Medianın İnkişafı Agentliyinin layihəsi: Uşaq və gənclərin fiziki və mənəvi inkişafı
Bakıda 44 günlük Vətən müharibəsi qəhrəmanlarının daxil olduğu “Difai” futbol komandası yaradılıb. “Difai” İdman Klubunun nəzdində təşkil olunan komanda artıq AFFA-da qeydiyyatdan keçib və oktyabr ayında start götürəcək Region Liqasında iştirak edəcək.
Bugünkü mövumuz da məhz “Difai”yə həsr olunub. “Difai” haqqında daha geniş məlumatlar almaq üçün klubun prezidenti Asəf Məlikovla söhbətləşdik.
- Asəf bəy, əvvəlcə oxucularımıza özünüz haqqında məlumat verə bilərsinizmi?
- Əvvəla deyim ki, özüm Birinci Qarabağ müharibəsinin iştirakçısıyam. Zabit olaraq Daxili Qoşunların tərkibində Füzuli, Cəbrayıl istiqamətində 1994-cü ilin yanvar-mart aylarında vuruşmuşam. Əlil Arabasında Qılıncoynatma Federasiyasının birinci vitse-prezidenti, Cəmşid Naxçıvanski adına Hərbi Liseyin, Leninqrad Ali Hərbi Məktəbinin, Azərbaycan İnşaat Mühəndisliyi İnstitutunun, Dövlət Bədən Tərbiyəsi və İdman Akademiyasının məzunu, qılıncoynatma üzrə beynəlxalq dərəcəli məşqçiyəm.
- Necə oldu ki, “Difai”ni yaratmaq qərarına gəldiniz?
- 2009-cu ildə "Fencing" İdman Klubunu təsis etmişik. Əsas məqsədimiz gənclərimizin idman ətrafında birləşməsi idi. 2012-ci ildə Milli Paralimpiya Komitəsinin dəstəyi ilə klubumuzun nəzdində Əlil Arabasında Qılıncoynatma idmanı tədris olunmağa başlanıb. İlk tələbələrimizdən biri Qarabağ müharibəsi qazisi Qalib Əliyev olub. 2017-ci ildə Azərbaycan Əlil Arabasında Qılıncoynatma Federasiyası yaradıldı. Sonra da “Difai”ni yaratmaq qərarına gəldik. 2018-ci ildə hüquqi şəxs statusu olmayan "Difai" İdman Klubu Bakı şəhəri Gənclər və İdman Baş İdarəsində qeydiyyatdan keçib. Öncə klubun nəzdində Qılıncoynatma və Əlil Arabasında Qılıncoynatma idmanları tədris olunurdu. Klub federasiyanın üzvüdür və bütün tədbirlərdə daim iştirak edir. Vətən müharibəsindən sonra federasiya olaraq Bakı şəhəri və bölgələrdə 500-ə yaxın qazi evi ziyarət etdik, onların idmana, paralimpiya hərəkatına cəlb olunması üçün işlər görüldü. Müharibəsi iştirakçılarının da idmana cəlb olunması, onların bir komanda şəklində mübarizə aparmasını təşkil etmək məqsədi ilə klubun nəzdində futbol komandası yaratmaq qərarına gəldik.
- Bəs, idman klubunun və komandanın adı niyə məhz “Difai” oldu?
- Azərbaycanın tarixində önəmli rol oynamış, rus imperiyasının dəstəyi və havadarlığı ilə erməni daşnakları tərəfindən azərbaycanlıların qətliamının qarşısını almaqda önəmli rol oynamış "Difai" təşkilatının adını yaşatmaq istədik. Ona görə də komandanın adını “Difai” qoyduq. İstəyimiz Azərbaycan tarixinin gənc nəsillər tərəfindən öyrənilməsi və onunla qürur duyulmasıdır.
- Bildiyimiz kimi, komandaya 44 günlük Vətən müharibəsi iştirakçılarını cəlb etmisiniz…
- Komandaya əvvəllər futbol oynamış, həvəsi və istedadı olan gəncləri cəlb etdik. Hal-hazırda komandada 2 qazimiz, 2 Vətən müharibəsi iştirakçısı və onların ailə üzvləri var. Daha bir neçə qazimiz komandada oynamağı arzulayır.
- Bəs, “Difai”də futbol istedadı olan başqa gənclər var?
- Bəli. Komandada digər gənclərimiz də yer alıb.
- Asəf bəy, “Difai” artıq AFFA-da qeydiyyatdan keçib və Region Liqasında iştirak edəcək. Yarışda hədəfiniz nədir?
- Məqsədimiz bu il Region Liqasının çempionu olmaq, UEFA Regionlar Liqasına vəsiqə qazanmaqdır. Gələn il isə Birinci diviziona vəsiqə qazanmaq istəyirik.
- Bu ilin may ayında Qarabağ savaşının 50 qazisi ilə birlikdə “Alanyaspor”un qonağı olmusunuz…
- Bəli, Azərbaycan Əlil Arabasında Qılıncoynatma Federasiyasının, Dövlət Təhlükəsizliyi Xidməti və “Alanyaspor” futbol klubunun birgə təşkilatçılığı ilə cari ilin may ayında Alanyaya səfər təşkil olunmuşdu. Səfər çərçivəsində 50 qazimizin Alanyada bir həftəlik istirahəti həyata keçirildi. Bu səfərdə iştirak etmiş bir qazimiz artıq komandadadır, 1 nəfər də komandaya qoşulmaq istəyini bildirib.
- Bəs, “Difai” hazırda məşqlərini və oyunlarını harada keçirir?
- Oyunlarımız “ASK Arena”da olur. Elə məşqlərimizi də burada keçiririk.
- Klub necə maliyyələşdirilir?
- Klub şəxsi vəsaitimiz və federasiyanın dəstəyi ilə maliyyələşir. Burada çətinliklərimiz var. Amma biz məqsədimizdən dönmək fikrində deyilik. Düşünürük ki, hər şey yaxşı olacaq.
- Asəf bəy, işğaldan azad olunmuş bölgələrimizdə infrastruktur tam təmin olunduqdan sonra orada oynamağı və bunun üçün işlər görməyi planlaşdırırsınız?
- Bəli. İnfrastruktur yaradılmasa belə, özümüz şərait yaradaraq torpaqlarımızda fəaliyyətə başlamağa hazırıq. Hər bir bölgəmizdə, Zəngilan, Cəbrayıl, Şuşa....Bölgələrimizi açmağa və fəaliyyətə başlamağa hazırıq. “Difai”nin adını eşidən kimi hamı maraqlanır. Bu səbəbdən də biz bu adın daim ən yüksək zirvədə səslənməsi üçün əlimizdən gələni əsirgəməyəcəyik.
Nur Zeynalova
Yazı Azərbaycan Respublikasının Medianın İnkişafı Agentliyinin maliyyə dəstəyi ilə çap olunub
"Sumqayıt" bu yay transfer etdiyi futbolçunu göndərdi
"Birbaşa Bakı" ÇL-də yarımfinala yüksəldi
Raman Saleydən Paris-2024-də 3-cü medal
Mehriban Əliyeva İlham Zəkiyevi təbrik etdi
"Fiorentina"dan Türkiyə klubuna
"Qələbə qazanmağa gücümüz var" - Toral Bayramov
“Neftçi” səfərdə minimal fərqlə məğlub oldu
"Bayer" futbolçusu ilə ayrılığa yaxındır
İlham Zəkiyev Paralimpiadada bürünc medal qazandı
U-17 millimizə bu futbolçular çağırıldı
"Fənərbaxça" misirli futbolçunu yenə icarəyə verdi
"Birbaşa Bakı" 1/4 finalda - Çempionlar Liqası
"Liverpul"un sabiq kapitanı vəfat etdi
"Mançester Siti"nin Haaland qərarı
U-21 millisinin oyununa hakim təyinatları açıqlandı
Bellinqem yaşıl meydanlara daha tez qayıda bilər
Suares vida oyununda göz yaşlarını saxlaya bilmədi - Şəkil
Azərbaycan paraatleti qızıl medal qazandı - Paris-2024
Lamiyə Vəliyevadan Paris-2024-də növbəti medal
Türkiyə millisinin Uelslə oyunu - Video
İker Munyainin yeni klubu açıqlandı
"Qarabağ"ın futbolçusu Misirə qarşı oynadı
"Neftçi"nin qadınlardan ibarət komandası növbəti oyuna çıxır
Rusiya millisinin oyunu qasırğaya görə təxirə salındı
Prosineçki “Qarabağ”ın müdafiəçisinə şans vermədi
İtaliya səfərdə Fransanı məğlub etdi, Türkiyədən heç-heçə
AFFA rəsmisi UEFA-dan növbəti təyinat alıb
U-19 millisi Niderlanda məğlub oldu
U-21 millisi Lüksemburqa uduzdu
Dünya çempionatı: Azərbaycan güləşçisi finala yüksəldi
Azərbaycan komandaları ÇL-də növbəti oyunlarına çıxdılar
Almaniyalı məşqçi 33 yaşında vəfat etdi
Benzia Əlcəzair millisində növbəti oyuna çıxdı
Azərbaycanın iki cüdoçusu Avropa çempionu oldu
Türkiyə millisinin oyununun hakimləri müəyyənləşdi
1-ci liqada ilk turun oyunlarının vaxtı açıqlandı
"Benfika"nın yeni baş məşqçisi bilindi