Bu gün hansı idmançılarımız yarışacaq?

Bu gün Azərbaycan idmançıları “Bakı-2015” I Avropa Oyunlarının bir sıra yarışlarında iştirak edəcək.

Qol.Az-ın “Bakı-2015.com”-a istinadən yaydığı xəbərə görə, təmsilçilərimiz ümumilikdə 6 idman növü üzrə mübarizə aparacaq.

Bu gün yarışacaq idmançıların siyahısını təqdim edirik.

Atıcılıq yarışları. Saat 09:30-dan

İki dəfə Dünya Çempionatının iştirakçısı, 2004-cü il Olimpiya Oyunlarının bürünc medal mükafatçısı olmuş İradə Aşumova, oğlu Ruslan Lunev ilə 10 metrdən hava tapancası ilə atəş növü üzrə qarışıq komanda yarışlarında iştirak edəcəklər.

Atıcılıq üzrə dairəvi stend idman növünün qarışıq komanda yarışlarında çıxış edəcək evli cütlük Emin və Nurlana Cəfərovalar, milli səviyyədə çempionlardır. Emin, eyni zamanda Nurlananın məşqçisidir.

Sambo idmanı üzrə yarışlar. Saat 10:00-dan

Sambo yarışları üzrə mübarizə aparacaq idmançılar aşağıdakılardır:

Nəzakət Xəlilova - qadınlar arasında 52 kq çəki dərəcəsində
Şəhanə Hüseynova - qadınlar arasında 60 kq çəki dərəcəsində
Fəridə Qurbanova - qadınlar arasında 64 kq çəki dərəcəsində
Nərminə Əlizadə - qadınlar arasında 68 kq çəki dərəcəsində
Islam Qasımiov - kişilər arasında 57 kq çəki dərəcəsində
Amil Qasımov - kişilər arasında 74 kq çəki dərəcəsində mübarizə aparan və Azərbaycanın ən böyük qızıl medal ümidi
Kənan Qasımov - kişilər arasında 90 kq çəki dərəcəsində
Vasif Səfərbəyov - kişilər arasında 100 kq-dan artıq çəki dərəcəsində
 
Badminton yarışları. Saat 11:00-dan (təxminən) etibarən

“Bakı 2015” I Avropa Oyunalarında badminton üzrə qrup yarışları bazar ertəsi günü beş növ - kişilər arasında təklərin və cütlərin yarışı, qadınlar arasında təklərin və cütlərin yarışı və qarışıq cütlüklər üzrə keçiriləcək. Saat 11:00-da B qrupu üzrə təklərin yarışında azərbaycanlı Kənan Rzayev, rəqibi İsraildən olan Mişa Zilbermana qarşı mübarizə aparacaq. B qrupu üzrə kişilər arasında cütlərin yarışında həmyerlimiz Rzayev və Orxan Qələndərovdan ibarət cütlük, türkiyəli həmkarları olan Emre Vurala və Sinan Zorluya qarşı mübarizə aparacaq. Bu oyunun 18:40 -da keçirilməsi nəzərədə tutulub.

 
 
Voleybol yarışı. Saat 20:00-dan

Dörd oyunda dörd məğlubiyyət. Azərbaycan komandası kişilərin voleybol yarışında növbəti mərhələyə keçmək imkanlarını itirib. Bununla belə, A qrupunda Türkiyə komandasına qarşı keçiriləcək sonuncu oyununda öz qürurları üçün oynayacaqlar.

Boks yarışı. 20:00-dan

81 kq çəki dərəcəsində mübarizə aparan yarım ağırçəkili idmançı Teymur Məmmədov və 91 kq-dan artıq çəki dərəcəsində mübarizə aparan ağırçəkili boksçu Məhəmmədrəsul Məcidov, yarımfinal görüşlərinə vəsiqə qazanmağa iddialıdır. Məmmədov, hollandiyalı Peter Mullenberqlə saat 20:45-də qarşılaşacağı halda, Məcidov rəqibi türkiyəli Əli Demirezen ilə saat 21:00-da mübarizəyə başlayacaq. Hər iki görüş Kristal Zal -2-də keçiriləcək.

 
Atletika. 20:00-dan

Avropa Oyunlarının siması olan Nazim Babayev, bazar ertəsi Olimpiya Stadionunda keçiriləcək idman gimnasitikası üzrə komanda yarışında Azərbaycan yığması üçün maksimum xal toplamağa çalışacaq.