"Çempionatın sonudur, psixoloji savaş da gedir" - Ayxan Abbasov

"Çempionatın sonudur, psixoloji savaş da gedir" - Ayxan Abbasov
ÖLKƏ FUTBOLU 13 Aprel 2024 / 19:37 1974
-  A +

"Çətin olacağını bilirdik. “Qəbələ” də qalib gəlmək istəyirdi. Yeni məşqçi gələndən sonra bütün oyunlarda yüksək səviyyədə mübarizə aparıblar. Bu gün çox aqressiv idilər.   Bundan əvvəlki oyunlarda Qəbələdə məğlub olmuşduq. Burada oynamaq da çətindir".

QOL.az xəbər verir ki, bu sözləri "Turan Tovuz"un baş məşqçisi Ayxan Abbasov Misli Premyer Liqasının 30-cu turunda "Qəbələ"yə 2:1 hesabı ilə qalib gəldikləri oyunu şərh edərkən deyib.

O, Bu gün futbolçularının əzmkarlıq göstərdiyini vurğulayıb: "Çempionatın sonudur, psixoloji savaş da gedir. Oyunun içində futbolçular əsəbiləşəndə bəzən oyun alınmır. İlk dəqiqədən yaxşı imkanımız oldu. Qolu vursaydıq daha rahat ola bilərdik. Uduza da bilərdik. Ondan sonra oyun orta sahədə getdi. Bir səhv rəqibə üstünlük verdi. Uzaqdan zərbə qol oldu. İkinci hissə dəyişiklik etdik, riskə də getdik.  Epizodlar da oldu. Sevinirəm ki, futbolçular sonda geri dönüş etdilər. Buna ehtiyacımız var. Futbolçularda özünəinam önəmlidir. Azarkeşlərimizə təşəkkür edirəm. Həqiqətən möhtəşəm dəstək verdilər. Bundan sonra hər oyun daha da çətin keçəcək”.

Daha çox


Son xəbərlər