Türkiyənin Antalya şəhərində təlim-məşq toplanışından olan hakimlərimizdən Əliyar Ağayev Qol.Az saytına müsahibə verib.
- İlk öncə Antalyadakı hazırlıq prosesi haqqında danışaq.
- Bu hazırlıq prosesi artıq ənənəvi hal alıb. İldə iki dəfə olmaqla yeni mövsümün əvvəli və qış fasiləsində klublar kimi biz də çempionata hazırlaşırıq. Hazırlıq prosesi yüksək səviyyədə gedir. Bundan başqa dərslər zamanı səhvlərimizi müzakirə edirik. Bu da inkişafımıza təkan verir. Həmçinin fiziki hazırlığımızın yaxşılaşdırılması üçün də məşqlərimiz olur. Bütün bunlar gələcəkdə idarə edəcəyimiz oyunlarda bizim üçün xeyirli olacaq.
- Bu təlim-məşq toplanışlarının hansı müsbət cəhətləri idarə etdiyiniz oyunlarda özünü göstərir?
- Keçirdiyimiz hər bir hazırlıq prosesindən sonra dəyişikliklər olur. Bu toplanışlarda istər Hakim-İnspektorlar Komitəsinin sədri, istərsə də təcrübəli hakimlərlə fikir mübadiləsi aparılır. Bəzi məsələlər var ki, bunlar üzərində müzakirələr zamanı müxtəlif fikirlər və ideyalar ortaya çıxır. Bu hazırlıq prosesi zamanı hər kəs öz tövsiyələrini verir və futbolumuzun inkişafı üçün daha yaxşı olan qərarlar qəbul edilir.
- Azərbaycan hakimləri niyə beynəlxalq arenada az oyun idarə edirlər?
- Düzdü, “böyük beşlik” ölkələrinin hakimləri qədər uğur qazana bilməmişik. Amma yerli hakimlərimiz heç də Avropa referilərindən geridə qalmırlar. Bizim Premyer Liqanın səviyyəsi hər il artır. Biz hakimlər də çalışırıq ki, inkişafdan geridə qalmayaq. Çempionatın səviyyəsinin yüksəlməsi biz hakimlərə həvalə olunan beynəlxalq oyunların keyfiyyətində də sözünü deyir. İndi UEFA azərbaycanlı hakimlərə daha məsuliyyətli oyunlara təyinat verir. Özümüzü yaxşı tərəfdən göstərməyimiz üçün sadəcə vaxt lazımdır.
Unutmayaq ki, “böyük beşlik” ölkələrinin çempionatlarını idarə edən hakimlərlə bizimkilər eyni səviyyədə ola bilməzlər. Həm də onlar FİFA hakimliyi lisenziyasını qazananda 3-cü qrupdan yox, 2-ci qrupdan başlayırlar. Bu da onlar üçün əlavə üstünlükdür. Amma bizim futbolumuz da inkişaf edir. Artıq hər il Avropa Liqasının qrup mərhələsində oynayan, ən azı pley-offda mübarizə aparan klublarımız olur. Çempionatın səviyyəsi artdıqca da hakimlər öz üzərində daha yaxşı işləməyə məcbur olurlar.
- Hakimlərin Antalyada keçirilən dərslərinin birində oldum. Referilərimizin çempionatımızın oyunları zamanı qəbul edilən 23-cü mübahisəli epizodda fikirləri haçalandı. Sonrakı müzakirədə isə yalnız bir epizodda bütün hakimlərin fikri üst-üstə düşdü.
- Əslində bu, normal haldır. Yəni çox hakimin hər hansı bir qərara birmənalı münasibət bildirməsi yaxşı olardı. Amma belə deyilsə, deməli, müəyyən boşluqlar var. Hər bir hakimin hansısa epizoda görə öz fikri ola bilər. Bu fikri əsaslandırmaq isə onun borcudur.
- Karyeranızda sizin üçün ən həyəcanlı oyun hansı olub?
- Açığı, məndə idarə edəcəyim hər oyundan öncə həyəcan olur. Amma ən həyəcanlı olduğum qarşılaşma kimi beynəlxalq arenada meydana çıxdığım ilk oyun olub. Ümumiyyətlə, işinə məsuliyyətlə yanaşan insanda həyəcanın olması təbiidir. Sadəcə, bu həyəcan start fiti çalınanda bitməlidir. Amma matç zamanı həyəcan olsa, bu, problemlər yaşada bilər.
- İdarə etdiyiniz oyunlarda sonradan peşman olduğunuz qərar vermisinizmi?
- Əgər bir oyunda səhv qərar verirsənsə, qarşılaşmadan sonra bunun videoyazısını görüb peşman olursan. Amma biz çalışırıq ki, buraxılmış səhvə görə matç zamanı deyil, bitdikdən sonra peşmançılıq hissi çəkək. Çünki həmin an buna reaksiya versən, hakimin səhvləri daha çox olar.
- Bəs, nəticəyə təsir edən səhviniz olub?
- Səhvlərim olub. Amma nəticəyə təsir edən bir səhvim yadıma gəlmir.
- İdarə etdiyiniz matçlar ərzində köməkçilərinizin qərarlarınıza müdaxilə etdiyi anlar olubmu?
- Bəli. Onların müdaxiləsi ilə qərarımı dəyişmişəm. Bir neçə qarşılaşma olub ki, fikirlərimiz üst-üstə düşməyib.
- Sizdən asılı olsaydı, futbolumuzun inkişafı üçün kimlərə “qırmızı vərəqə” göstərərdiz?
- “Qırmızı vərəqə” göstərməzdim. Çünki oyundan kənarda qalanlar daha çox səs-küy yaradarlar. Yəqin ki, ilk öncə onlara xəbərdarlıq edərdim. Bir sahənin inkişafı üçün orada ilk öncə birlik olmalıdır.
Ergün SEYİD,
Antalya
Mərakeşli hücumçu 1-ci oldu
"Araz-Naxçıvan"da iki futbolçu məşqləri bərpa etdi
UEFA Avro-2024-lə bağlı yeni qərarı rəsmən açıqladı
İngiltərədə bu mövsümün ən yaxşı oyunçusu müəyyənləşdi
"Bu, cinayətdir" - Klopp
Avroliqada həftənin ən yaxşı futbolçusu seçildi
"Mançester Yunayted"in Ten Haq qərarı
ÇL-də həftənin ən yaxşı oyunçusu odur
Misli Premyer Liqasında 33-cü turun hakimləri bilindi
Bir dövrün sonu
Azərbaycanın U-17 və U-19 millilərinin rəqibləri bəlli oldu
“Liverpul”un futbolçusu məşhur aktyorun qızı ilə sevgilidir
Bakıda Avropa çempionatı keçiriləcək
Rəqibi təpiklə vuran futbolçunun cəzası açıqlandı
AFFA öz futbolçularını təhqir edən baş məşqçini cəzalandırdı
"Şamaxı"nın vacib səfər qələbəsi - Video
“Turan Tovuz”un futbolçusu 4 oyunluq cəzalandırıldı
"Qarabağ" - "Neftçi" matçının biletləri satışda
“Barselona” Pedrini satacaq
"Yaxşı ki, Belarusla qarşılaşdıq" - Millinin baş məşqçisi
Avroliqada həftənin ən yaxşısı adına 2 namizəd
Birinci liqanı tərk edəcək komanda bilindi
Ardıcıl 7-ci dəfə çempion oldular
Messiyə mükafat verildi
Volkan Demireldən istefa qərarı
Andrixin gözəl qolu, "Bayer"in qələbəsi - Video
“Olimpiakos”dan sürpriz, “Fiorentina”dan çətin qələbə
"Bayer" "Roma"ya qalib gəldi, Marseldə heç-heçə
London derbisini “Çelsi” qazandı
"İnter Mayami" Messinin daha bir dostu ilə danışıqlar aparır
Azərbaycanın U-17 millisi Belarusa uduzdu
“Sabah”ın Tərtərdəki seçimləri yekunlaşdı - Video
"Şamaxı"nı 2-ci pilləyə yüksəldən qələbə - Video
Avro-2024-ü buraxacaq
"Çelsi" Konteyə təklif göndərdi
"Qaradağ Lökbatan" "Araz-Saatlı"ya aman vermədi - Video
Tonalinin cəzası iki ay uzadıldı
Liderdən qələbə, "Şamaxı" 2-ci pilləyə yüksəldi
Ranqnik "Bavariya"dan niyə imtina edib?
"Real"ın kapitanı Messi ilə komanda yoldaşı olacaq
Fransa klubu baş məşqçisini istefaya göndərir
"Real" Marselonun oğlu ilə müqaviləni uzatdı
Rusiya millisi üçün yeni rəqib
Benzema "Real"ın bazasında
"Borussiya" Hummelslə bağlı qərar verdi