15.09.26
Misli Premyer Liqasında 2026/27 mövsümünün ilk turu çərçivəsində "Araz-Naxçıvan" "İmişli" ilə heç-heçəyə (0:0) razılaşıb.
QOL.az xəbər verir ki, Naxçıvan təmsilçisinin baş məşqçisi Cavid Hüseynov oyundan sonra keçirilən mətbuat konfransında oyun barədə fikirlərini bölüşüb və və jurnalistlərin suallarını cavablayıb.
"Yeni mövsümün başlaması münasibətilə bütün futbol ictimaiyyətini təbrik edirəm. Bilirdik ki, bu gün bizi çox çətin oyun gözləyir. Hazırlıq prosesində bir az gecikməmiz oldu, cəmi 5 həftə məşq edə bildik. Ümumilikdə futbolçuların meydanda göstərdiyi mübarizədən razıyam. Lakin başa düşürük ki, potensialımız bundan daha çoxdur. Məşqlərdə daha da yaxşı çalışıb, qarşıdakı oyunlarda qələbələr qazanmaq istəyirik".
- Qarşıda ard-arda "Neftçi", "Sabah" və "Qarabağ"la oyunlar gəlir. Komanda bu ağır matçlara hazırdırmı?
- Bəli, bizi qarşıda çox çətin oyunlar gözləyir. İnanıram ki, builki çempionat daha maraqlı və gərgin olacaq. Biz bütün rəqiblərə qarşı eyni qaydada, ciddi şəkildə hazırlaşacağıq. Çalışacağıq ki, həmin matçlarda da yaxşı nəticələr qazanaq.
- Əvvəlki iş yerinizdə rəhbərliklə müəyyən problemlər yaşamışdınız. "Araz-Naxçıvan"da rəhbərliyin dəstəyini kifayət qədər hiss edirsiniz?
- Fürsətdən istifadə edib klub rəhbərliyinə təşəkkür etmək istəyirəm. Mənə həqiqətən çox böyük dəstək olurlar. Gördüyünüz kimi, istədiyimiz futbolçuları da komandaya cəlb ediblər.
- Mamadu Kane oynamağa tam hazırdır?
- Komandaya ən son qoşulan futbolçulardan biri məhz Kanedir. Ona görə də onunla bağlı çox risk etmək istəmirik. Yenidən optimal formaya gəlməsi üçün hələ bir qədər vaxt lazımdır. Fiziki durumunu tam bərpa etdikdən sonra onu da meydanda görəcəyik.
“Kəpəz” bəyanat yaydı
Həyat yoldaşı vəfat etdi
Messidən sonra Argentina millisi ilk oyunlarına hazırlaşır
Ronaldonun klubu ağır məğlubiyyətlə üzləşdi
AFFA-da yeni təyinatlar
Mahir oynadı, komandası uduzdu
Mundiala aparılmadı, millidən getmək qərarı verdi
Azarkeş “Barselona”nın futbolçusuna hücum etdi
Zidan Deşamın çağırmadığı futbolçulara şans verir
Derbidəki VAR qərarı hakimlərə baha başa gəldi
Keyndən “Qızıl top”la bağlı qərar
"Azarkeş amili “Kəpəz”in ən güclü tərəfidir"
İkardinin “Latsio”ya transferi təxirə düşdü
"Heç kimdən üzr istəməyəcəyəm"
Ronaldo “Əl-Nəsr”i almağa hazırlaşır?
Misli.az-da "Sürətlə Yeni Mövsümə" kampaniyası başladı!
“Bayer”dən Benzema açıqlaması
La Liqanı Premyer Liqa ilə müqayisə etdi
Simon Banza Yunanıstan klubuna keçdi
