19:27
Almatının “Kayrat” klubunun baş məşqçisi Rafael Urazbaxtin UEFA Çempionlar Liqasında debüt matçları ilə bağlı gözləntilərini bölüşüb.
QOL.az xəbər verir ki, sentyabrın 18-də Almatı təmsilçisi Lissabonda tarixi oyuna çıxacaqlar. Klub ilk dəfə olaraq Avropanın əsas turnirinin qrup mərhələsində iştirak edəcək. Rəqib son Portuqaliya çempionu “Sportinq”dir.
Urazbaxtin keçirdiyi mətbuat konfransında vurğulayıb ki, komanda motivasiyalıdır və sadəcə statist rolu ilə kifayətlənmək niyyətində deyil: “Sportinq’lə oyuna gəlincə, bizim üçün çox həyəcanlıdır. Biz ilk dəfədir Çempionlar Liqasının qrup mərhələsində iştirak edirik. Bu mərhələdə bütün komandalar yüksək səviyyədədir. Bu, həm özümüzü göstərmək, həm də tanınmış rəqib qarşısında gücümüzü sınamaq imkanıdır. ‘Sportinq’lə oyun bizim nə dərəcədə hazır olduğumuzu göstərəcək. Matçı böyük səbirsizliklə gözləyirik”.
Urazbaxtin Avropada “Kayrat”a skeptik (inamsız) yanaşıldığını da xüsusi vurğulayıb:
“Hər yerdə yazırlar ki, Çempionlar Liqasında biz xal verən donor komanda olacağıq.. Təbii ki, bu, bizi incidir. Biz bunun əksini sübut etmək və belə səviyyədə oynamağa layiq olduğumuzu göstərmək istəyirik. Onsuz da Çempionlar Liqasına düşmək bizim üçün böyük hadisədir. Təzyiq hiss etmirik, meydana çıxıb ən yaxşı keyfiyyətlərimizi nümayiş etdirəcəyik. Dünən ‘Qarabağ’ın ‘Benfika’ya qalib gəlməsi sübut etdi ki, adlar oynamır, meydana canlı insanlar çıxır. Biz də ‘Sportinq’lə oyunda bütün gücümüzü ortaya qoyacağıq”.
Qeyd edək ki, “Sportinq” - “Kayrat” matçı bu gün Bakı vaxtı ilə saat 23:00-da başlanacaq.
Hakimi "Real"a keçir?
Depay 1 ay oynamayacaq
Matçları qanunsuz izləyənlər cərimələnəcək
Uğursuz çıxış etdi, baş məşqçidən xəbərdarlıq aldı
"Qızıl top" namizədləri: Yamal, Keyn...
PSJ-nin oyunu təxirə salınır?
"Keçmişdəki uğursuzluqları düşünməyə ehtiyac yoxdur"
"Borussiya" idman direktorunu göndərdi
İngiltərədə Superkubok matçının yeri dəyişdirildi
Flik ayın məşqçisi seçildi
Ben Uayt İngiltərə millisində
Osimhen əməliyyat olundu
"Marsel" klubu prezidenti ilə yollarını ayırdı
Qvardiola qələbəni qızı ilə qeyd etdi - Video
Tudoru o əvəzləyə bilər
Siyasət Əsgərov Türkiyə klubunun düşərgəsində
