edirəm. Ən əsası, sağlamlıq üçün idmanla məşğul oluram.
- Bu gün sizə güc verən məqam nədir?
- Gənc yaşımdan legioner həyatı yaşayıram, öz ayaqlarım üzərində dururam. Bu, mənə güc verən məqamlardandır. Ölkəmi təmsil edirəm, A milli komandasında yer alıram.
- Rusiyada legioner həyatı yaşayırsınız. Klub baxımından hər şey yolunda gedirmi? "Zenit"dən ayrılmağı düşünürsünüzmü?
- Bildiyiniz kimi, "Zenit" Rusiya çempionu olmuş komandadır, məşq və şərait baxımından çox yaxşı klubdur. "Zenit"lə müqaviləm bu il başa çatacaq. Ola bilsin ki, 2 illik yeni müqavilə imzaladım. Başqa klublardan da təkliflər almışam, amma dəyərləndirməyi düşünmürəm.
- Futbolçu olmaq istəyən gənc qızlara nə məsləhət görərdiniz?
- Onlara demək istəyirəm ki, əgər həqiqətən də futbolçu olmaq istəyirlərsə, arzularının arxasıyca getsinlər.
- Avro-2025-in seçmə mərhələsindəki rəqibləriniz müəyyənləşdi. Rəqiblər barədə nə deyə bilərsiniz? Qarşıya hansı hədəf qoyulub?
- Qrupda çox güclü komandalar var. Heç belə olacağını gözləmirdik. Buna baxmayaraq, yaxşı nəticə qazanmaq üçün əlimizdən gələni edəcəyik. Hədəfimiz C qrupunda olduğu kimi, B qrupunda da 1-cilik əldə etmək və qrupdan lider kimi çıxmaqdır.
- Sonda Azərbaycan qadınlarına nə arzu edirsiniz?
- Mən düşünürəm ki, hər bir Azərbaycan xanımı öz ayaqları üzərində durmalıdır. Mən xanımlara güclü olmağı arzulayıram.
Nur Zeynalova
Yazı Azərbaycan Respublikasının Medianın İnkişafı Agentliyinin maliyyə dəstəyi ilə çap olunub
"Real"ın şikayəti rədd edildi
"Mingəçevir" "Cəbrayıl"a belə qalib gəldi - Video
“Qarabağ” UEFA reytinqində irəlilədi
4 qol vuruldu, "Mingəçevir" qalib gəldi
"Benfika" Mourinyo ilə danışıqlarda irəlilədi
“Mançester Siti" mənim yeganə seçimim idi”
2-ci liqada oyunların vaxtı açıqlandı
"Qalatasaray"da ciddi itki
AFFA-dan "Neftçi"yə rədd cavabı
Elxan Səmədovdan "Qarabağ"a təbrik
Azərbaycan kubokunun püşkü atıldı
Azərbaycan kubokunun finalı bu stadionda
Aleksander-Arnoldun durumu açıqlandı
Alleqri cəzalandırıldı
“Real” Çempionlar Liqasının tarixinə düşdü
Qol vurandan bir neçə dəqiqə sonra vəfat etdi
0:2 uduzarkən "Qarabağ"ın qələbə əmsalı 76 olub!
"Benfika"nı da gətirin qoyaq Qənimətlər Parkına
Kamilo Duran: "Hesabda geri düşsək də, təslim olmadıq"
"Qarabağ" çox bir şey etmədi" - "Benfika"nın futbolçusu
Prezident “Qarabağ”ı təbrik etdi
Yankoviçin durumu necədir?
"Arsenal" "Atletik"ə belə qalib gəldi - Video
