07.04.26
Milli komandamızın və “Qarabağ” klubunun hücumçusu Vüqar Nadirovun Qol.Az saytına müsahibəsi
- Ağır qrafikli oyunlardan sonra necə istirahət edə bildin?
-Ailəmlə birlikdə Türkiyənin İstanbul şəhərində oldum. Hərdən oğlum Ərşadla məşq də edirdik. Çalışırdım ki, məşqə çox vaxt ayırım. Həm yaxşı dincəldim, həm də istirahət etdim.
- Təkcə İstanbulda oldun?
- Yox. Dostumla Dubaya da getdim. Ancaq orda cəmi 3 gün qaldım.
- Sosial şəbəkələrdə “Bentley” markalı avtomobillə şəklini paylaşmışdın. Belə məlumat yayılmışdı ki, Dubayda bahalı maşın almısan.
- (gülür) Dəvə ilə də şəkil çəkdirmişəm, indi deyəcəklər ki, dəvə almışam? Yaxud deyəcəklər ki, Vüqarın Novxanıda “obyekt”i var, dəvə qutabı satdırır, orda? Boş söhbətlərdir. Sadəcə, o maşın xoşuma gəldiyi üçün yanında şəkil çəkdirdim. Maşın almaq fikrim yoxdu. Bizi istəyənlər olduğu kimi istəməyənlər də var. Ona görə belə xəbərlrin yayılmağı təəccüblü deyil.
- Geridə qalan 2014-cü ilddən razı qaldın?
- 2014-cü ili həm yaxşı, həm də pis illərdən hesab etmək olar. Yaxşı tərəfi hamıya bəllidir. Pis olan isə odur ki, hakimin haqsızlığı ucbatından layiq olduğumuz Avroliqadan 1/16 final mərhələsindən kənarda qaldıq. Komandamız ötən il ərzində çox yaxşı çıxış etdi. Qazandığımız nəticələrdən əlavə həm də baxımlı oyunlarımızla yadda qaldıq. 2014-cü ildə bir daha göstərdik ki, biz kollektiv oyun sayəsində uğur qazanırıq.
- 2014-cü ili karyeranın ən yaxşı illərindən hesab etmək olar?
- Məncə, yaxşı qiymətləndirmək olar. Ancaq mənimlə bağlı da bir xoşagəlməz məqam oldu. Avroliqanın qrup mərhələsinin son oyununda - “İnter”lə çox vacib bir görüşdə zədə aldım. Hətta əsəbimdən ağladım da. Ancaq bu da bir qismətdir. Sevindirici haldır ki, həm çempionat, həm də Avroliqa oyunlarının çoxunda iştirak etdim. Əlimdən gələn qədər komandama kömək etdim.
- Yeri gəlmişkən, zədən necədir?
- İndi yaxşıyam. Həkimlər bildirdilər ki, hər şey qaydasındadır. İstanbulda olanda müntəzəm məşq edirdim.
- Ötən il bir sıra vacib qollar da vurdun. Onlardan hansı daha yaddaqalan oldu?
- Məncə, Avroliqanın qrup mərhələsində səfərdə “Sent Etyen”ə vurduğum qol digərlərindən seçildi. Həm baxımlı, həm də çox vacib qol idi. Yəqin ki, kimdən soruşsanız hamı bu qolu qeyd edərdi.
- Premyer Liqada əsas izləyiciniz “İnter”dən 5 xal öndə olmağınızı necə izah edərdin?
- Fərq daha böyük ola bilərdi. Hər şey bizdən asılı idi. Sadəcə zədəlilərimiz çox oldu. Ancaq hazırkı durumumuz da ürəkaçandır. Arxayınlaşmaq da olmaz. Qarşıdakı oyunlar daha ağır olacaq. Hər bir komanda irəli getməyə can atır. Komandaların əksəriyyəti yeni futbolçularla güclənib.
- Ancaq “Qarabağ”da hələ transfer yoxdu.
- Bizdə də olacaq.
- Avroliqanı tərk etməyiniz çempionatdakı işinizi yüngülləşdirəcək?
- Əslində Avroliqanı tərk etməyimiz bizə pis təsir etdi. Çalışırıq ki, onun təsirindən çıxaq. Ölkə prezidenti bizimlə görüşü əlavə stimul oldu, məsuliyyətimizi də artırdı. Bəli, indi bütün diqqətimizi çempionata yönəldəcəyik. Buna görə də fasilədən sonra azarkeşlərimiz bizdən daha yaxşı oyun gözləsinlər.
Ramiq AĞAMƏMMƏDOV
Uğursuz mövsüm "Nyukasl"a baha başa gələ bilər
Bu stadion Mirça Luçeskunun adını daşıyacaq
İspaniya çempionatı matçlarının yeri dəyişdirilir?
Millinin yeni baş məşqçisi bəlli oldu
DÇ-2026 matçlarını rekord sayda hakim idarə edəcək
Salah "Qalatasaray"a keçir?
“Bu matçın xeyrini gələcəkdə görəcəyik”
"Qızıl top" namizədləri: Keyn, Mbappe...
Azərbaycan millisi Gürcüstana uduzdu
ÇL-də həftənin rəmzi komandasında kimlər var?
Lider "Şəfanın" qələbəsindən - Video
"Yuventus" Spalletti ilə bağlı qərar verdi
ÇL-də həftənin ən yaxşı oyunçusu bilindi
Azərbaycan millisinin məşqçisi Norveç klubunun düşərgəsində
"Çelsi" baş məşqçini göndərə bilər
"Barselona" Avropada liderdir
1-ci liqada 2 turun oyun cədvəli açıqlandı
"Milan" Qoretzkaya müqavilə təklif etdi
Tahir Gözel "Azərsun Holdinq"in yeni rəhbəri oldu
Tərlan Quliyev mükafatlandırıldı
İki komandaya texniki məğlubiyyət verildi
“Karvan-Yevlax” - “Kəpəz” oyununun hakimləri açıqlandı
Andrey Demçenko cəzalandırıldı
AFFA-dan klublara cəza və cərimələr
1 açıqlama, 15 min manat cərimə - Video
Luis Enrike: "PSJ-ni "Enfild"də əzab-əziyyət gözləyir"
Arne Slotdan etiraf
Avrokubokların oyunları bu kanallarda
Arda Turandan "AZ Alkmaar" oyunu öncəsi - Açıqlama
20 il sonra “Kamp Nou”da
Rəşad Abdullayev: “Türkiyə futbolundan çox şey öyrənməliyik”
ÇL-də həftənin ən yaxşısı adına namizədlər
Oyun bitən kimi paltardəyişmə otağına qaçdı - Video
"Qalatasaray"ın qələbəsi - Video
UEFA yarışlarında Luçeskunun xatirəsinə ehtiram - Şəkillər
PSJ "Liverpul"a, "Atletiko" "Barselona"ya qalib gəldi
