Türkiyə mediası 2015-ci ildə Bakıda keçiriləcək birinci Avropa Oyunlarına hazırlıq işlərinə geniş yer ayırıb.
Qol.Az-ın Heydər Əliyev Fondunun saytına istinadən yaydığı xəbərə görə, qardaş ölkə mətbuatı ilk dəfə keçiriləcək Avropa Oyunları və ona ev sahibliyi edəcək Azərbaycanda görülən tədbirlər barədə yazıb. Məqalələrdə qeyd olunub ki, 2015-ci il iyunun 12-28–də keçiriləcək oyunlarda 49 ölkədən 6 mindən artıq idmançı 20 növ üzrə mübarizə aparacaq: “Avropada yeni bir həyəcan yaradacaq və hər dörd ildən bir keçiriləcək Oyunlar həm də 2016-cı il Rio-de-Janeyro Yay Olimpiya Oyunları ərəfəsində idmançılara özlərini sınamaq fürsəti verəcək, idmanın bəzi növlərində isə seçmə mərhələ funksiyası daşıyacaq”.
Ölkə gündəminə təqdim olunan reportajlarda bildirilir ki, 2002-ci ildən başlayaraq taekvondodan gimnastikaya, voleyboldan futbola qədər idmanın müxtəlif növləri üzrə 36 beynəlxalq yarışa ev sahibliyi edən Azərbaycanda sonuncu dəfə bu ilin iyununda bədii gimnastika üzrə Avropa çempionatı keçirilib. İyirmi üç illik müstəqilliyi dövründə 200-dən artıq atletlə Yay və Qış Olimpiya oyunlarında təmsil olunan Azərbaycan bu günə qədər olimpiadalarda 26, Avropa və dünya çempionatlarında isə 2000-ə qədər medal qazanıb.
Yazılarda qeyd olunur ki, Azərbaycandakı birinci Avropa Oyunları 21 məkanda keçiriləcək. Bu məqsədlə yeni arenalar inşa edilir, mövcud məkanlar isə təmir olunaraq Oyunlara hazır vəziyyətə gətirilir: “2012-ci ildə “Eurovision” mahnı müsabiqəsinə ev sahibliyi edən “Baku Crystal Hall”da Avropa Oyunlarında həndbol və qapalı məkanlarda keçirilən digər idman növləri üzrə yarışlar təşkil olunacaq. Bununla yanaşı, Bakıda 7300 yerlik Olimpiya şəhərciyi də tikilir.
KİV-lərdə diqqətə çatdırılıb ki, açılış mərasimi hazırda inşası davam edən 65 min yerlik Bakı Olimpiya Stadionunda keçiriləcək. Stadionun təməlqoyma mərasimində Azərbaycan Respublikasının Prezidenti İlham Əliyevin, FİFA və UEFA prezidentləri Zep Blatterin və Mişel Platininin iştirak etdikləri xüsusi vurğulanıb.
Avropa Oyunları 2012-ci il dekabrın 9-da Romada Avropa Olimpiya Komitəsinin Baş Assambleyasının toplantısında təsis olunub və Avropa Olimpiya komitələrinin yekdil qərarı ilə yaradılıb. Baş Assambleyanın yığıncağında Oyunlara ev sahibliyi hüququ Azərbaycanın paytaxtı Bakıya verilib. Avropa Oyunlarının Bakıda keçirilməsinə məsul olan Təşkilat Komitəsi Azərbaycan Prezidenti İlham Əliyevin 2013-cü il 17 yanvar tarixli Sərəncamı ilə yaradılıb. Təşkilat Komitəsinə Azərbaycanın birinci xanımı, Heydər Əliyev Fondunun prezidenti Mehriban Əliyeva rəhbərlik edir.
Türkiyə mətbuatında yer almış materiallarda Heydər Əliyev Fondu tərəfindən bu günədək bir neçə ölkədə “Bakı-2015” birinci Avropa Oyunlarının təqdimatı ilə bağlı tədbirlərin keçirildiyi qeyd edilir. Bu sırada Kann, Afina və Berlində birinci Avropa Oyunlarının təqdimatına həsr olunan tədbirlərin təşkil edildiyi bildirilir.
"Qarabağ"ın "Turan Tovuz"u məğlub etdiyi oyun - Video
"Qarabağ" 7 qollu oyunda "Turan Tovuz"a qalib gəldi
UEFA-dan Şahruddinin oynadığı kluba avrokubok cəzası - Rəsmi
"Yuventus" Alleqrini istefaya göndərdi
"Qarabağ" - "Turan Tovuz": Heyətlər
Tuhel qərarını dəyişmədi
"Marsel"in baş məşqçisi karyerasını başa vurur
Azərbaycan cüdoçuları Avropa Kubokunda iştirak edəcəklər
1-ci liqada son turun oyunları eyni gündə, eyni saatda
"Yuventus"dan Mottaya 3 illik müqavilə təklifi
İki futbolçu "Liverpul"dan ayrılır - Rəsmi
FİFA VAR-la bağlı yeni qaydalar tətbiq edir
“Qarabağ” - "Turan Tovuz" oyununda qadın hakimlər
"Onlara daim deyirəm ki, yaraşıqlı, gözəl görünmək istəyirsinizsə, idmanla məşğul olun"
1-ci liqada çempionun mükafatlandırma vaxtı müəyyənləşdi
Robin van Persi baş məşqçi təyin edildi
Fatih Terim istefa verdi
Yasin Benzia "Qarabağ"dan ayrılırmı?
"İmişli"nin legioneri 5 oyunluq cəzalandırıldı
AFFA rəhbərliyi FİFA-nın Konqresində
“Misli.az ilə Avropaya” – İlk tirajın nəticələri
PFL 35-ci turun hakimlərini açıqladı
Azərbaycan futzal millisinin səbəti müəyyənləşdi
"Qarabağ"la yeni müqaviləni müzakirə edirik" - Andrey Lunyov
Azərbaycanın 2 boksçusu finala vəsiqə qazandı
Fransa millisinin Avro-2024 üçün heyəti açıqlandı
Rövşən Nəcəf UEFA prezidenti ilə görüşdü
"Barselona" səfərdə qalib gəldi
Musanın komandasından darmadağın
"Traktor" kubokla vidalaşdı
Ramilin komandası da Superliqa şansını itirdi
“Sabah” Abşerondan 52 uşaq seçdi
"İmişli" autsayderlə bacarmadı - Video
Vüsalın komandası Superliqaya vəsiqə qazana bilmədi
"Şamaxı"nı lider edən vacib qələbə - Video
Məşhur sabiq futbolçu "Spartak"ın baş məşqçisi oldu
"Bizə çempionluq lazımdır" - Ramiz Məmmədov
"Sevilya"nın əfsanəsi mövsümün sonunda gedir