"Həqiqətən çətin yarışdır. İdmançılarımızı uzun müddət idi ki, bu yarışa hazırlayırdıq. Medal ümidlərimiz çoxdur və onlar da istədiyimiz nəticəni verir. Əməyimizin bəhrəsini gördüyümüzü düşünürəm".
Qol.Az-ın məlumatına görə, bu sözləri Azərbaycanın boks üzrə yığma komandasının baş məşqçisi Pedro Roka boksçularımızın "Bakı-2015" Birinci Avropa Oyunlarındakı çıxışını dəyərləndirərkən deyib.
O, 1/4 finalda Türkiyə təmsilçisi Əli Dəmirəzənlə görüşdə qaşından və gözündən ciddi zədə alan boksçumuz Məhəmmədrəsul Məcidovun son durumu haqda da məlumat verib: "0, indi özünü yaxşı hiss edir. Amma Boks Federasiyası belə qərara gəldi ki, Məhəməmdrəsul Məcidovu "Rio-2016" Olimpiya Oyunlarına hazırlayaq. O, final görüşünə çıxmayacaq".
Qeyd edək ki, həkimlər superağır çəki (+91 kq) dərəcəsində yarışan Azərbaycan boksçusu M.Məcidovun sabah rusiyalı Qasan Qimbatovla yarımfinal döyüşünə çıxmasına icazə verməyib.
Musanın yubiley qolu
İnyesta Mərakeş millisinə rəhbərlik edəcək?
İki Premyer Liqa klubunun hədəfinə düşdü
"Ayaks"ın yeni hücumçusu matçın 2-ci dəqiqəsində zədələndi
"Atletiko"dan gözlənilməz məğlubiyyət
