Medianın İnkişafı Agentliyinin layihəsi
2021-ci ildəki son həmsöhbətimiz AFFA Məşqçilər Komitəsinin üzvü Şahin Diniyevdir.
- Şahin bəy, 2021-ci ili Azərbaycan futbolu üçün necə qiymətləndirirsiniz?
- Düzü, bu ili futbolumuz üçün uğurlu hesab edə bilmərik. Çünki milli komandamız DÇ-2022-nin seçmə mərhələsində çox pis nəticə göstərdi. Yığma öz səviyyəsindən olduqca aşağı çıxış etdi və cəmi 1 xal qazandı. Təbii ki, bu nəticəni uğurlu hesab etmək olmaz. Əsas millimizlə yanaşı, bu il U-19, U-21 yığmalarımız da yaxşı çıxış etmədi. Klublarımızdan isə “Qarabağ”dan başqa heç bir komanda Avropada irəliləməyi, uğur qazanmağı bacarmadı.
- Millimizin uğursuz nəticələrindən danışdıq. Bəs, yığmada müsbət məqam kimi nəyi qeyd edə bilərik?
- Onu deyə bilərəm ki, hazırda millidə çox yaxşı futbolçular var. Yığmada təməlqurma prosesi gedirdi. Mənə elə gəlir ki, millinin indiki heyəti tarixi ərzində ən yaxşısıdır. DÇ-2022-də uğur əldə etməsək də, oyunçuların bir-birini başa düşməsini, xətlərarası əlaqənin yaxşı olmasını müsbət məqam kimi vurğulaya bilərəm. Məncə, irəliləyiş var. Futbolçularımız rəqiblər ilə başabaş oynamağa qadirdirlər. Ümid edirəm ki, gələcəkdə yaxşı nəticələr görəcəyik.
- Bəs, Premyer Liqamız haqqında nə deyə bilərsiniz? Mövsümün əvvəli mövsümün sonu üçün nə vəd edir?
- Premyer Liqadakı durumu orta qiymətləndirmək olar. Çünki nə xüsusi bir parlaqlıq var, nə də çox zəiflik. “Qarabağ”ın çempionatdakı dominantlığı davam edir. Ötən mövsüm “Neftçi” başda olmaqla “Qarabağ”a bir neçə klub mane olmaq istəyirdi. Amma bu mövsüm belə bir şey yoxdur. Həm oyun, həm də nəticə baxımından “Qarabağ”ı dayandıracaq hər hansı bir komanda görmürəm. İndi autsayderlər də çoxdur. Əvvəl təkcə 1-2 klub aşağı nəticə göstərirdisə, indi həm “Sumqayıt”, həm “Keşlə”, həm də “Səbail”in sonuncu pillələrdə olması yaxşı nəsə vəd etmir. Düzü, “Sumqayıt”ın ötən ildəki çıxışı ilə bu ilki oyunu arasında da çox fərq var. “Qəbələ” bir az bizi yaxşı mənada təccübləndirdi. “Sabah” orta səviyyədə çıxış edir. Mövsümün ilk 2 dövrəsini “Neftçi” üçün uğursuz saymaq olar. Əvvəlki illərə nisbətən bu dəfə yüksək səviyyəli derbilər olmur.
- Bayaq da vurğuladınız ki, "Qarabağ"dan başqa heç bir klubumuz Avropada irəliləyə bilmədi. Bəs, Ağdam təmsilçisinin Konfrans Liqasının qrup mərhələsindəki çıxışını necə qiymətləndirirsiniz?
- “Qarabağ” doğrudan da futbolumuzun parlaq siması oldu. Komanda Avropada yaxşı çıxış edərək pley-off mərhələsinə vəsiqə qazandı. Həqiqətən də “Qarabağ”ın oyunu əla idi. Düzdür, çox çətin matçlar keçirdi. Amma buna baxmayaraq, komanda topa nəzarət cəhətdən, həm də digər amillərdə rəqiblərini üstələyirdi. “Qarabağ” illərdir ki, avrokuboklarda mübarizə aparır. Sadəcə “Bazel”lə oyunda bir az təcrübə çatışmadı. Son görüşdə komandamız həqiqətən də yaxşı oynadı. Amma hakimin təmiz qolu qeydə almaması oyunun axarını dəyişdi. “Qarabağ”ın pley-off mərhələsinə vəsiqə qazanması da böyük bir uğurdur. Komanda ümumiyyətlə, zəif çıxış etmədi, stabil oynadı. “Qarabağ” nəticəyə kökləndi və uğur qazandı.
- “Qarabağ”ın Konfrans Liqasının pley-off mərhələsində “Marsel”lə (Fransa) keçirəcəyi oyunlar haqqında nə deyə bilərsiniz? Komandamızın şansları necədir?
- “Marsel” əslində potensial rəqiblər arasında ən güclü 2 komandadan biri idi. Digəri isə PSV idi. “Marsel” Avropanın ən güclü 5 çempionatından birində çıxış edən komandadır. Amma keçilməz rəqib yoxdur. “Qarabağ” “Atletiko”, “Çelsi”, “Roma” kimi rəqiblərlə mübarizə aparmağı bacarıb. Artıq komanda daha da yetişib. Əvvəlki illərə nisbətən “Qarabağ”ın təcrübəsi çoxalıb. Bizi maraqlı oyun gözləyir. Düzdür, kimsə “Marsel”i favorit saya bilər, amma məncə, şanslar bərabərdir. Çünki bu komandaların ikisi də pley-off-a vəsiqə qazanıbsa, deməli, şansları eynidir. Mən “Qarabağ”a uğurlar arzu edirəm.
- Son olaraq bu mövzuya da toxunaq. Futbolumuzun 2021-ci ildəki vəziyyəti gələcək üçün nə vəd edir?
- Millinin bu ilki uğursuzluğunu da uğura aparan yol kimi görə bilərik. Çünki komanda formalaşır. Həm də “Qarabağ”a baxanda düşünürük ki, klublarımız Avropada irəli gedə bilər. Ancaq təəssüf ki, digər klublarımız hələ stabil çıxış etmirlər. “Neftçi”də legionerlərin sayı həddindən artıq çoxdur. Bu da onların gələcəkdə uğur qazanmamasına gətirib çıxara bilər. Ümid edirəm ki, hazırkı durum analiz ediləcək və çıxış yolu tapılacaq. İnanıram ki, 2022-ci ildə Premyer Liqada mübarizə aparan klublarımızın da sayı artacaq. Bu halda çempionat daha maraqlı olar. Həm də “Turan Tovuz”, “Kəpəz” kimi komandaların Premyer Liqada yarışması regionlarda futbolun inkafı üçün böyük addım olar.
Nur Zeynalova
Yazı Azərbaycan Respublikasının Medianın İnkişafı Agentliyinin maliyyə dəstəyi ilə çap olunub.
PSJ prezidenti: "Super Liqa mənim üçün mövcud deyil"
Muslera milli karyerasını başa vurdu
Azərbaycan boksçusundan bürünc medal - Avropa çempionatı
Şahmat üzrə Azərbaycan çempionu bəlli oldu
“Sabah” bölgələrdə seçimlərə başlayacaq
Futzal üzrə Azərbaycan kubokunda finalçılar müəyyənləşdi
Azərbaycan cüdoçusu Avropa çempionatının finalında uduzdu
"Sabah" Gənclər Liqasının qalibi oldu
"Karvan" və "İmişli"dən qələbə, lider xal itirdi
Azərbaycanın U-17 millisi Özbəkistana uduzdu
Əliyar Ağayev Fatih Terimin komandasının oyununda
Xavi qərarını niyə dəyişdi?
La Liqanın bəzi oyunları ABŞ-da keçiriləcək
PSJ-nin prezidenti "Qarabağ"ı təbrik etdi - Video, Şəkillər
İstanbul derbisinin hakimi bilindi
Hakimi təhqir etdiyi üçün cəzalandırıldı
"Qəbələ"nin futbolçusu əməliyyat olundu
PFL hakim təyinatlarını açıqladı
Klopp üzr istədi
Kroos: "Ançelotti bizə yalan danışdığını dedi"
"Yayda nələr olacağını birlikdə görəcəyik" - Musa Qurbanlı
İndi ən vacib xəbərlər telefonunuza gələcək!
Finalda təkrarlanan 6-cı cüt
“Qarabağ” “Neftçi”yə çatdı
Azərbaycan kubokunda yeni rekord
"Barselona" Xavi ilə bağlı qərarı açıqladı
İtaliya kubokunda 2-ci finalçı da bilindi
"Liverpul"a çempionluq yolunda zərbə
Yurgen Kloppu Arne Slot əvəzləyə bilər
"Ola bilər ki, həvəssizlik olsun" - Qurban Qurbanov
"Qarabağ" - "Neftçi" oyunundakı 5 qol - Video
Azərbaycan kubokunda finalçılar müəyyənləşdi
"Qəbələ"də 300-cü oyun