"Turan Tovuz"un İdarə Heyətinin sədri Ehtiram Quliyev “Qarabağ”la oyundan sonra jurnalistlərin suallarını cavablandırıb. Qol.az E.Quliyevin müsahibəsini təqdim edir:
- İkinci dövrənin açılış matçında komandanız “Qarabağ”la heç-heçə etdi. Qarşılaşma barədə fikirləriniz necədir?
- Gözəl bir oyun oldu. İşıqlandırmadan sonra Tovuz şəhərində keçirilən ilk görüş idi. "Qarabağ" çox güclü, Avropada öz sözünü demiş komandadır. Bu cür rəqibə qarşı qarşı belə bir oyun oynamaq bizi qürurlandırdı. Azarkeşlərimizə belə bir gözəl oyun bəxş etdiyimiz üçün daha çox sevinirik. "Qarabağ"a qarşı bərabərlik önəmlidir. Amma ən önəmli olanı belə gözəl oyun ilə heç-heçəyə nail olmaqdır. Ona görə sevincliyik.
- Rəqib 90-cı dəqiqədə hesabda önə keçəndən sonra xal qazanmaqdan ümidinizi üzdünüz?
- Biz komandamıza həmişə güvənirik. Hakimin final fitinə qədər ümidimizi üzmürük. Komandamız istər zəif, istərsə də güclü oynasa da, bu inam dəyişmir. Biz rəhbərlik olmaqla yanaşı, "Turan Tovuz"un azarkeşiyik.
- Hesaba alınmayan qolla bağlı fikirləriniz necədir?
- Məncə, qol idi. Hakimin idarəçiliyi barədə nəsə deyə bilmərəm. Mənə elə gəlir ki, bu epizod qol idi. Siz bunu daha yaxşı qiymətləndirə bilərsiniz. Belə komandaları motivasiyadan salmağa ehtiyac yoxdur. "Qarabağ"ın isə ümumiyyətlə, belə bir şeyə ehtiyacı yoxdur. Hakimlər bir az diqqətli olsalar, daha yaxşı olar.
- “Huner Group”un Tovuz stadionunda gördüyü işlər göz önündədir. Mövsüm ərzində daha hansı dəyişikliklər gözlənilir?
- Çox çətin sualdır. İşıqlandırma qurmasaq, akademiya binası tikməsəydik, 3-5 yaxşı oyunçu ala bilərdik. Hətta UEFA Konfrans Liqasına belə gedə bilərdik. Tovuz şəhəri, azarkeşlər axşam radələrində belə işıqlandırmada oyun izləməyə layiqdir. Ona görə də infrastrukturu həll etmədən oyunçular almaq ötəri nailiyyətdir. Ot örtüyünün dəyişdirilməsi ilə bağlı danışıqlar gedir. Bununla bağlı AFFA-ya müraciət etmişik. Dəstək olsalar, məbləğin 50 faizini AFFA qarşılasa, ot örtüyünü dəyişəcəyik. Bu, tək bizim məsələmiz yox, Azərbaycan futbolunun adına olan bir məsələdir. Digər komandalar burada oynayaraq zədələnə bilirlər. Ağdam təmsilçisinin Avropada çox böyük nailiyyətləri var.
- “Turan Tovuz”un səfərdə daha yaxşı oynamasının süni ot örtüyü ilə əlaqələndirilməsi fikri ilə razısız?
- Əlbəttə, yüz faiz belədir. Süni ot örtüyündə hər oyunçu oynamır. Texniki oyunçular gətirmişik. Səfərdə oyunlara görə turnir cədvəlinin üst pillələrindəyik. Ev oyunlarında isə bu nəticə ilə sonuncuyuq. Ötən il də belə idi. Dəyişən heç nə olmayıb. Ot örtüyü təbii ilə əvəzlənməsə, heç nə dəyişməyəcək.
- AFFA-dan bununla bağlı müraciətiniz nə cavab gəlib?
- Danışıqlarımız gedir. Onları da anlayışla qarşılayırıq. Amma rica etmişik. İsrarla fikirlərimizi onlara çatdırırıq. Tovuz şəhərinin yaxınlığında, 1-2 kilometr şəhərdən məsafədə ərazi almışıq. Aşağı yaş qrupu üzrə komandalarımız oyunlarımı orada keçirəcək.
- Marketinq layihələrindən “Turan Tovuz” gəlir götürə bilir?
- Gəlirimiz çox azdır. Gözlədiyimizin 20 faizi dəyərində məbləğ qazanılır. Uşaq futbolunu dəstəkləmək üçün azyaşlı azarkeşlərin stadiona girişini ödənişsiz etmişik. Onlar bizim gələcək azarkeşlərimizdir. Biletin qiymətləri isə baha deyil, 2 manatdır. Turniketimiz yoxdur. Ona görə bəzən nəzarət etmək çətin olur. Bunlar isə zamanla düzələcək.
Di Maria: “Ronaldo və Messi arasında fərq böyükdür"
"Dembelenin davranışı qüsursuzdur"
"Mingəçevir" - "Cəbrayıl" matçından - Video
"Barselona" ilə razılığa yaxındır
ÇL-də həftənin ən yaxşısı seçildi
3 qol vuruldu, "Qəbələ" qalib gəldi - Video
Azərbaycanda oynayan legioner Beruzutski haqda nə dedi?
"Barselona" onunla yeni müqavilə imzaladı
"Karvan"a 3 xal qazandıran oyundan - Video
"Mançester Siti"də şok itki
"Qəbələ" bu mövsüm liqada ilk qolu buraxdı - 14-cü turda
1-ci liqanın matçında 29 dəqiqəyə 4 qol
"Bayer"in kapitanı qərarını verdi
"Çelsi"nin hücumçusu aprelə qədər oynamayacaq
Harri Keyndən ÇL-də unikal uğur
Rəcəbov yarışdan çəkildi
Ötən il 260 milyon dollar qazanan idmançı kimdir?
Kurzava özünə klub tapdı
"Seltik"dən İsrailə etiraz - Şəkil