12:57
“Neftçi” və Azərbaycan üçün çox darıxıram. Həyatımın ən gözəl illərini orada keçirmişəm, o ölkədə çox yaxşı dostlarım var”.
Bu sözləri QOL.az-a açıqlamasında “Neftçi”nin keçmiş futbolçusu Flavinyo deyib.
2010-2015-ci illərdə “Neftçi”də çıxış edən, komandanın liderlərindən olmuş braziliyalı yarımmüdafiəçi hazırda ölkəsində məşqçi kimi fəaliyyət göstərir:
“Heç vaxt futboldan kənarda qalmamışam. Öz futbol məktəbim var. Özüm də məşqçilik edirəm. 20 yaşa qədər futbolçulardan ibarət komandaların məşqçisiyəm”.
Karyerasının ən parlaq dövrünü “Neftçi”də keçirən veteran futbolçu klubun sabiq rəhbərliyinin ona qarşı biganə davrandığını bildirib: “Təəssüf ki, komandadan ayrıldıqdan sonrakı illərdə “Neftçi” klubunun rəhbərliyi məni yada salmadı. Komandaya kömək etmək üçün dəfələrlə cəhd etdim, amma “Neftçi” mənə qapılarını açmadı".
Flavinyo bir gün yenidən “Neftçi”də olmaq, komandaya kömək etmək istədiyini də vurğulayıb: “Azərbaycanda çox dostum var. Doğrudan da ölkəniz üçün çox darıxıram. Bir gün qayıdıb “Neftçi”də işləmək və komandaya kömək etmək istəyirəm".
Flavinyo Yuri Vernidubun “Neftçi”yə gəlişindən sonra komandanın uğurlu çıxışlarından xəbərsizdir: “Düzünü desəm, son aylarda “Neftçi”nin oyunlarının necə keçdiyini bilmirəm. Bizim vaxtımızda futbolçuların həm istedadı, həm də böyük qələbə istəyi var idi. Bilirdik ki, klub üçün titullar qazanmaq və avrokuboklarda oynamaq çox vacibdir. Buna görə də bir neçə il bunu yaşadıq".
Flavinyo mərhum baş məşqçisi Böyükağa Hacıyevi də yada salıb. Onun komandanın ovaxtkı uğurlarında böyük payı olduğunu qeyd edib: “O, böyük məşqçi idi. Dünyasını dəyişdiyinə görə çox üzülmüşdüm. Mənə oğlu kimi yanaşırdı. Kapitan olduğum üçün həmişə məni otağına çağırırdı. Başqa oyunçuların bütün xırda səhvlərinə görə çağırıb məni danlayırdı (gülür). Amma bunların hamısı böyük sevgi və qayğı ilə edilirdi. Elə buna görə də komandamız çox uğurlu idi. Bütün kollektivimizdə birlik olduğunu hər kəs görürdü. Oyunlarımızda da bunu hiss edirdik. Bizi güclü edən həm də bunlar idi”.
Ramiq Ağaməmmədov
"Zirə"nin 100-cü sülhü
"Beşiktaş" uduzdu
"Napoli"nin məğlubiyyətsizlik seriyası sona çatdı
“Sumqayıt”ın qələbəsindən - Video
"Mançester Siti" "Arsenal"ı məğlub etdi
"Bavariya" Almaniya çempionu oldu
Superliqaya ilk onlar vəsiqə qazandılar
"İmişli" "Kəpəz"i belə məğlub etdi - Video
Ronaldonun komandası yarımfinala yüksəldi
"İmişli" "Kəpəz"ə, "Sumqayıt" "Qəbələ"yə qalib gəldi
Qoldan sonra qapıçı zədələndi, xərəkdə aparıldı - Şəkil
"Liverpul" Mersisayd derbisindən qalib ayrıldı
"Bu qələbəni Mozesə həsr edirik" - Jorj Kaşkilya
“Turan” voleybol komandası Azərbaycan çempionu oldu - Video
“35 minlik stadionumuza 40 min azarkeş gəlirdi”
"Büdcə fərqi öz sözünü deyir" - Azər Bağırov
"Barselona"nın futbolçusu yeni müqavilə təklifini rədd etdi
İkardi yeni rekorda imza atdı
2-ci liqada 6 oyunun hakimləri açıqlandı
"Sumqayıt" - "Qəbələ": Heyətlər
“Neftçi”dən “Qarabağ”la oyunla bağlı xəbərdarlıq
Millinin üzvlərinə xatirə hədiyyəsi təqdim olundu
Coy-Lens Mikelsin üz sümüyü qırılıb
Olimpiya çempionumuz o qarşılaşmaya buraxılmadı
"Kəpəz" - "İmişli" : Heyətlər açıqlandı
Jurnalistlə Mourinyo arasında maraqlı dialoq - Video
"Atletiko" azarkeşlərinə müraciət etdi
Robinyonun oğlu ilə müqavilə uzadıldı
Nəriman ABŞ-da növbəti oyuna çıxdı
Almaniya millisində şok itki - DÇ-2026-nı buraxacaq
Messi dubl etdi
"Qalatasaray"ın qələbəsi - Video
Kişi komandasında ilk qadın baş məşqçi debüt etdi
