07.04.26
"Qarabağ" klubunun yarımmüdafiəçisi Riçard Almeyda Qol.Az saytına müsahibə verib.
- Avropa Liqasının qrup mərhələsinin son turunda "İnter"in qapısına vurduğun qol epizodunu necə xatırlayırsan? Həmin anda nələr hiss etdin?
- Həmin anı xatırlamaq çox çətindir. O qədər əziyyətdən sonra bir qol vururuq və hakim bunu qeydə almır. Bizim taleyimizi həll edən həmin an çox təsiredicidir. Həmin hissləri bəzən unutmaq mümkün olmur və sanki təkrar-təkrar yaşayırıq. Artıq ediləcək bir şey olmadığını düşünsək, hər şeyi geridə qoyaraq gələcəyə baxmaq lazımdır. Çünki yenidən Avropada istədiyimiz oyunları göstərməyimiz üçün qarşımızda duran işlər çoxdur.
- Komandanın kapitanı Rəşad Sadıqov deyib ki, günü bu gün də yuxudan oyandıqda, həmin anları xatırlayır...
- Mənim üçün də eyni hisslərdir. Hər şey olduqca çətindir. Həmin qolu mən vurduğum üçün bu, mənə daha ağır gəlir. Hər şeyi unutmağa çalışıram. Amma istər sosial şəbəkələrdə, istərsə də dostlarım və ətrafım arasında həmişə eyni mövzu qarşıma çıxır. Ona görə də unutmaq bir qədər çətin olur. Yenə də başımızı dik tutub, gələcəyə baxmalıyıq.
- Brazilyaya getdiyində “Qarabağ” haqda nə danışacaqsan?
- Braziliyada bu klubda oynadığım üçün çox xoşbəxt olduğumu söyləyəcəm. Burada çox gözəl futbolçular var və onların arasında olmaq, bir klubda oynamaqdan çox məmnunam. ”Qarabağ”da hər şey gözəldir. Düzdür, Avropa Liqasının qrup mərhələsinin son turunda “İnter”lə oyundakı haqsızlıq çox ağır idi. Amma mənə o epizodu unutdura biləcək bir təsəllim var. Çox yaxında ata olacam. Mənim bir qızım dünyaya gələcək. Ondan sonra geri qayıdaraq yenidən çempion olmaq üçün əlimizdən gələni edəcəyəm.
- "İnter"lə görüşdə qolunuz qeydə alınmasa da, hər kəs “Qarabağ”ı qalib kimi qarşıladı....
- Məndə də elə hisslər var ki, sanki biz qrup mərhələsini keçmişik. Elə bil “Olimpiakos”la biz oynayacağıq. Amma indi edə biləcəyimiz heç bir şey yoxdur. Hakimin səhvindən kənarda qalmışıq. Bundan sonra edə biləcəyimiz tək şey yenidən mübarizə apararaq çempionatda layiqli yerimizi tutmaqdır.
- UEFA-nın fevralın 5-də veriləcək qərarına əsasən növbəti mərhələyə keçsəniz, “Olimpiakos”a qalib gələ bilərsinizmi?
- Bizim istənilən komandaya qarşı oynamaq gücümüz var. Biz “Olimpiakos”a qarşı layiqli mübarizə apara bilərik. Amma qalib gəlib-gəlməyəcəyimizi deyə bilmərəm.
Ergün SEYİD
Uğursuz mövsüm "Nyukasl"a baha başa gələ bilər
Bu stadion Mirça Luçeskunun adını daşıyacaq
İspaniya çempionatı matçlarının yeri dəyişdirilir?
Millinin yeni baş məşqçisi bəlli oldu
DÇ-2026 matçlarını rekord sayda hakim idarə edəcək
Salah "Qalatasaray"a keçir?
“Bu matçın xeyrini gələcəkdə görəcəyik”
"Qızıl top" namizədləri: Keyn, Mbappe...
Azərbaycan millisi Gürcüstana uduzdu
ÇL-də həftənin rəmzi komandasında kimlər var?
Lider "Şəfanın" qələbəsindən - Video
"Yuventus" Spalletti ilə bağlı qərar verdi
ÇL-də həftənin ən yaxşı oyunçusu bilindi
Azərbaycan millisinin məşqçisi Norveç klubunun düşərgəsində
"Çelsi" baş məşqçini göndərə bilər
"Barselona" Avropada liderdir
1-ci liqada 2 turun oyun cədvəli açıqlandı
"Milan" Qoretzkaya müqavilə təklif etdi
Tahir Gözel "Azərsun Holdinq"in yeni rəhbəri oldu
Tərlan Quliyev mükafatlandırıldı
İki komandaya texniki məğlubiyyət verildi
“Karvan-Yevlax” - “Kəpəz” oyununun hakimləri açıqlandı
Andrey Demçenko cəzalandırıldı
AFFA-dan klublara cəza və cərimələr
1 açıqlama, 15 min manat cərimə - Video
Luis Enrike: "PSJ-ni "Enfild"də əzab-əziyyət gözləyir"
Arne Slotdan etiraf
Avrokubokların oyunları bu kanallarda
Arda Turandan "AZ Alkmaar" oyunu öncəsi - Açıqlama
20 il sonra “Kamp Nou”da
Rəşad Abdullayev: “Türkiyə futbolundan çox şey öyrənməliyik”
