Jurnalistikada planlaşdırılmış və planlaşdırılmamış yazılar olur. Planlaşdırılmış yazı odur ki, hansısa bir mövzu haqqında bir müddət düşünürsən, mövzunun məğzi olacaq hadisələrin gedişatını izləyirsən, materail toplayırsan və yekunda yazını yazırsan. Planlaşdırılmamış yazı isə, adından göründüyü kimi, ani təfəkkürün məhsuludur. Mənim bugünkü yazım da planlaşdırılmamış yazıdır.
“Rəvan”ın baş məşqçisi Cavad Gülərin istefaya göndərilməsini gözləmirdim. Hətta bu xəbəri eşidəndə çaşıb qaldım. Gülər işdən çıxarılmazdan cəmi iki gün bundan qabaq mənə “Rəvan”dakı gələcək fəaliyyətini, görəcəyi işləri, klubun strategiyasını anladırdı. Hətta hər sözünün sonunda “bir az zamana ehtiyacımız var, hər şey yaxşı olacaq” fikrini də işlədirdi. Gülərlə müsahibənin ertəsi, “Qarabağ”la oyundan bir gün əvvəl klubun vitse-prezidenti Bəhruz Şirəliyevdən götürdüyüm müsahibədə də istefa mövzusunun qoxusu belə gəlmirdi. Hətta klub rəsmisi bununla bağlı ünvanladığım suala “3-4 oyuna görə baş məşqçini istefaya göndərməzlər” cavabını vermişdi.
Amma klub rəhbərliyinin verdiyi sözlə attıdığı addım arasında çox böyük ziddiyyət var...
Açığı, zaman-zaman məhz bu cür halları əsas tutaraq klublarımızı qeyri-peşəkarlıqda günahlandırıq. Başqa həmkarlarımın necə düşündüyünü bilmirəm, şəxsən mənim üçün bu, anormal qərardı. Səbəbini izah edim.
Bəli, Bəhruz bəyin cümə günü verdiyi açıqlama ilə tamamilə razıyam, 3-4 oyuna görə məşqçini istefaya göndərməzlər. Elədirsə, hansı məntiqlə məşqçi işdən çıxarılır? Səbəb kimi komandanın ilk dörd turdakı çıxışı göstərilir. Mən özüm də turun şərhi ilə bağlı yazımda “Rəvan”ın dörd tura üç xal yığmasını, üç qol vurub beş qol buraxmasını müsbət qarşılamamışdım. Amma bu, baş məşqçinin istefaya göndərilməsinə səbəb ola bilməz. Səbəb budursa, kökündən yalnış və gülüncdür. Nəzərə alaq ki, “Rəvan” çempionluğa oynayan “Xəzər Lənkəran”, “Bakı” və “Qarabağ” kimi komandalardan xal almağı bacarıb. Özü də ilk iki komanda ilə oyunda hesabı açan tərəf olmuşdu. Bu gün hansı məntiqlə baş məşqçiyə “sən “Xəzər Lənkəran”, “Bakı”, “Qarabağ”ı udmalıydın, bunu bacarmadınsa getməlisən” demək olar?
“Rəvan” rəhbərliyi iddialı açıqlama verə bilər, komandanın ilk “altılığ”a düşməsi tələb oluna bilər, ancaq gəlin, reallığı da nəzərə alaq. “Rəvan” bu gün büdcəsinə, şəraitinə, heyətindəki futbolçuların səviyyəsinə görə, yuxarıda adları çəkilən hər üç komandadan zəifdir. Ancaq bununla belə Gülər həmin komandalara uduzmadı. Yalnız AZAL-la oyunu istisna etmək olar ki, arada bu cür matçların olması təbiidir.
Nə isə. Nə vaxta qədər ki, futbola yanaşmamız dəyişməyəcək, inkişafa nail olmağımız da mümkünsüzdür.
Sonda Bəhmən Həsənov haqda da fikir bildirmək istəyirəm. Məncə, Bəhmən bəy özünə hörmət qoyursa, artıq o postda işləməməlidir. Necə ki, “Kəpəz” Fuad İsmayılovdan istifadə edir, o cür də “Rəvan” Bəhmən Həsənovdan istifadə edir. Hətta mən buna ələ salmaq da deyərdim. Bəhmən Həsənov artıq üçüncü dəfədir ki, istefaya göndərilir və sonradan yenidən klubun başına gətirilir. Əgər Həsənov zəif məşqçidirsə, niyə hər dəfə boş qalmış posta o təyin edilir? Yox, əgər güclü məşqçidirsə, o zaman niyə daha öncə iki dəfə istefaya göndərilib?
Anar XANLAROV
Yurgen Kloppu Arne Slot əvəzləyə bilər
"Ola bilər ki, həvəssizlik olsun" - Qurban Qurbanov
"Qarabağ" - "Neftçi" oyunundakı 5 qol - Video
Azərbaycan kubokunda finalçılar müəyyənləşdi
"Qəbələ"də 300-cü oyun
"Təəssüf ki, vəziyyətimiz çox üzücüdür" - Kaxaber Sxadadze
"Zirə"ni finala yüksəldən qələbə - Video
"Qarabağ" - "Neftçi": Heyətlər
Jiru ABŞ klubu ilə müqavilə imzaladı
“Qarabağ”ın direktorundan Zubirlə bağlı xəbərlərə münasibət
Region Liqasının final oyununun yeri və saatı bilindi
Haaland növbəti oyunu buraxacaq
"Çelsi" tarixinin antirekordu
“Qəbələ” - “Zirə”: Heyətlər
Şirkətlər Liqasında növbəti tur başa çatdı
Zubir Liqa 1 klubunun hədəfində
Kapitan 15 il sonra komandadan ayrılır
Bəlkə, "Bayer 04" adını dəyişib "Bayer 90+" qoysun...
"Sabah"ın oyununa bilet al, "İphone-15" qazan!
Mbappe "Real" üçün 130 milyon avrodan keçməyə hazırdır
Azərbaycan çempionatında növbəti finalçı müəyyənləşdi
"Yurqorden" Musa ilə yolları ayıracağının anonsunu verdi
"Neftçi"nin iki futbolçusu "Qarabağ"la oyunu buraxacaq
Legioner rüsumu 50 min manat olsa...
Karlos Teves xəstəxanaya yerləşdirildi
Bir gündə beş boksçumuzun beşi də uduzdu - Avropa çempionatı
Kubokun cavab oyunlarına hakim təyinatları açıqlandı
Premyer Liqa klubunun futbolçuları saxlanıldılar
Arda Güler "Real"dan ayrılmaq istəmir
İtaliya kubokunda ilk finalçı bilindi
"Arsenal" "Çelsi"ni 5 cavabsız qolla məğlub etdi