Cihan Özkara, Aleksandr Çertoqanov, Ufuk Budak, Əli Gökdəmir, Branimir Subaşiç... Bir dəqiqə, bu hansı komandanın heyətidir? Yanlış heyətə baxıram, yoxsa...Yaponiya - Azərbaycan 2:0, Azərbaycan: ... Cihan Özkara, Aleksandr Çertoqanov, Ufuk Budak, Əli Gökdəmir, Branimir Subaşiç...
Yox, qətiyyən səhv eləmirəm, hətta əmin olmaq üçün AFFA-nın rəsmi saytına da baxdım, bu ki, bizim millinin heyətidir. Bəlkə Azərbaycanda yeni ad soyadlara keçilib, mənim xəbərim yoxdur...
Vallah, adam bilmir artıq nə yazsın. Hə, yaponlara da uduzduq. Özü də bərbad oyunla (bizim onsuz bütün oyunlarımız bərbaddı). Nolsun? Burda yeni nəsə var? Nə qədər eyni şeydən yazmaq olar? Daha bu millinin formasını geyinən top qovanlara deyilməyən söz qalmayıb, artıq az qala söz ehtiyatımız da qurtarıb, Azərbaycan leksikonunda işlənməyən söz qalmayıb, axı, nə deyək? Onsuz da heç nə dəyişmir, heç nə düzəlmir. Yenə milli komanda ən super şəraitdə bəslənilir, amma nəticə yoxdur. Bu küçə futbolunun sonu olacaq, ya yox?
Bəli, məhz küçə futbolu. Uşaqlıqda hamımız küçələrdə top qovmuşuq. Onda necə oynayırdıq? Taktika yox, bir şey yox, hamı bir nəfər kimi qabağa qaçır, arxaya da kefi istəyən qayıdır, kefi istəyən yox. Belə deyək, anarxiyalı, başıpozuq oynanılan futbol. Bax, bizim milli də bu cür futbol oynadığından mənim üçün küçə futbolundan fərqlənmir. Yaponlar bizi sözün əsl mənasında ələ saldılar. Buraxılan hər iki qolu gördünüz. Peşəkar komanda, peşəkar futbolçu o cür səhv edər? İlk qolda Kaqava müdafiə xəttimizi “sürüdü”. İkinci qolda isə yaponlar bizi elə çaş-baş saldı ki, qolu özümüz öz qapımıza vurduq. Hələ qaçırılan çoxsaylı imkanları demirəm. Hələ bu adi yoxlama görüşüdür, Yaponiya ikinci qoldan sonra arxayınlaşdı, bizimkilərə oynamaq imkanı verdi. Sabah Portuqaliya, Rusiya kimi millilər bizə bu imkanı verməyəcək. Bəsdirin də, ayıbdır axı.
Bu cür şərait yaradıblar sizə heç olmasa, bundan utanın da (əgər üzünüz varsa). Bəli, Yaponiya bizdən güclüdür, bizdən səviyyəli futbolçulardan təşkil olunub, ən azı Hindistan, Sinqapur deyil. Baxmayaraq ki, biz heç Sinqapura qarşı da bir qələt edə bilmədik. Amma heç olmasa, çıxıb “vuruşmaq” lazımdır axı.
Foqts deyir ki, hədəfimiz AÇ-2016-ya yollanmaqdır. Deyirəm, bu kişi də ya yaşlaşdıqca sayaqlayır, ya da bizi ələ salır. Ay Foqts, sənin bu komandan bu oyunla AÇ-2016-ya ancaq və ancaq turist kimi yollana bilər.
Yazının girişindəki futbolçuların adlarını da elə-belə, havadan yazmadım. Mən başa düşmürəm, bu, Azərbaycan millisidir, yoxsa, muzdlulardan təşkil olunmuş legionerlər millisi. Görəsən, Foqts Subaşiçin “Xəzər Lənkəran”ın heyətində sonuncu dəfə nə vaxt qol vurduğunu xatırlayır? Yaxud, kimdir Ufuq Budak, Cihan Özkaya, Əli Gökdəmir? Burada Türkiyə millisinin filialını açmışıq? Bu futbolçular azərbaycanlı futbolçulardan nə ilə fərqləndilər? Əgər əlahiddə bir oyun ortaya qoydularsa, deyin, mən də bilim. Bu gedişlə hara gedirik, bu futbolçuları milliyə kim dəvət edir, onların məqsədi nədir? Aşağı yaş qruplarından ibarət milliləri Dağıstan millisinə dönəriblər. Əsas milli də yavaş-yavaş türklərin əlinə keçir. Bir tərəfdən də məsəl var, yeməyənin malını yeyərlər. Nə qədər ki, bizim futbolçular qəyiyyətsizlik, səriştəsizlik, qeyri-peşəkarlıq, qorxaqlıq nümayiş etdirib evin içində 5 manata oynayacaqlar və içlərində Avropaya getmək, daha səviyyəli futbol oynamaq istəyi olmayacaq, hələ biz çox Cihanları, Ufuqları, Gökdəmirləri, Aleksandrları, Subaşiçləri milli formada görəcəyik.
Anar XANLAROV
"Sabah"ın "Neftçi" üzərində qələbəsindən - Video
“Müdafiəmiz fərdi olaraq çox bərbaddır” - Samir Abasov
Kubokda yarımfinalın ilk oyununda sevinən onlar oldular
"Araz-Naxçıvan" "Qarabağ"a belə qalib gəldi - Video
Elmar Baxşıyev: “Bunun açıqlamasını vermək fikrində deyiləm”
Qurban Qurbanov planşeti niyə qırdı? - Özü danışdı
Adnan Əhmədzadədən Messiyə bahalı hədiyyə - Video
2-ci liqada 19-cu tura yekun vuruldu
"Neftçi" - "Sabah": Heyətlər
Rüdiger Ardanın vacib qol ötürməsi haqda
"Araz-Naxçıvan" - "Qarabağ": Heyətlər
Misli Premyer Liqasında ayın ən gözəl 5 qolu - Video
Slot: "Bizi 9 final oyunu gözləyir"
Türkiyə klubundan Avropa rekordu
Don Karlo məhkəmə qarşısında
"Tottenhem"də yeni müqavilə
Amorim: "Qalib gəlməli olduğumuz oyunda 3 xal itirdik"
“Bayer”in sensasiyalı məğlubiyyətinə Xabi Alonsonun şərhi
Premyer Liqanın ən sürətli futbolçuları - Siyahı
Bellinqem son nöqtəni qoydu
“Qarabağ”ın daha bir nümayəndəsi Avropa Klublar Birliyində
1 qolla tarixə düşdü
ETOPAZ-da 167 min manatlıq rekord uduş!
115-ci dəqiqə qolu, 4:4 hesabı və "Real" finalda - Video
Fransa millisinin sabiq üzvü İran klubunda - Rəsmi
"Arsenal" qalib gəldi, "Mançester Yunayted" uduzdu
Terimin komandası mübarizəni dayandırdı
"Barselona" onun yerinə 4 futbolçunu nəzərdən keçirir
"Brayton"da yeni transfer
"Şahdağ Qusar" son dəqiqə qolu ilə qələbə qazandı - Video
"Pedri və Yamalın səviyyəsi tamamilə fərqlidir"
3 qol vuruldu, "Şəmkir" qalib gəldi - Video
Səudiyyə Ərəbistanında Salahın transferinə inanırlar
İngiltərəyə mümkün qayıdışından danışdı
2-ci Liqada 19-cu tura start verildi
Millimizin rəqibindən danışdı: “Nəticə dəhşətlidir”
"Növbəti 10-15 il ərzində "Real"da oynayacağam"
AFFA-nın baş katibi "Barselona"nın nümayəndələri ilə görüşdü
Azərbaycanın klubunda yeni baş məşqçi
Zədələnən Haalandın durumu açıqlandı