"Zirə"nin baş məşqçisi Rəşad Sadıqov Misli Premyer Liqasının 16-cı turunda "Kəpəz"ə 4:0 hesabı ilə qalib gəldikləri oyunla bağlı fikirlərini bölüşüb.
QOL.az xəbər verir ki, o, görüşdən sonra təşkil mətbuat konfransında deyib: "Oyun ilk dəqiqələrdən gözlənilən kimi çox gərgin və sərt başladı. Bilirdik ki, "Kəpəz" aqressiv pressinq tətbiq edəcək, üzərimizdə təzyiq yaratmağa çalışacaq. Birinci hissə bizim üçün ağır keçdi. Çoxsaylı mübarizələr, ikinci toplar oldu. Buna baxmayaraq, iki baxımlı qol vurduq və hesabda irəli çıxdıq. Rəqibin ikinci hissədə təslim olmayıb, sona qədər mübarizə aparacağını gözləyirdik. Ona görə ikinci hissənin əvvəlində fərqlənmək bizim üçün vacib idi. Şükürlər olsun ki, bu, bizdə alındı. Hesabın 3:0, 4:0 olmasına baxmayaraq, rəqib dayanmırdı. Azər müəllim çox xarakterli komanda formalaşdırıb. Son turlarda göstərdikləri oyun bizdə narahatlıq yaradırdı. Bilirdik ki, strateji cəhətdən vacib oyundur. Futbolçularımı təbrik edirəm. Çox vacib qələbə qazandıq".
Mütəxəssis qapıçı Tiaqo Silvanın uzun müddət oyuna çıxmamasından danışıb: "Silva çox yaxşı formadadır. Həmişə futbolçularımla dürüstəm. Bizim bir nömrəli qapıçımız Tiaqo Silvadır. Aralarında rəqabət var. Hazırda imkan olsa, qapıda Silva olar. Amma Aydın da özünü yaxşı tərəfdən göstərir. Ona göstərilən etimadı yaxşı yerinə yetirir. Təkcə Tiaqo deyil, bəzi futbolçuları da oynatmaq istəyirik, amma limitə görə oynada bilmirik. Həmişə dediyim kimi, əsas heyətin 17-18 futbolçusu var. İlin əvvəlində seleksiya edərkən nəzərə almışdım ki, yerlərlə bağlı problemlər ola bilər. Onları komandaya güvənərək gətirmişəm.
Baxmayaraq ki, Elçin Əlicanov da uzun müddətdir oynamırdı, amma 2-3 oyundur matça çıxır və inamlı çıxış edir. Hacıağa Hacılı da doğma mövqeyində oynamasa da, özünü yaxşı göstərir. Aydın Bayramov da həmçinin. Bu, futboldur. İşimizi elə qurmalıyıq ki, heyətimizdə 11 dəyişilməz oyunçu olmasın. Fərqli metoddur, bəzi məşqçilər başqa cür edir. Amma mən həmişə şərait yaradıram ki, rəqabət olsun, kim yaxşıdırsa, o da oynasın, kimin durumunda problem varsa, gözləsin. Komandamızda sağlam rəqabət var".
R.Sadıqov qarşıdakı oyunlar haqda da söz açıb: "Qarşıda bizi "Turan Tovuz"la oyun gözləyir. Etibarli və kompakt müdafiə olunan komandadır. Sonra isə "Səbail"lə qarşılaşacağıq. Ona görə qış fasiləsinə qədər vacib oyunlarımız var. Son matçlarda hücum xəttinin daha yaxşı oynadığını düşünmürəm. Eyni oynayırlar, sadəcə digər oyunlarda fürsətlərdən istifadə edə bilmirdik. Elə oyunlarımız olub ki, bundan da çox qol şanslarımız olub, amma dəyərləndirə bilməmişik. Bu gün yeganə fərqimiz bu idi. Ümid edirəm, gələcək turlarda da fürsətlərdən istifadə faizimiz bu cür olar".
O, zədələri futbolçularından da söz açıb: "Qismət Əliyev qışdan sonra oyunlara qayıda biləcək. Rüstəm Əhmədzadə də həmçinin. Məqsəd İsayev növbəti həftədən komanda ilə məşqlərə başlayacaq. Bu gün heyətdə var idi, amma risk edib meydanda buraxmadıq. Sadəcə komandanın yanında olmasını istədik. Zədələr futbolun bir hissəsidir. Biz də bundan zərər çəkirik".
Azərbaycan güləşçisindən bürünc medal - Dünya çempionatı
"Ən yaxşı oyunlarımızdan birini göstərəcəyik" - Kadi
"Benfika"ya qarşı çəkinmədən oynayacağıq" - Qurban Qurbanov
"Şəmkir" 3 xalı 3 qolla qazandı - Video
Dünya çempionu 31 yaşında karyerasını bitirdi
"Şəmkir" 2-ci oyunda da qalib gəldi
"Panatinaikos" Ruy Vitoriyanı istefaya göndərdi
"Benfika"ya qol vuracağımı hiss edirəm" - Leandro Andrade
“Mən sağ və salamatam”
"Qarabağ" və "Neftçi"nin sabiq məşqçisi istefaya göndərildi
1-ci liqada 3-cü turun oyunlarının saatı müəyyənləşdi
Misli Premyer Liqasında 6 oyunun hakimləri açıqlandı
“Benfika”nın baş məşqçisi “Qarabağ”la oyundan danışdı
FİFA-dan yeni qərar
"Qarabağ"la oyunu buraxa bilərlər
"İmişli"nin icraçı direktoru: "Texniki məğlubiyyət alsaq, apellyasiya şikayəti verəcəyik"
"Baş məşqçilik edə biləcəyim yeganə klub "Real"dır"
Levandovski 150-yə çatdı
AFFA rəsmisi UEFA Gənclər Liqasının oyununda
"Kəpəz" 1000-ci oyununa çıxdı
Amorim: "Dəyişmək fikrində deyiləm"
40 yaşında qol vurdu, 64 illik rekordu yenilədi
"Şamaxı" üçün əlamətdar oyun
Salahdan "Liverpul" tarixinin rekordu
“Turan Tovuz”da ilk
Dördüncü uğursuz start
Ronaldo Səudiyyə Ərəbistanında "Qızıl buts"a layiq görüldü
"Liverpul"un son dəqiqə qolu ilə qələbəsindən - Video
DÇ: Azərbaycanın daha 3 güləşçisi mübarizəyə başlayır
“Qarabağ” Lissabondadır - Şəkillər
“Fənərbaxça” “Trabzonspor”u tək qolla üstələdi - Video
Mançester derbisində 3 cavabsız qol - Video
Sərbəst güləşçilərimizdən üç medal - DÇ
Türkiyə millisi Avropa ikincisi oldu
"Şəki Siti"dən 12 qol, "Xankəndi"dən darmadağın
"Neftçi" - "Sabah" matçından - Video
"Oyunun nəticəsi ədalətli idi" - Valdas Dambrauskas
“Neftçi” yenə xal itirdi, “Şamaxı”dan qələbə
"Şamaxı"dan 3 qollu qələbə - Video
"Milyonluq futbolçular da səhv edir" - Azər Həşimov
Qvardiola: “Ən yaxşı məşqçi ser Aleks Ferqyusondur”
"Neftçi" - "Sabah": Heyətlər