23.08.26
"Sabah" klubunun gənc yarımmüdafiəçisi Veysəl Rzayev üzvü olduğu U-21 millisinin "Neftçi"yə qarşı görüşündən (1:3) sonra Qol.az saytına müsahibə verib.
- U-21-in çıxışını necə dəyərləndirirsiniz?
- Komanda yeni qurulub, yeni futbolçular var. Onların sırasıma özümü də əlavə edə bilərəm. Komandamız yeni qurulduğundan uşaqlar hələ tam uyğunlaşmayıb. Tezliklə möhkəmlənəcəyik. İstəkli bir komandamız var, hər kəs uğura inanır, özünə güvənir. Hədəfimiz Avropa çempionatında iştirak etməkdir.
- Yoxlama görüşü olmasına baxmayaraq, "Neftçi"yə qarşı yaxşı mübarizə apardınız. Eyni zamanda rəqibin ulduz futbolçusu Keysuki Honda qol vurdu və qol ötürməsi verdi. Onunla rəqib olmaq necə bir hiss idi?
- Bəli, Honda tanınmış futbolçudur. "Milan" kimi klubda çıxış edib, oyun zamanı çox sərbəst və hiyləgər hərəkət edirdi. Mən meydana daxil olanda əvəzləndi. Ümid edirəm ki, çempionatda rəqib kimi qarşılaşacağıq.
- Yerli çempionatdan danışaq. Mövsümün sonuna az qalıb. "Sabah" bu vəziyyətdən necə çıxa bilər?
- Hələlik mövsüm bizim üçün uğursuz keçir. Hər məğlubiyyətdən sonra komanda istəyir ki, daha yaxşı oyun nümayiş etdirsin. Qalib gəlmək üçün çatışmayan cəhətlər var. Bunun səbəblərini komanda şəklində araşdırırıq. Ramin Quliyev yeni baş məşqçimizdir. İnanırıq ki, onun qurduğu plan səhvlərimizi düzəltməyə kömək edəcək. Növbəti oyunlara yalnız 3 xal üçün çıxacağıq. Özümüzə inanırıq və güvənirik.
- "Sabah"ın şanslarını necə dəyərləndirirsiniz?
- Sənin oyunun A milli komandasının məşqçilərinin xoşuna gəlib. Bu, arxayınlığa səbəb olmayacaq?
- Bundan xəbərim var idi. Amma bu, məni nə arxayınlaşmağa, nə də başqa bir mənfi amilin səbəb olmasına şərait yaradacaq. Bəzən futbolçu 2-3 oyunda yaxşı təsir bağışlayır, mənasız yerə arxayınlıq yaranır. Amma məndə elə bir hiss yoxdur. Düzdür, bir müddət sonra sərbəst olursan, lakin arxayınlıqdan söhbət gedə bilməz.
- Ümumiyyətlə gənc futbolçularımız özünü göstərə bilmir. Səbəbi nədir?
- Məncə, bu, bəzi məqamlarda yaranan təcrübəsizlikdən irəli gəlir. Bəzən görürsən ki, ilk dəfədir böyük meydan görür, həyacanlanır. Amma bu, keçici bir şeydir. Zamanla düzəlir. Bunun üçün ancaq irəli baxmaq lazımdır. Sonunda hər şey öz yoluna düşəcək.
- Sizə özünüzü sübut etmək üçün nə lazımdır?
- Bilirsiniz, nə qədər çox məşq etsək, özümüzü kökləsək, amma oyuna şans verməsələr, bunlar hamısı boşa gedir. Biz gənclərə özümüzü göstərmək üçün şans lazımdır. Özümə gəldikdə inanıram ki, baş məşqçi mənə şans verəcək. Mən də özümü ən yaxşı tərəfdən göstərəcəyəm. Heç kimin şübhəsi olmasın.
Ağa Dadaşzadə
PSJ yenə büdrədi
“Aston Villa” Nikolas Ceksonu transfer etdi
Azərbaycan millisi 1/8 finala adladı - Avropa çempionatı
"Neftçi" hücumçu aldı
Salah “Trabzonspor”un məğlubiyyətindən danışdı
“Mançester Yunayted”in yeni transferi zədələndi
“Barselona” və "Real"ın ən çox qazananları
İnyesta bu klubun baş məşqçisi oldu
“İmişli” anqolalı futbolçu transfer etdi
Avroliqa: Püşkün nəticələri
"Trabzonspor"un rəqibləri məlum oldu
Morata aşağı liqa klubuna keçir
“Qarabağ”ın yeni transferlərə ödədiyi məbləğ - Eksklüziv
"Beşiktaş"ın Avropa Liqasındakı rəqibləri bəlli oldu
"Çelsi"nin futbolçusu La Liqa klubuna keçdi
Misli Premyer Liqasında 3-cü turun hakimləri açıqlandı
"Bir qədər vaxta ehtiyacımız var" - Bense Varkonyi
Leon Qoretzkanın transferi açıqlandı
