16:43
Perulu futbolçu Alvaro Ampuero yeni klubu "Zirə"yə transferi barədə danışıb.
Qol.az xəbər verir ki, ölkəsinin futbolperuano.com saytına müsahibəsində o bildirib ki, Azərbaycan komandasına keçməklə bağlı hələ bir neçə ay əvvəl söhbət olub. 26 yaşlı müdafiəçisi deyib ki, danışıqlarda müəyyən müddət ləngimə yaranıb: “Mən Azərbaycan barədə heç nə bilmirdim. Sonradan çox şeyi öyrəndim”.
Alvaro Ampuero “Zirə”nin Perudakı sabiq klubu "Universidad San Martin"ə çox oxşadığını söyləyib: “Mən burada bir neçə məşqdə iştirak etmişəm. Səviyyə məni təəccübləndirib. “Zirə” yeni və yaxşı klubdur. Komandada şərait yaxşıdır. Klubda işlər səliqəli qurulub. “San Martin"ə bənzərliyi var. Hər hansı problem yoxdur. Yaxşı stadionlarının olduğunu da qeyd etməliyəm. Bir sözlə, belə şeylər yalnız Avropada olur, bir az da Cənubi Amerikada”.
Futbolçu baş məşqçisi Samir Abasovla münasibətləri haqda da danlşılb: “Məşqçi mənim bir çox videomu görüb. Ümumiyyətlə, bütün klub mənim karyerama bələddir. Məşqçi ilə danışmışam. O, məni bir neçə mövqedə yoxlayıb. İndi dəqiq hansı mövqedə çıxış edəcəyimi söyləyə bilmərəm”.
Alvaro Ampuero Peru millisinə mümkün dəvət haqda da danışıb: “Mən hazırda tanınan liqada deyiləm. Ona görə də bu, baş məşqçinin qərarına təsir edə bilər. İndi öz klubuma və Avropada bir neçə il qalmağa köklənmişəm”.
Qeyd edək ki, “Zirə” klubu ötən həftə Alvaro Ampueronu 1 illik icarəyə götürdüyünü açıqlayıb.
_22.01.19.jpg)
PSJ - "Real": Heyətlər
16 yaşında "Barselona"nın tarixinə düşdü
"MLS tarixinin ən yaxşı futbolçusuyam" - İbrahimoviç
"Mançester Siti"də ciddi itki - 1 ay oynamayacaq
İquain məşqçini vurdu - Video
“Messi bizə qarşı oynasa, çox xoşbəxt olardım"
