18:41
“Onlar pul üçün, biz komanda ruhu ilə oynayırdıq”.
QOL.az xəbər verir ki, bunu “Trend”ə açıqlamasında Azərbaycanlı qrossmeyster Aydın Süleymanlı bildirib.
Honkonqda keçirilən şahmat üzrə partiya rapid və blits üzrə komandalararası dünya çempionatı çərçivəsindəki oyunlarda Azərbaycanlı qrossmeyster Aydın Süleymanlı şahmat üzrə 16-cı dünya çempionu, dünya reytinqinin lideri Maqnus Karlsenə qalib gəlib.
Maqnus Karlsen kimi dünya şahmatının ən böyük adlarından birini məğlub edən Aydın Süleymanlı bildirib ki, Maqnus Karlsen ən yaxşı şahmatçılardan sayılır və belə vacib bir matçda ona qalib gəlmək yaxşı nəticədir:
“Bu, komanda yarışı idi və bizim oyunumuz davam edən zamanı hesab 2.5 - 2.5 idi. Həmin an bilirdim ki, qalib gəlsəm bu, çox böyük, unudulmaz an ola bilər. Çünki komanda artıq mənim sayəmdə qazanmış olacaqdı. Ona görə motivasiyalı oldum. Nəticədə “WR Chess” komandasına 3.5 – 2.5 hesabı ilə qalib gəldik”.
Gənc şahmatçı qeyd edib ki, bu qələbəni karyerasının ən böyük yox, unudulmaz uğuru adlandırmaq olar. O, son illər dünya şahmatında gənc qrossmeysterlərin liderlərə qarşı daha cəsarətli çıxış etməsinin səbəbini onlayn şahmat oyunları ilə əlaqələndirib:
“Əvvəlllər gənclər güclü şahmatçılarla çox qarşılaşmırdı. Qarşılaşanda da təcrübə az olduğu üçün həyəcanlanırdı. İndi isə onlayn şahmatda istədiyin vaxt güclü şahmatçı ilə oynaya bilərsən. Bu, artıq adi hala çevrilib. Belə olanda təcrübə və daha yaxşı nəticə əldə etmək olur”.
Aydın Süleymanlının fikrincə, “WR Chess” kimi Karlsen, Karuana, Uesli So və Maksim Vaşye-Laqravın yer aldığı ulduzlarla zəngin komandaya qarşı qələbənin sirri komanda ruhundadır:
“Bizim rəqiblərimiz dünyanın ən güclü şahmatçıları idi. Amma onları bir araya toplayan yeganə səbəb pul idi. Biz isə komanda olaraq bir-birimizlə yaxınıq, dostuq və komanda ruhu yüksəkdir. Bunun hesabına qalib gəldiyimizi düşünürəm”.
Argentina millisi Avstriyaya qalib gəldi - Yenilənib
FİFA hakimləri aşağı liqaya göndərildi
Cənubi Koreya yığmasından radikal qərar
Messi dünya çempionatları tarixinin ən yaxşı bombardiri oldu
Demiçelis bu klubu çalışdıracaq
"İmişli" yeni hücumçu transfer etdi
“Zirə”nin “Torpedo” ilə oyunları: harada və nə vaxt?
“Sabah” - TNS oyunlarının vaxtı açıqlandı
“Qarabağ”ın Avroliqadakı oyunlarının vaxtı müəyyənləşdi
Gənc ulduzun uğur tilsimi davam edir
İtaliya Futbol Federasiyasının yeni prezidenti bəlli oldu
Argentina - Avstriya matçının heyətləri açıqlandı
"Mançester Yunayted" yeni stadion tikir
Dünya Çempionatı 2026
Xəbərlər
Təqvim
Cədvəl