Azərbaycan Premyer Liqasını kim tərk edəcək?

Azərbaycan Premyer Liqasını kim tərk edəcək?
PREMYER LİQA 22 May 2023 / 18:48 5541
-  A +

Bu mövsümün yekununda Misli Premyer Liqasında sonuncu yeri tutacaq komanda çempionatın sonuncu turunda müəyyənləşəcək.

Qol.az xəbər verir ki, 10-cu yeri ya “Səbail”, ya da “Şamaxı” tutacaq. Bu gün keçirilən 35-ci turda “Sumqayıt” səfərdə “Qarabağ”a qalib gəlməklə (2:1) təhlükəli zonadan uzaqlaşıb. “Şamaxı” “Qəbələ ilə, “Səbail” isə “Turan Tovuz”la görüşdə heç-heçə edib.

Beləliklə, sona 1 tur qalmış “Səbail” 26 xalla 9-cu, “Şamaxı” isə 25 xalla 10-cu yeri tutur. Maraqlıdır ki, mövsümün bu həftə keçiriləcək son turunda “Səbail” “Şamaxı”nı qəbul edəcək. Bu görüşdə “Səbail”ə heç-heçə də sərf edir. “Şamaxı”ya isə mütləq qələbə lazımdır. Oyun mayın 27-də “ASKO Arena”da keçiriləcək.

Qeyd edək ki, daha əvvəl AFFA rəhbərliyi əvvəlki son illərdən fərqli olaraq bu mövsüm axırıncı yeri tutan komandanın Premyer Liqanı tərk edəcəyini açıqlayıb.

Yeniliklərdən daha tez xəbər tutmaq üçün bizi Feysbukda da izləyin

Daha çox


Son xəbərlər