"Neftçi"nin baş məşqçisi Miodraq Bojoviç Misli Premyer Liqasının 33-cü turunda "Qarabağ"la oyundan (0:5) sonra mətbuat konfransı keçirib.
- Məyusam, hesab bizi qane edə bilməz. Azarkeşlərdən üzr istəyirəm. Asan şəkildə məğlub olduq. Səhvlərimiz kifayət qədər çox idi. Qırmızı vərəqədən sonra aydın idi ki, böyükhesablı məğlubiyyət olacaq.
- Bu gün azarkeşləriniz də gəlmişdi. Niyə belə hesab oldu?
- Hər oyuna rəqibdən asılı olmayaraq qələbə üçün çıxırıq. Bu gün rəqibimiz "Qarabağ" idi. Onların "Sabah" və "Sumqayıt"la oyunlarına baxdıqdan sonra düşüncələrimiz var idi. Amma haqlısınız. Bu gün azarkeşlər tribunada idilər. Biz isə yox. Oyunu təhlil etdikdən sonra dərs çıxaracağıq.
- Oyun planınız nə idi? Nələr etmək istəyirdiniz, nələr alınmadı?
- Pressinq etməyə çalışırdıq. "Sabah" və "Sumqayıt"la oyunlarda rəqibin mərkəzdə boşluqlar verdiyini görmüşdük. Amma bu gün fərqli "Qarabağ" meydanda idi. Çempionatın əvvəlində onların oyunu başqa idi. Biz də düşündük ki, bundan istifadə edə biləcəyik. Amma erkən qol buraxdıq. Bundan sonra düşündüyümüzü etmək çox çətin idi.
- "Qarabağ"dan 4 oyunda 17 qol buraxmısınız. Günah sizdədir, yoxsa futbolçularda?
- Həmişə rekordlar və anti-rekordlar var. Bizim üçün 0:1 ilə 0:5 hesabının fərqi yoxdur. Biz məğlub olduq. Mənim nüfuzuma gəldikdə, məncə, mənfi nəsə olmayacaq. Tərcümeyi-halımda yazılacaq ki, "Neftçi"nin baş məşqçisi idim. Qarşıda bizi 3 tur gözləyir. Sonda nəticəyə baxacağıq.
- Bildirdiniz ki, "Qarabağ" "Sabah" və "Sumqayıt"a qarşı başqa cür oynamışdı. Bu gün fərqli oynamaqlarının səbəbi rəqibin "Neftçi" olması idi?
- "Qarabağ" "Sumqayıt"a qarşı yaxşı oynayırdı. Hakim amili də var idi. 90+5-ci dəqiqədə"Qarabağ"ın penaltisi verilmədi. Bundan əlavə"Qarabağ" həmin matçda bizə qarşı olduğu kimi müdafiə olunmurdu (sportal.az).
"Qarabağ"ın "Turan Tovuz"u məğlub etdiyi oyun - Video
"Qarabağ" 7 qollu oyunda "Turan Tovuz"a qalib gəldi
UEFA-dan Şahruddinin oynadığı kluba avrokubok cəzası - Rəsmi
"Yuventus" Alleqrini istefaya göndərdi
"Qarabağ" - "Turan Tovuz": Heyətlər
Tuhel qərarını dəyişmədi
"Marsel"in baş məşqçisi karyerasını başa vurur
Azərbaycan cüdoçuları Avropa Kubokunda iştirak edəcəklər
1-ci liqada son turun oyunları eyni gündə, eyni saatda
"Yuventus"dan Mottaya 3 illik müqavilə təklifi
İki futbolçu "Liverpul"dan ayrılır - Rəsmi
FİFA VAR-la bağlı yeni qaydalar tətbiq edir
“Qarabağ” - "Turan Tovuz" oyununda qadın hakimlər
"Onlara daim deyirəm ki, yaraşıqlı, gözəl görünmək istəyirsinizsə, idmanla məşğul olun"
1-ci liqada çempionun mükafatlandırma vaxtı müəyyənləşdi
Robin van Persi baş məşqçi təyin edildi
Fatih Terim istefa verdi
Yasin Benzia "Qarabağ"dan ayrılırmı?
"İmişli"nin legioneri 5 oyunluq cəzalandırıldı
AFFA rəhbərliyi FİFA-nın Konqresində
“Misli.az ilə Avropaya” – İlk tirajın nəticələri
PFL 35-ci turun hakimlərini açıqladı