04.07.25
“Neftçi”nin yarımmüdafiəçisi Emin Mahmudovun Azərbaycan kubokunun yarımfinalında “Sabah”a 1:2 hesabı ilə uduzduqları matçdan sonra jurnalistlərin suallarını cavablandırıb.
QOL.az saytının əməkdaşının da iştirak etdiyi müsahibəni təqdim edirik:
- Qarşılaşma ilə bağlı nə deyə bilərsiniz?
- Oyun istədiyimiz kimi alınmadı. Rəqib bizi əks-hücumda yaxşı tuturdu. Düzdür, uduzduq, lakin bu, birinci matç idi. Qarşıda hələ cavab görüşü var. Sona qədər vuruşub yenə geridönüş edəcəyik.
- İlk matçdakı zəif çıxışdan sonra bunu etməyiniz nə dərəcə realdır?
- Bizim bundan da pis oyunlarımız olub. İstər kubokda, istər Avroliqada. Məsələn, Kiprdə “Aris”lə oyunda 0:2 hesabı ilə uduzmuşduq. Halbuki həmin matçda rəqib 10 qol vurmalı idi. Buna baxmayaraq, ikinci görüşdə 3:0 hesablı qələbə qazandıq və mərhələ adladıq. Odur ki, hər şey mümkündür. Azarkeşlərimizə borcluyuq. Çalışacağıq bu məğlubiyyətin əvəzini çıxaq və onlara borcumuzu qaytaraq.
- Ümumiyyətlə, əsas problem nədədir? Belə görünür ki, “Neftçi” hücum planında çox axsayır...
- Hücumlar istədiyimiz kimi alınmadı. Top itkilərinə çox yol verdik. Heç cür öz oyunumuzu göstərə bilmədik. Başa düşürük ki, gedişat yaxşı deyil və bunu dəyişməliyik.
- Fikirlərinizi ümumiləşdirsək, elə çıxır ki, “Neftçi” finaldan əlini üzməyib?
- Əlbəttə. Hesab 1:2-dir. Çalışacağıq ki, vəziyyəti dəyişək və vəsiqənin taleyini xeyrimizə həll edək.
- Zədədən yeni qayıtdığınız üçün ehtiyatda idiniz və sonradan meydana çıxdınız. Cavab oyununa qədər Emin Mahmudov 100 faiz hazır olacaq?
- İnşallah, hazır olacağam. Zədədən sonra komanda ilə birgə cəmi bir məşq keçmişdim, dərhal oyuna çıxdım. Buna görə mənim üçün çətin idi. İnanıram ki, cavab görüşündə daha yaxşı çıxış edəcəyəm.
- “Sabah”ın baş məşqçisi Vasili Berezutski mətbuat konfransında bildirib ki, “həm “Neftçi”, həm də hakimlərə qarşı oynadıq”. Sizcə, o, dediklərində nə dərəcədə haqlıdır?
- Bilmirəm o nə danışıb. Lakin yenidən oyunu izləsə, özü də görər ki, hakimlik nəsə yox idi.
- Ötən mərhələdən sonra 2 oyunluq cəzalandırılan və yarımfinalda komandaya kömək edə bilməyən Bassala Sambunun yoxluğu meydanda hiss olunurdu?
- Sambu gələndən yaxşı çıxış edir. Son turlar da fərqlənir. Əlbəttə, onun oynaması bizim üçün vacib idi. Komandaya faydası dəyərdi. Lakin mən digər hücumçularımıza da inanıram. İnşallah, cavab oyununda onlar da komandaya kömək edərlər.
"Arsenal" Gyökereş üçün 80 milyon ödəməyə hazırdır
"Liverpul" yoxlama oyunu keçirdi
PSJ onunla yeni müqavilə imzalamaq istəyir
"Atalanta" Gürcüstan millisinin hücumçusu ilə maraqlanır
"Biz 3 və ya 4 dəfə Çempionlar Liqasını qazana bilərdik"
Yeni tikilən Gəncə stadionundakı durum - Şəkillər
"Liverpul" futbolçusunu Rodriqo ilə dəyişmək istəyir
"Real"da iki ayrılıq baş verə bilər
"İmişli" daha bir legioneri transfer etdi - Rəsmi
"Neftçi"nin sabiq hücumçusu ərəb klubunda - Rəsmi
“Real”dan “Benfika”ya keçdi
"Qalatasaray"dan 5 qollu qələbə - Video
Firminonun yeni klubu bilindi
"Fənərbaxça" rəhbərliyində daha bir istefa
18 ildən sonra qayıtdı, qol vurdu, zədələndi
40 yaşlı Kasorla ilə müqavilə uzadıldı
"Zirə"nin rəqibi 3-cü oyununda da qalib gəldi
“Qarabağ” Avstriyada: köhnə rəqiblər, uğurlu sınaqlar
Messi ardıcıl 5-ci oyunda dubl etdi
