Qol.Az
Canlı nəticələr
WAP
RSS Qol.Az Facebook-da

Ana səhifə
Bütün Xəbərlər
Müsahibə
Video
DÇ-2018
 
Tarixin şəkli
Turnir cədvəli
Premyer Liqa
Yazarlar
Layihə
Haqqımızda
Reklam
Əlaqə
DÇ-2018-in oyunları hansı kanallarda? - siyahı

Yazarlar
 Moskva küçələrindən qeydlər
Aydın BAĞIROV
 “Futbol dünyası”ndan... “Futbol dünyası”na qədər
Şakir YAQUBOV
 Futbol, bazar, qovhaqov...
Səbuhi MƏMMƏDLİ
 Yoxa çıxan uşaqlar
İlqar Tağıyev
 Onlara futbol yox, yeni "qurban"lar lazımdır...
Tahir SÜLEYMANOV
 Milyonları yeyənlərə 10 il, oyun "satanlara" ömürlük "həbs"
Aqil Abbas
 Hər yerdə “Qarabağ", AFFA-da “Qarabağ", PFL-də “Qarabağ"
Etibar Cəbrayıloğlu
Fotoreportaj
Bütün 
Qazaxıstan - Azərbaycan - Şəkillər
Top 5
Rusiyadan ardıcıl ikinci qələbə, Kolumbiya və Polşa uduzdu
İsveç, Belçika və İngiltərədən qələbə
Uruqvay və Rusiya 1/8 finalda - Yenilənir
"Qarabağ"ın rəqibi müəyyənləşdi
“Qarabağ” Billiata bu qədər pul təklif edir
Linklər
525ci Qəzet

Futbolun namərdliyi, Kamil də öldü...
A A A

[26.07.2017]
Futbolun namərdliyi, Kamil də öldü...

Futbol elə bir xəstəlikdi ki, mübtəla olmayan bilməz. Hər bir xəstəliyin müalicəsi var, hətta xərcəngin də! Amma futbol xəstəliyinin müalicəsi yoxdu. Tutuldun, işin bitdi. Futbolun ağrısı da çox ağırdı, sevinci də çox böyük sevincdi. Vaqif Cəbrayılzadənin (Bayatlının) çox gözəl bir şeiri var: "Toy evindən dörd hasar o yanda oynayan uşaq". Mən də elə futbolda toy evindən dörd hasar o yanda oynayan uşağa bənzəyirəm. Ən çox da qol olarkən sevinən futbolçuların sevincini bəlkə də onlardan artıq yaşayıram.

Tez-tez işlətdiyim bir fikrim var, televizyonlarda da dəfələrlə demişəm, qəzetlərdə də yazmışam. Deyirəm ki: "Ölmək qorxulu deyil, insan əvvəl-axır öləcək. Amma fikirləşəndə ki, sən öləndən sonra dünya çempionatları olacaq, gözəl-gözəl oyunlar olacaq, sən onları görə bilməyəcəksən, adam dilxor olur".

Bəzi ağzıgöyçəklər mənim bu sözümün başına ip salıb sosial şəbəkələrdə şivən çıxarırlar ki, niyə Qarabağı demir, futbolu deyir, bu necə qarabağlıdı?! Baş qoşmuram, qoy desinlər. Əvvəla mən Qarabağı görəcəm, Ağdamı da, Şuşanı da, Kəlbəcəri də görəcəm! Kim Qarabağı görəcəyinə inanmırsa, onun çatısı əskikdi. Nə isə...

Futbolun namərdliyi nədi? Dünən çiynində gəzdirdiyin futbolçunu və ya məşqçini bu gün ayaqlarının altına alıb tapdalayırsan. İstəyir Messi olsun, Ronaldo olsun, Neymar olsun, Rəşad Sadıqov olsun, Bədavi Hüseynov olsun, Maksim Medvedyev olsun, Qvardiola olsun, Qurban Qurbanov olsun. Fərq etməz! Döyüşü asan bilir qıraqdan baxanlar...
Futbol bir oyundu. Bu oyunda qələbə də var, məğlubiyyət də. Qələbə çalanda sevinirsən, alqışlayırsan. Oğul odur ki, komanda məğlub olanda yenə ona arxa durasan, sevəsən, bağrına basasan, ruhdan düşməyə qoymayasan, növbəti oyuna kökləyəsən. Yoxsa...

"Qarabağ" "Şerif"lə heç-heçə oynadı. Bu dəfə bəxt komandamızın yanında olmadı. Neçə qolu qaçırtdıq. Keçən oyunda Rəşad Sadıqov meydançanı vaxtından əvvəl tərk elədiyi kimi, bu dəfə də mərkəz müdafiəçimiz Kuba (Yakub Jezniçak) gözlənilmədən zədə aldı və meydanı vaxtından əvvəl tərk etməli oldu. Bu, komandaya ruh düşkünlüyü gətirdi. Və birinci hissədə Qurbanov məcburi taktika gedişləri etməli oldu. Yəni birinci hissə ürəyim istədiyi kimi alınmadı. Hakimin kobud səhvlərini də tullayıram qırağa. Amma ikinci hissədə komanda özünü ələ aldı və gözəl oyun nümayiş etdirdi. Amma yenə bəxt bizdən yana deyildi! Olsun! İnşallah, bir həftə sonra "Qarabağ" Moldovada sözünü deyəcək. Yüz faiz əminəm ki, qalib gələcəyik.

Baxıram sosial şəbəkələrdə, saytlarda "Qarabağ"ı top atəşinə tuturlar. Dünən "Samtredia" üzərindəki qələbələrə görə komandanı göyə qaldıranlar bu gün tapdalamaq istəyirlər. Niyə qardaş?! Dünyada elə bir komanda varmı ki, bütün oyunlarda qalib gəlsin?! Dünyanın bir nömrəli komandası sayılan "Barselona" çempionlar liqasından kənarda qalıb. Braziliya öz meydançasında almanlara uduzdu. Yuxarıda qeyd etdiyim kimi bu futboldu, eləsi də var, beləsi də var.

Mən əvvəllər "Qarabağ"ın bütün oyunlarını meydanda izləyirdim. Hara gedirdisə, komanda ilə birgə mən də gedərdim. Hətta bəzi xarici ölkələrə səfərlərində də komandanın yanında olmuşam. Son zamanlar komandanın oyununu nəinki meydanda, heç televizyonda da izləmirəm. Bunun da səbəbini dəfələrlə açıqlamışam. Həddindən artıq həyəcanlanıram. Tez-tez kanala qayıdıb hesaba baxıram və dərhal da kanaldan çıxıram. Görünür, bu, yaşla əlaqəlidi. Ümumiyyətcə futbolda həyəcanımı saxlaya bilmirəm. Bir dəfə stadionda "Qarabağ" Avropa kuboklarında hansısa komandaya qol vuranda sevindiyimdən az qala huşumu itirmişdim. Yaxşı ki, yanımda dostlar vardı və hətta həkim çağırası oldular. Yəni belə həyəcanlanıram.

"Samtredia" ilə oyunda dostum Emrah Çelikel telefon açdı ki, istəyirik oyuna gələsən. Mən də jurnalist dostum Aydın Bağırovu da götürüb getdim. O qədər çığırmışdım, o qədər həyəcanlanmışdım ki, evə gələndə özümdə deyildim. Evdəkilər soruşdular ki, nə olub, səni döyüblər? Bəli, məni döymüşdülər, sevincim döymüşdü məni. Hətta səhərisi gün də özümə gələ bilmədim.

"Şerif"lə oyuna yenə də dəvətnaməm vardı, amma evdən buraxmadılar. Dedilər futbolda ölmək istəyirsən? Və zarafat da elədilər ki, qəzetlərə yaxşı manşet verərsən futbolda ölsən. Televizyonda izlədim, səsim-küyüm də aləmi götürmüşdü. Bəzən futbolçularımıza söyürdüm. Amma Milli Qəhrəmanımız Allahverdi Bağırovun söyüşüylə. Allahverdi əvvəllər "Qarabağ"ın həm kapitanı, sonra isə məşqçisi olmuşdu. Belə bir söyüşü vardı, futbolçu əgər səhv edərdisə deyərdi: "Ay namərd, səni çörək tutmasın!". İndi "Şerif"lə oyunda "səhv edən fultbolçularımızı çörək tutmasın" hamısı canımızdı, ciyərimizdi.

Dostum Qurban Qurbanova və futbolçulara da məsləhətim odur ki, hər sözü aldırmayın. Sizə inanırıq! Hətta məğlub olsanız da ürəyimizin başında yeriniz var.

Bəs Kamil kimdi? Ona Xaliqoğlu Kamil deyirdilər. Ağdamda yaşayırdı. Ağdam deyəndə, yəni Quzanlıda. "Qarabağ"ın heç bir oyununu buraxmazdı. Gəlirdi Bakıya, oyuna baxıb qayıdırdı. O da oyun zamanı çox həyəcanlanırdı. Onu görən kimi də istəyirdim gətirəm yanımda şərəf tribunasında oturdum. Deyirdi yox, müəllim, mən uşaqlarla oturacam. Gedib otururdu fanatlarla. "Qarabağ"ın səfər oyunlarına da gələrdi. O adamın evi-eşiyi dağılmışdı, yandırılmışdı, Ağdamdakı bahalı həyatı məhv olmuşdu. Bütün nəsliylə çöllərdə idi, çadır şəhərciyindəydi. Onu həyatda yaşadan təkcə "Qarabağ" idi, "Qarabağ"a sevgisiydi.

Srağagün eşitdim ki, rəhmətə gedib. Yəni çıxıb gedib Ağdama. Elə də yaşı yoxuydu, təxminən altmış. Ağdamsızlığa dözməyib ürəyi partlayıb. Yəqin ki, Bakıya "Qarabağ"ın oyununa baxmağa gələcəymiş, qisməti olmadı.

Qədir Rüstəmov İstanbulda xəstəxanada koma vəziyyətində olarkən ziyarətinə getdim və gördüm Qədir yoxdu. Yavaşca Qədirə yaxınlaşıb bağırdım: "Qədir, Ağdamı aldıq! Aldıq ey!" Dedim bu dünyadan rahat köçsün. Sonra çıxdım çöldə hönkur-hönkür ağladım. Qədirə yalan danışmışdım.

Bir həftədən sonra gedəcəm Kamilin qəbri üstünə və deyəcəm: "Kamil, "Şerif"in anasını ağlatdıq ey!" Amma bu dəfə yalan olmayacaq. İnşallah! "Şerif"in anasını ağladacayıq.

Anadır arzulara hər zaman Qarabağ!

Və bu gün oxuyan dil-dodağın da nə tardı, nə kaman.

Qurban Qurbanovdu və onun uşaqlarıdı!

Aqil ABBAS

8790 dəfə baxılıb   
   Facebook Twitter MySpace Google
 
 

 
MÜƏLLİFİN DİGƏR YAZILARI                        
 
04.12.2017  16:28 Milyonları yeyənlərə 10 il, oyun "satanlara" ömürlük "həbs"
01.11.2017  16:18 Madriddə aprel döyüşləri
22.09.2017  16:06 Hərdən AFFA və PFL-ə yazığım gəlir
08.09.2017  14:24 İmkan verməyin, “Futbol saatı” bağlansın...
16.08.2017  16:46 Lobanovski və bizim Qurban
10.08.2017  18:34 AFFA, bəlkə Tahir Süleymanovu bu dəfə eşidəsiniz?
02.08.2017  12:55 Qurban, sizə və uşaqlarına qurban!
19.04.2017  15:41 Olmayan Ağdam və olan Tovuz…
17.04.2017  13:17 Naxçıvanda! Mayın 5-də! Möhtəşəm futbol!
27.03.2017  12:50 “Kolxozçu”yla oynamırdıq ey, almanlarla oynayırdıq!
22.02.2017  14:47 Bizimkilər qırılıb qurtarıb ki?!
26.01.2017  15:04 Ey gözəl İmarət, ey gözəl “Qarabağ”
25.11.2016  15:52 Stadionun yolunu tanımayan futbol azarkeşləri
02.09.2016  16:00 Aydın, Səttarın ayaqyalın oynadığını heç gördünmü?
03.08.2016  15:35 Darıxmayın, Qarabağ atları hələ çox finişi fəth edəcək!
18.07.2016  16:36 Off bə! Ürəyimi boşaltdım!
28.04.2016  16:04 Futbolun utanc gecəsi
12.04.2016  16:08 "Böyük oyun" məni niyə kövrəltdi?!
04.12.2014  17:12 Budu bizim “Qarabağ”a sevgimiz?
09.10.2014  12:10 Ağılsız futbolçu və ya meymunun yanğın söndürməyi
18.08.2012  13:56 "Qarabağ"ı Ağdama qaytara bilməyənlər, Ağdamı qaytara biləcəklərmi?!
28.09.2011  13:00 Pəyədəki eşşəyin səsinə inananlar
 
 
  20.06.18
20:59
  DÇ-2018-lə üç komanda vidalaşdı
20:52
  Uruqvay və Rusiya 1/8 finalda - Yenilənir
20:00
  "Pley-off yolunda vacib addım atdıq" - Ronaldo
19:31
  Ronaldo Portuqaliyaya belə qələbə qazandırdı - Video
19:10
  "Qəbələ"nin 99 yaşlı rəqibi
18:46
  Ronaldo ən yaxşı oyunçu seçildi
18:30
  Avroliqada ikinci mərhələnin cütlükləri
18:18
  Uruqvay - Səudiyyə Ərəbistanı: start heyətlər
18:10
  Neymar Kosta-Rikaya qarşı oynayacaqmı?
17:59
  Ronaldo vahid lider oldu – bombardirlərin yarışı
17:37
  Salah Rusiyaya məğlubiyyətdən danışdı
17:31
  (R) "Bakcell" cavablandırılmış müraciətlərə görə ən yüksək nəticə göstərdi
17:15
  Klublarımızın 2-ci mərhələdəki potensial rəqibləri bilindi - "Sevilya" da var
17:00
  "Şanslar bərabərdir" - Sənan Qurbanov
16:37
  Tunis millisində ciddi itki - mundialla erkən vidalaşdı
15:44
  “Zirə”dən ayrıldı, “Voyvodina”ya keçir
15:28
  Avropa Liqasında bütün cütlüklər
15:15
  Portuqaliya – Mərakeş: start heyətlər
15:05
  "Uypeşt” güclü rəqibdir" - Roberto Bordin
14:38
  “Qəbələ”dən püşkə münasibət
14:15
  Klublarımızın Avroliqadakı rəqibləri müəyyənləşdi
13:51
  İslandiyalı azarkeşlər “Kalinka” oxudular - Video
13:25
  DÇ-2018-də azarkeşlər tribunada zibili təmizlədilər – Video
13:16
  "Qarabağ"ın oyununun vaxtı dəyişdi - UEFA-dan yeni qərar
13:05
  Mundialın gözqamaşdıran azarkeşləri - Şəkillər
12:51
  “Keşlə” Maksimovla nə vaxt müqavilə bağlayacaq?
12:31
  Levandovskiyə ilk təsəllini öpüşlə verdilər - Şəkillər
12:19
  DÇ-2018-in oyunları Etopaz-da
11:48
  Vernidub rəsmən Ukrayna klubunda
11:39
  “Qarabağ”ı keçmək üçün hər şeyi edəcəyik” – "Olimpiya”nın baş məşqçisi
11:24
  Ən çox qolu onlar vurub - DÇ-2018-in bombardirləri
10:59
  "Arsenal" qapıçı transfer etdi
10:15
  DÇ-2018-in oyunları hansı kanallarda? - siyahı
09:51
  Dele Allinin zədəsi ciddidir?
02:14
  “Səudiyyə Ərəbistanı istənilən komandaya qarşı oynaya bilər”
01:50
  Yerro İranla oyundan danışdı
01:30
  “Tapşırığın öhdəsindən gəldik” - Çerçesov
01:13
  “Qarabağ” Avstriyaya yollanır
00:58
  “Bu matçlara yaxşı hazırlaşacağıq” - Aqolli
00:39
  İkinci dəfə ən yaxşı seçildi
00:23
  Rusiya millisindən tarixə düşən uğurlu start
00:11
  Dünya çempionatında qol vuran üçüncü misirli - Salah
00:00
  Rusiya - Misir - Şəkillər
  19.06.18
23:51
  Rusiyadan ardıcıl ikinci qələbə, Kolumbiya və Polşa uduzdu
22:29
  Neymar məşqi yarımçıq tərk etdi
21:50
  FİFA Nyanqı seçdi
21:30
  Polşadan uğursuz start - video
21:03
  Rusiya – Misir: start heyətlər açıqlandı
20:34
  Salah əsas heyətdə!
20:13
  Yaponiyanın qələbəsi - video
19:54
  Kolumbiya – Yaponiya matçının ən yaxşısı bəlli oldu
18:47
  Rəşad Sadıqov püşkü dəyərləndirdi
18:35
  "Olimpiya"nın prezidenti "Qarabağ"dan danışdı
18:27
  Argentina – Xorvatiya oyunu özbək hakimlərə tapşırıldı
18:18
  Polşa – Seneqal: start heyətlər
BÜTÜN XƏBƏRLƏR
© 2008-2018 Qol.Az - Müəllif hüquqları qorunur. Məlumatdan istifadə etdikdə istinad mütləqdir. Yerləşdirilən reklamların mətninə görə redaksiya məsuliyyət daşımır.
  Proqramlaşdırma: Elshad100.
Livescore