28.10.25
"Qarabağ"ın kapitanı Rəşad Sadıqov Azərbaycan Premyer Liqasının 18-ci turunda "Sumqayıt"la matçdan (2:0) sonra oyunla bağlı fikirlərini bildirib. Qol.Az-ın xəbərinə görə, o, söhbət zamanı gündəmdə olan bir sıra məsələyə toxunub.
- İlk öncə oyun barədə fikirlərini bilmək istərdik.
-Oyuna maraqlı keçdi. Hər iki komanda yorğun idi. Çünki neçə vaxtdır üç gündən bir oyun keçiririk."Sumqayıt"ın son oyunlarına baxmışdıq. "Qəbələ"yə qarşı çox yaxşı oynamışdılar. Oyuna ciddi hazırlaşmışdıq. Başa düşürdük ki, qış fasiləsinə lider kimi yollanmaq üçün yaxşı fürsətimiz var. Çox şükür kü, qələbə qazandıq.
- Ən yaxın izləyiciniz "İnter"dən 5 xal irəlidəsiniz. "Qarabağ" artıq qış çempionudur.
-Avroliqada qrup mərhələsinə vəsiqə qazanan zaman bildirmişdim ki, qışa kimi liderlərdən uzaq düşməsək, bizim üçün yaxşı olacaq. Amma ilk dövrəni 5 xal irəlidə bitirəcəyimizi gözləmirdim. Çünki həm Avroliqanın qrupu, həm ölkədaxili yarışlarda mübarizə apararaq sıx qrafiklə oynamaq çox çətin oldu. Bundan başqa, zədəli futbolçularımız da vardı. Buna baxmayaraq, qış fasiləsinə çempion kimi yollandıq. Bununla belə arxayınlaşmaq olmaz. Çünki fasilədən sonra bizim üçün daha ağır oyunlar olacaq. Komandalar ikinci dövrəyə daha ciddi yanaşırlar. Çempionatda bizi maraqlı oyunlar gözləyir.
-Sizcə, Azərbaycanda 2014-ci ilin ən yaxşı futbolçusu kim olacaq?
-Bu il futbolçularımız millidə uğursuz çıxış etdilər. Xüsusilə, oyunçulara milli komandadakı oyununa görə daha çox qiymət verilir. "Qarabağ"dan Bədavi Hüseynov və ya Qara Qarayev bu ilin ən yaxşısı seçilə bilər.
Sənin üçün 2014-ci ili uğurlu il saymaq olarmı?
- Nəticə baxımdan bu il mənim üçün uğurlu oldu. Buna görə də bu ili karyeramın ən uğurlu ili adlandırmaq olar. Amma fikirləşirəm ki, oyunumu daha da yaxşılaşdırmalıyam. Çalışacam ki, gələn il mənim üçün bundan da uğurlu olsun. Bu ilə zədə və əməliyyatla başlamışdım. Özümü yaxşı hiss etməyə başlayan zaman yayda yenidən zədələndim. Özümə yeni gəlməyə başlamışdım ki, indi də fasilə yarandı. Fasilədən yaxşı istifadə edəcəm ki, 2015-ci il yaxşı keçirim.
"Real”ın futbolçusu sıradan çıxdı
Haalandın bombardirlər arasında da rekordu var
"Portuqaliya mən gələnədək heç nə qazanmamışdı"
"Qarabağ" - "Neftçi" matçının biletləri satışa çıxır
“Qarabağ”la oyunda zədələnən Laviya uzun müddət oynamayacaq
“Ayaks” baş məşqçisi ilə yollarını ayırdı
"Fiziki cəhətdən zəif təsir bağışladıq" - Yevgeni Kukseviç
Lukmanla baş məşqçi arasında soyuq küləklər əsir
Futzal millimiz məğlub oldu
Fransa yığmasının Azərbaycanla oyun üçün heyəti açıqlandı
“Araz-Naxçıvan”ın 1/8 finaldakı rəqibi müəyyənləşdi
Mourinyo: "Mən hakimi sevmirəm, o da məni"
Şimal derbisində 6 qol, "Zaqatala"dan qələbə
Millimizdən İslamiadada növbəti qələbə
Lovğa-lovğa gələn “Çelsi”ni tapdayıb keçdilər
