Portuqaliya millisində Ronaldo gərginliyi

Portuqaliya millisində Ronaldo gərginliyi
XƏBƏR 30 Sentyabr 2026 / 09:50 671
-  A +

Portuqaliya millisinin baş məşqçisi Jorje Jezus UEFA Millətlər Liqasında Norveçlə səfər matçında (2:1) Kriştiano Ronaldonun xidmətindən istifadə etməyi əvvəlcədən planlaşdırmayıb.

QOL.az xəbər verir ki, bu barədə “A Bola” məlumat yayıb.

Bildirilib ki, Jezus 41 yaşlı hücumçuya ikinci hissədə təxminən 30 dəqiqə oynamaq şansı verəcəyini desə də, Ronaldo meydana buraxılmayıb. Beləliklə, o, son 18 ildə ilk dəfə milli komandanın rəsmi oyununda iştirak edə bilməyib.

Final fitindən sonra Ronaldo narazılığını gizlətməyib və azarkeşlərə yaxınlaşmadan birbaşa paltardəyişmə otağına yollanıb. Sentyabrın 29-da isə komandanın ümumi məşqində iştirak etməyərək idman zalında fərdi çalışıb.

Yaranmış vəziyyətlə əlaqədar Portuqaliya Futbol Federasiyasının prezidenti Pedro Proensa Kopenhagenə gəlib. Ronaldo, Jezus və federasiya rəhbərinin iştirakı ilə keçirilən görüşün müsbət nəticələndiyi və tərəflər arasındakı fikir ayrılıqlarının aradan qaldırıldığı bildirilir.

Portuqaliya oktyabrın 1-də Millətlər Liqasında Danimarkanın qonağı olacaq.

Bizi İnstaqramda izləmək üçün kliklə!

Daha çox


Qarabağ FK
Son xəbərlər
29.09.26  17:17

Rafinya zədələndi

29.09.26  12:49

"Çelsi"yə "hə" dedi

topaz banner