Beşinci turda Azərbaycan Premyer Liqasının mərkəzi oyunu İsmət Qayıbov adına Bakıxanov qəsəbə stadionunda baş tutdu. “Neftçi” “Xəzər Lənkəran”ı qəbul etdi. Oyun barədə danışmayacağam. Bu haqda fikirlərimi turun şərhinə aid ənənəvi yazımda bildirəcəyəm. Bu dəfə toxunacağım məsələ tamam başqadır. Polislərdən danışacağam, stadionlarımızda asayişi qorumalı olan Azərbaycan polislərindən.
Ümumiyyətlə, bu məsələ haqqında nə qədər yazırsan, yenə də düzəlmək bilmir. Heç bu gedişlə düzələnə də oxşamır. Əslində “Neftçi” - “Xəzər Lənkəran” matçının gedişində və matçdan sonra müəyyən qalmaqalların yaranacağını təxmin etmişdim. Bu mənada oyundan sonra azarkeşlər, eləcə də azarkeşlərlə polislər arasında qarşıdurmanın yaranmasına dair xəbərləri normal qəbul etdim. Ancaq oyundan sonra çəkilən videogörüntüləri görəndən sonra...
Bu qədər də olmaz. Artıq birinin buna “dur” deməsi lazımdır. Bu qədər polis zorakılığı olmaz. Bu gedişlə heç kim stadiona getməyəcək. Turun mərkəzi görüşündə polislər azarkeşləri sözün əsl mənasında qəddarcasına döyür. Səbəb? “Qışqırma, otur aşağı”, “barabanı vurma, başım ağrıyır”, “sal aşağı, indi o bayrağı alıb...” (söhbət Azərbaycan Dövlətinin Bayrağından gedir). Bu nə deməkdi? Futbol başbilənlərimiz bəzən haqsız yerə mətbuatı qınayır ki, guya bizlər futbolu təbliğ etməkdən daha çox qalmaqal yazırıq, azarkeşləri stadionlardan küsdürəcək materiallara yer veririk.
Bəs buna nədir sözünüz? Bu gün 13-14 yaşlı hansısa yeniyetmə futbolsevər 10-15 polisin bir azarkeşi döyməsini görəndən sonra stadiona gedər? İnanın ki, getməyəcək. Bugün Azərbaycan futbolunda, xüsusilə də paytaxtda ən böyük problemlərindən biri məhz azarkeşlərlə bağlıdır. Biz çalışmalıyıq necə edək ki, azarkeşləri stadiona cəlb edək. Amma təəssüf ki, əksini edirik və onları stadiondan qaçırdırıq.
Polis tərəfindən döyülənlər “Neftçi” azarkeşləridir. Başda Ceyhun Əzizli olmaqla, döyülənlərin hansı vəziyyətdə olması videogörüntülərdən aşkar görünür. Hətta bir azarkeşə o dərəcədə fiziki təzyiq göstərilib ki, onun əynindəki pencək ortadan ikiyə bölünüb. Axı, bu insanlar qanunsuz mitinqə getməyib, davaya gəlməyib, təxribatla, qiyamla məşğul deyillər. Onların tək “günah”ı futbol xəstəsi olmalarıdır? Hansı ki, bu cür “xəstələr”ə böyük ehtiyacımız var. Əgər polis onları bu günə qoyursa, biz boş stadionlarımızı necə dolduracağıq?
Düzü, mən o polislərin hansı yolla işə qəbul olunduğunu bilmirəm, bunu özləri və onları işə götürənlər daha yaxşı bilər. Ancaq fakt odur ki, həmin polislərin nəinki futboldan, ümumiyyətlə, daşıdıqları vəzifənin mahiyyətindən belə xəbərləri yoxdur. Təbii, işini, vəzifəsini kifayət qədər bilən, azarkeşə, mediaya qarşı yetərincə qaydalar çərçivəsində davranan polislərimiz də var. Amma stadionla mitinqi, klubun bayrağını, futbola aid şüarları siyasi şüarlarla, bayraqlarla səhv salan polisləri nəzərdə tuturam. Bir polis ki, ölkəsinin bayrağı haqqında “o bayrağı alıb...” deyirsə, həmin şəxsin, ümumiyyətlə, polis orqanlarında çalışmağa nə hüquqi, nə də mənəvi haqqı çatır.
Düşünürəm ki, artıq həm klub rəhbərləri, həm Peşəkar Futbol Liqası, (PFL) həm də AFFA rəhbərliyi məsələyə ciddi münasibət ortaya qoymalıdır. Azarkeş stadiona futbola baxmağa, doğma komandasına, ümumilikdə futbola dəstək olmağa gəlir, döyülməyə, polis dubinkasına qonaq olmağa yox. Azarkeşi qazanmaq üçün yollar aramaqdan, olan-qalanı da “polislərimiz” sayəsində itiririk. Cənubi Kiprdə azarkeşlər Kipr polsinin gözü önündə Azərbaycan, Türkiyə bayraqlarını yandırırlar, amma bizim polislər Qarabağa dəstək üçün hazırlanmış plakatı belə qaldırmağa imkan vermirlər.
Bir təklif də irəli sürmək istəyirəm ki, artıq stadionlara xüsusi təlim, seminar keçmiş polislər cəlb olunsun. Avropa futbolunu izləyirik. Orada oyunlarda asayişi qoruyan polislərin hamısı xüsusi seminarlarda iştirak edirlər, maarifləndirilib stadionlara cəlb olunurlar. Bundan başqa, azarkeşlərlə necə davranmağı, hansı anda hansı addımı atmağı çox gözəl bilirlər. Polis yalnız o anda hadisələrə müdaxilə edir ki, artıq asarkeşlər azğınlaşırlar, stadiona daxil olmaq, tribunalararası səddləri dağıtmaq istəyirlər, kresloları sındırıb stadiona atırlar. Hətta bu zaman da belə Avropa polisi birbaşa dəyənəyi işə salmır, fanatlara 2-3 dəfə xəbərdarlıq edir. Halbuki bizim azarkeşlik üstündə döyülənlərdən fərqli olaraq, onlar sözün əsl mənasında xuliqanlıq edirlər. Mən belə baxıram ki, Avropada bəzi azarkeşlərin etdiklərini bizim azarkeşlər etsə, o zaman bizim polislər onları “kalaşnikov”a düzər.
Yekun olaraq, bir daha demək istəyirəm, polislərlə təcili iş aparılmalı, onlar futbolla bağlı təlimatlandırılmalı, seminarlara cəlb olunmalıdır. Polis stadiona asayişi qorumağa gəlir, azarkeş döyməyə yox. Təbii, xuliqanlıq, özbaşınalıq edən varsa, buna qarşı tədbir görülməlidir. Yoxsa, “barabanı vurma, başım ağrıyır” deyən polisin stadionda nə işi var?
Anar XANLAROV
"Real"dan qələbə
Şahruddinin komandası "Qalatasaray"a uduzdu
"Əl-Hilal" ardıcıl 21-ci qələbəsini qazandı
"Mingəçevir" 3 xalı bu cür qazandı - Video
"Liverpul" 48 saat ərzində yeni baş məşqçisini açıqlayacaq
Hidayət Heydərov 4-cü dəfə Avropa çempionu oldu
Şamaxıda vurulan baxımlı qollar - Video
PSJ hücumçusunu satdı
"Şamaxı" və "Mingəçevir"dən qələbə
Azərbaycan U-18 millisinin heyəti açıqlandı
İspaniya futbolunun yeni rəhbəri müəyyənləşdi
“Barselona” De Yonqu satacaq
Finalın nominal meydan sahibi və başlanma saatı bilindi
Azərbaycan millisinin üzvü Macarıstanda bürünc medal qazandı
Aksel Vitsellə müqavilə uzadılır
“Ağdaş”ın baş məşqçisinə 5 oyunluq cəza
AFFA İntizam Komitəsi qərarları açıqladı
AFFA "Neftçi"nin şikayətini təmin etmədi
De Brüynedən baxımlı qol - Video
Mahir Emrelidən Azərbaycan cüdoçularına dəstək
"Karvan" səfərdə 4 qol vurdu - Video
Azərbaycan idmançısından Portuqaliyada üçüncü medal
“Mançester Siti” darmadağınla ikinci pillədə
Azərbaycan millisindən 2 bürünc medal - Avropa çempionatı
Musa Qurbanlının komandası yenə uduzdu
PSJ prezidenti: "Super Liqa mənim üçün mövcud deyil"
Muslera milli karyerasını başa vurdu
Azərbaycan boksçusundan bürünc medal - Avropa çempionatı
Şahmat üzrə Azərbaycan çempionu bəlli oldu
“Sabah” bölgələrdə seçimlərə başlayacaq
Futzal üzrə Azərbaycan kubokunda finalçılar müəyyənləşdi
Azərbaycan cüdoçusu Avropa çempionatının finalında uduzdu
"Sabah" Gənclər Liqasının qalibi oldu
"Karvan" və "İmişli"dən qələbə, lider xal itirdi
Azərbaycanın U-17 millisi Özbəkistana uduzdu
Əliyar Ağayev Fatih Terimin komandasının oyununda
Xavi qərarını niyə dəyişdi?
La Liqanın bəzi oyunları ABŞ-da keçiriləcək
PSJ-nin prezidenti "Qarabağ"ı təbrik etdi - Video, Şəkillər
İstanbul derbisinin hakimi bilindi
Hakimi təhqir etdiyi üçün cəzalandırıldı
"Qəbələ"nin futbolçusu əməliyyat olundu