07.04.26
“İnter” klubunun müdafiəçisi Məhəmməd Mirzəbəyov Premyer Liqanın 19-cu turunda “Sumqayıt”la oyundan (0:0) sonra Qol.Az saytına müsahibə verib.
- Premyer Liqanın qış fasiləsindən sonra ilk rəsmi oyununuza çıxdınız. Qarşılaşma necə keçdi?
- “Sumqayıt” çox yaxşı komandadır. Bizə qarşı da çox yaxşı mübarizə apardılar. Oyunun çətin olacağını bilsək də, bu nəticəni gözləmirdik. Qələbə qazanmaq üçün əlimizdən gələni etdik. Amma alınmadı. Vacib olan iki xalı itirdik. Buna baxmayaraq, komandamız yaxşı vəziyyətdədir. Çalışacağıq ki, növbəti turlarda səhvlərimizi düzəldib, çempionluq uğrunda daha yaxşı mübarizə aparaq.
- Bu qarşılaşmada “İnter”in oyunu alınmadı, yoxsa “Sumqayıt” yaxşı oynadı?
- Matçın ilk hissəsində qol vurmaq üçün bir neçə şansımız oldu. Ancaq bu imkanlardan istifadə edə bilmədik. Qol vəziyyətlərindən yararlana bilməməyimiz oyunu daha da çətinləşdirdi. Bu oyundur. Hər zaman istədiyin olmur. Bu dəfə oyunumuz alınmadı desək, daha doğru olar.
- Oyunun ikinci hissəsində başından zədə alsan da, əvəzlənmədin. Hava zərbələri zamanı problem yaşamadın?
- Futbol kişi oyunudur. Mən əlimdən gələn hər şeyi etdim ki, komandam
qalib gəlsin. Heç nədən çəkinmədən mübarizə apardım. Biz hokkey oynamırıq, futbolda lazım olan anda başla zərbə endirmək vacibdir. Bu da mənə heç bir problem yaratmırdı.
- Mövsümün sonunda “İnter”in baş məşqçisi Kaxaber Sxadadze klubdan ayrılacaq. Nəzərə alsaq ki, K.Sxadadze uzun illərdir klubun sükanı arxasındadır, onun ayrılacağı xəbəri sizdə ruh düşkünlüyü yaratmır?
- Komandada hər şey qaydasındadır. Hələ heç kim bu haqda düşünmür. Biz hər oyun meydana qələbə qazanmaq üçün çıxırıq. Bizim üçün vacib olan “İnter”in uğurlarıdır. Baş məşqçinin kimliyindən asılı olmayaraq, öz oyunumuzu oynayacağıq.
- Milli komandamızın yeni baş məşqçisi Robert Prosineçki də bu oyunu izləyirdi. Deyilənə görə, milliyə dəvət ediləcək futbolçular arasında sənin də adın olacaq.
- Əgər o siyahıda mənim də adım olacaqsa, buna görə çox sevinərəm. Hər zaman özümü klubumda sübut etməyə çalışıram ki, milli komandanın heyətinə düşə bilim.
- Robert Prosineçki ilə bu barədə söhbətiniz olub?
- Onun oyunlarımızı izlədiyini bilirdim. Amma milli komandaya dəvət olunub-olunmayacağım barədə məlumatım yoxdur. Prosineçki ilə bu barədə söhbət etməmişik. Azərbaycan millisinə dəvət alsam, mənim üçün şərəf olacaq. Bunun üçün çox çalışıram.
Ergün SEYİD
Uğursuz mövsüm "Nyukasl"a baha başa gələ bilər
Bu stadion Mirça Luçeskunun adını daşıyacaq
İspaniya çempionatı matçlarının yeri dəyişdirilir?
Millinin yeni baş məşqçisi bəlli oldu
DÇ-2026 matçlarını rekord sayda hakim idarə edəcək
Salah "Qalatasaray"a keçir?
“Bu matçın xeyrini gələcəkdə görəcəyik”
"Qızıl top" namizədləri: Keyn, Mbappe...
Azərbaycan millisi Gürcüstana uduzdu
ÇL-də həftənin rəmzi komandasında kimlər var?
Lider "Şəfanın" qələbəsindən - Video
"Yuventus" Spalletti ilə bağlı qərar verdi
ÇL-də həftənin ən yaxşı oyunçusu bilindi
Azərbaycan millisinin məşqçisi Norveç klubunun düşərgəsində
"Çelsi" baş məşqçini göndərə bilər
"Barselona" Avropada liderdir
1-ci liqada 2 turun oyun cədvəli açıqlandı
"Milan" Qoretzkaya müqavilə təklif etdi
Tahir Gözel "Azərsun Holdinq"in yeni rəhbəri oldu
Tərlan Quliyev mükafatlandırıldı
İki komandaya texniki məğlubiyyət verildi
“Karvan-Yevlax” - “Kəpəz” oyununun hakimləri açıqlandı
Andrey Demçenko cəzalandırıldı
AFFA-dan klublara cəza və cərimələr
1 açıqlama, 15 min manat cərimə - Video
Luis Enrike: "PSJ-ni "Enfild"də əzab-əziyyət gözləyir"
Arne Slotdan etiraf
Avrokubokların oyunları bu kanallarda
Arda Turandan "AZ Alkmaar" oyunu öncəsi - Açıqlama
20 il sonra “Kamp Nou”da
Rəşad Abdullayev: “Türkiyə futbolundan çox şey öyrənməliyik”
ÇL-də həftənin ən yaxşısı adına namizədlər
Oyun bitən kimi paltardəyişmə otağına qaçdı - Video
"Qalatasaray"ın qələbəsi - Video
UEFA yarışlarında Luçeskunun xatirəsinə ehtiram - Şəkillər
PSJ "Liverpul"a, "Atletiko" "Barselona"ya qalib gəldi
