04.07.25
“Qəbələ” klubunun vitse-prezidenti Fariz Nəcəfov Qol.Az saytına müsahibəsində Roman Qriqorçukun komandaya baş məşqçi təyin olunmasından danışıb.
- “Qəbələ”nin Roman Qriqorçuku seçməyində əsas səbəb nə oldu?
-Hələ Yuri Syomin “Qəbələ”dən gedəndə baş məşqçi vəzifəsinə bir nömrəli namizədimiz Roman Qriqorçuk idi. Ancaq o vaxt Qriqorçuk öz komandasını pis vəziyyətdə qoymaq istəmədi. Ona görə də razılıq əldə edə bilmədik. Hazırda isə məlum səbəblərdən Ukraynada vəziyyət qeyri-sabitdir. Ona görə də Dorinel Munteanunun istefasından sonra Qriqorçukla əlaqə saxladıq, o isə bildirdi ki, danışa bilərik. Düzdür, başqa təklifləri də var idi. Ancaq “Qəbələ”də işləməyi üstün tutdu. Onunla 1.5 illik müqavilə imzaladıq.
- Qriqorçukun “Qəbələ”də uzun müddət çalışması mümkündürmü?
- Əlbəttə, hər zaman istəyirik ki, baş məşqçimiz uzun müddət komandada çalışsın. Təkcə məşqçi, yaxud da heyəti dəyişməklə nəticə əldə etmək mümkün deyil. Uğur qazanmaq üçün eyni heyətlə və məşqçi ilə uzun müddət çalışmaq lazımdır. İstərdik ki, Qriqorçuk bizim üçün uğurlu məşqçi olsun və onunla daha uzunmüddətli müqavilə imzalayaq.
- Ukraynalı mütəxəssis Qəbələdəki şəraitdən razı qaldımı?
- Onun “Qəbələ” haqda təəssüratları çox yaxşı oldu. Akademiyamızla tanış oldu. Qəbələdə futbola yaradılan şərait göz qarşısındadır. Avropanın çox az ölkələrində belə infrastruktur var. Qriqorçukun vətəni Ukraynada da 1-2 klubu çıxmaq şərtilə belə şərait yoxdur. Həqiqətən buradakı şərait Qriqorçukun çox xoşuna gədli. O, akademiyamızın yetirmələrinə fikir verdi. Bildi ki, burada perspektivli futbolçular yetişir.
- Deməli, Qriqorçukun seçimində qeyd etdiyiniz amillər əsas rol oynayıb?
- Bəli, burada olan şəraitin çox böyük rolu oldu. Bir məqamı vurğulamaq istərdim. Qriqorçuk daha çox perspektivi düşünən məşqçidir. Onun üçün pul ikinci dərəcəlidir. Bunu onunla ilk söhbətimizdə başa düşdük. Düşünürəm ki, onun “Qəbələ”yə gəlməyində buradakı infrastruktur böyük rol oynadı.
- Yeni baş məşqçi Premyer Liqamızın növbəti turunda “Qəbələ”ni meydana çıxara bilər?
- Xeyr, bu oyunlara da komandanı müvəqqəti baş məşqçi Sənan Qurbanov çıxaracaq. Qriqorçuk komandaya qış təlim-məşq toplaşında qoşulacaq.
-Qriqorçukun köməkçiləri məlumdurmu?
-Sənan Qurbanov və qapıçılar üzrə məşqçi Dmitri Kramarenko komandada qalacaq. Yeni məşqçilərin adları isə dəqiq məlum deyil. Ancaq iki, maksimum üç köməkçi gətirə bilər. Bu haqda danışığımız olsa da, tam qərara gəlməmişik. Qriqorçuk ən azı iki köməkçisini “Qəbələ”yə gətirmək istəyir. Yəqin ki, "Çernomorets"də çalışdığı köməkçilərini gətirəcək.
- Sabiq baş məşqçi Dorinel Munteanunun qarşısına böyük hədəflər qoyulmuşdu. Məlum səbəbə görə “Qəbələ”nin altı xalı silindikdən sonra komanda turnir cədvəlində xeyli gerilədi. Hədəflər olduğu kimi qalırmı?
- Əbəttə, hədəflərimiz dəyişmir. Qarşıda 18 oyun var. Çempion da ola bilərik. Bunun üçün qış toplanışını yaxşı keçirməliyik. Komandaya bir neçə yaxşı futbolçu cəlb etmək və işləmək lazımdır. Bizim hədəfimiz minumum avrokuboklara vəsiqə qazanmaqdır.
Ramiq AĞAMƏMMƏDOV
"Tramp mənə dedi ki..."
"Real"da qalır
Kurtua qalır, ya gedir?
18 yaşlı Endrik evləndi
Sneyderin oğlundan ilk peşəkar müqavilə
Argentina millisinin üzvü "Atletiko"da
"Çelsi"dən "Arsenal"a - Rəsmi
"Mançester Siti"dən A seriyası klubuna keçdi
Millimizin üzvü Türkiyə klubunda - Rəsmi
“Qarabağ” yenidən öz məkanında - Şəkillər
Yeni mövsümün 3 Azərbaycan derbisi - Hansı turda və harda?
"Milan"dan daha bir transfer
Vəli Qasımova yeni vəzifə verildi
Platininin medal və kubokları oğurlanıb
"Mançester Yunayted" hücumçu ilə anlaşdı
"Qarabağ" onunla da yolları ayırdı - Rəsmi
"İnter" futbolçusunu icarəyə verdi
İtaliya klubu "Borussiya"ya təklif göndərdi
Konfrans Liqasında inanılmaz geridönüş
"Napoli"dən yeni transfer
"Araz-Naxçıvan" da iştirak ərizəsini açıqladı
"Roma"nın təklifinə razılaşdı
Arda Turanın "Şaxtyor"u mərhələ adladı, "Beşiktaş"a rəqib oldu - "Oyunçularıma fəxr edirəm"
Enrike onları əvəzedici komandaya göndərdi
"İnter" "Atalanta" ilə razılığa gələ bilmədi
