«Xəzər-Lənkəran» Türkiyə millisinin keçmiş futbolçusunu transfer etdi

«Xəzər-Lənkəran» Türkiyə millisinin keçmiş futbolçusunu transfer etdi
PREMYER LİQA 4 Fevral 2009 / 15:29 3907
-  A +

 «Xəzər-Lənkəran» klubu Ahmet Dursundan sonra daha bir səs-küylü transferi gerçəkləşdirib. Qol.Az-ın klubun rəsmi saytına istinadən verdiyi məlumata görə, Türkiyə millisinin heyətində altı matçda meydana çıxmış Fatih Sonkaya «XL»in şərəfini qoruyacaq.
Bu gün İstanbulda Türkiyənin ən istedadlı sağ cinah yarımmüdafiəçilərindən biri olan Fatih klubun nümayəndələriylə görüşdə müqaviləyə imza atıb. Hollandiya “Roda”sının yetirməsi olan Sonkaya 2004/05 mövsümünü “Beşiktaş”ın heyətində keçirib və bundan sonra Portuqaliya “Porto”suna dəvət alıb. Həmin dövrdə futbolçu Türkiyə millisinin “ay-ulduzlu” formasını altı dəfə geyinməyə müvəffəq olub. Lakin Fatih Akyel və Ümit Davala kimi superstarlarla müqayisə edilən Sonkaya daha sonra “Akademika” (Portuqaliya) və “Roda”ya icarəyə verilib.
Qışda “Porto”yla müqaviləsinin müddəti başa çatdığından Fatihin Türkiyəyə dönüşü gündəmə gəlmişdi. Lakin “Xəzər Lənkəran” hamıdan cəlb tərpənərək 27 yaşlı futbolçunu “Konyaspor”, “Eskişehirspor” və “Bursaspor”un əlindən alıb. Yeri gəlmişgən, Fatihin hətta Türkiyə superliqasının lideri “Trabzonspor”a keçmək variantı da mövcud idi.


 

 

Daha çox


Son xəbərlər
26.05.20  11:53

Alleqri qayıdır