04.10.25
Medianın İnkişafı Agentliyinin layihəsi: Uşaq və gənclərin fiziki və mənəvi inkişafı
Bildiyimiz kimi, U-21 millimiz ötən ay iki yoxlama oyunu keçirib. Belarus (1:3) və Monteneqro (0:0) yığmalarına qarşı nəticələr o qədər ürəkaçan olmasa da, oyunlarda müsbət məqamları da görmək mümkündür.
Bununla bağlı Azərbaycan U-21 millisinin və "Şamaxı"nın futbolçusu Rüfət Abbasovla danışdıq.
O, əvvəlcə yığmamızın Belarus toplanışını dəyərləndirib: "Bu toplanışı yaxşı qiymətləndirirəm. Ayxan Abbasovun U-21 millisinə təyinatından sonra ikinci toplanışımız idi. Məşqçilərin istədiklərini yerinə yetirməyə çalışırdıq. Toplanışı uğurlu saymaq olar. Çünki oyunçular da bir-birini yaxşı tanıdılar".
Cinah müdafiəçisi bizim ölkənin gənc futbolçuları ilə xaricilərin arasında olan fərqdən danışıb: "Burada hər bir futbolçunun böyümə şəraiti, mentaliteti, düşüncə tərzi fərqli olur. Bu da əslində normaldır. Hər bir ölkə fərqlidir".
R.Abbasov U-21 millisindəki məqsədlərdən də söz açıb: "Əsas məqsədimiz yaxşı oyun göstərməkdir. Həmçinin, özümüzü daha da inkişaf etdirmək, A milli komandaya düşmək istəyirik. Daha bir hədəfimiz isə bir komanda kimi seçmə mərhələdə yaxşı nəticələr qazanmaqdır".
Rüfət Abbasov Ayxan Abbasovun həm millidə, həm də "Şamaxı"da onun baş məşqçisi olması ilə bağlı da fikirlərini bildirib: "Mən "Şamaxı"ya gələndə əsas səbəblərdən biri Ayxan müəllimin burada olması idi. Ayxan müəllim gənc oyunçulara şans verir, dəstək olur. Onun iş prinsipi haqda hamının kifayət qədər xəbəri, məlumatı var. Tələbkar məşqçidir. Bu da ancaq futbolçuların xeyrinə ola bilər. Həm millidə, həm "Şamaxı"da onunla işləmək mənim üçün böyük üstünlükdür".
20 yaşlı oyunçu "Şamaxı"nın heyətində keçirdiyi təlim-məşq toplanışından və növbəti mövsüm üçün komandanın hədəflərindən də danışıb: "Artıq iyulun 5-dən Qəbələdə təlim-məşq toplanışına başlamışıq. Toplanışın ilkin mərhələsində daha çox fiziki yükləmələr olur. Bu da bizim xeyrimizədir ki, mövsümə yaxşı hazırlaşaq, fiziki cəhətdən dözümlü olaq. Düzdür, istirahətdən sonra bir az ağırdır. Amma yaxşı yerlərə görə mübarizə aparmaq üçün bu mərhələni keçməliyik. Növbəti mövsüm məqsədimiz yaxşı oyun göstərməkdir. Meydanda daha əzmkar oyun göstərmək istəyirik. Hədəfimiz daha çox xal yığıb, turnir cədvəlində daha da yuxarı pillələrdə qərarlaşmaqdır".
R.Abbasov legioner limitinin ləğvi barədə belə deyib: "Bu qərar haqqında nəsə deməyim düzgün olmaz. Amma mən öz adıma deyə bilərəm ki, bütün gücümlə çalışacağam ki, heyətdəki yerimi qoruyum. Əlimdən gələni edəcəyəm ki, öz oyunumu inkişaf etdirim və baş məşqçinin tapşırıqlarını yerinə yetirim. Çalışacağam ki, məşqçilər heyətinin ümidini doğruldum".
O, başa çatan mövsümdə öz çıxışı haqda da söz açıb: "Mənim üçün öz oyunumu dəyərləndirmək düzgün olmaz. Baxmayaraq ki, bütün oyunlarda meydanda oldum, çatışmayan cəhətlərim hələ çoxdur. Bunları bilirəm və çalışıram ki, həmin məqamları daha da yaxşılaşdırım".
Sonda gənc müdafiəçi öz karyerasındakı hədəflərindən danışıb: "Əsas məqsədim daim oynamaq və stabil şəkildə çıxış etməkdir. Nəticədə isə istəyirəm ki, hər zaman meydanda olaraq özümü daha da inkişaf etdirim".
Cavad Musayev
Yazı Azərbaycan Respublikasının Medianın İnkişafı Agentliyinin maliyyə dəstəyi ilə çap olunub
U-17 millimiz İsrailə 5 qolla məğlub oldu
Erol Bulutun “Antalyaspor”a keçidi rəsmiləşdi
“Qalatasaray”ın Lukas Beraldo planı
“Fənərbaxça”dan “Beşiktaş”a?
O da Fransa millisinin heyətindən kənarlaşdırıldı
Bruno Fernandeş Almaniya klubuna keçə bilər
7 qol vurduğu oyun bitən kimi həbs olundu
Gəncədə Avropa çempionatı
Yamalın vəziyyəti necədir?
Bədəlov Mbappeyə nə deyib? - Özü açıqladı
Millimizin oyununda qazaxıstanlı hakimlər
"Real" və Fransa millisi arasında gərginlik
Neymar, Messi və Suares yenidən bir araya gələ bilərlər
Ukrayna - Azərbaycan oyununun hakimləri açıqlandı
"Mançester Yunayted"in sabiq futbolçusu vəfat etdi
"Mübarizəsiz meydandan çıxa bilmərik" - Elvin Cəfərquliyev
“Mbappe bizi çox rahat keçirdi- Emin Mahmudov
AFFA Santuşa təzminat ödəyib
Rebrov: “Azərbaycanla oyunda qalib gəlməsək…”
Son Hın Min Koreya millisinin rekordçusu oldu
“Pard de Prens”də yaşananlar - Şəkillər
Rabyo Azərbaycan millisi ilə oyun haqda
Azərbaycanla matça çıxdı, ardıcıl 10 oyunda qol vurdu
U-21-in baş məşqçisindən 0:5 açıqlaması
“Sevincimdən uçmayacam” - Deşam niyə narazı qaldı?
Fransa - Azərbaycan oyununda vurulan qollar - Video
Almaniya və Qazaxıstandan darmadağın
Fransa - Azərbaycan: 3-cü oyunda 3:0
Adi Hütter “Monako”dan ayrıldı - Rəsmi
Azərbaycanın U-21 millisindən acınacaqlı məğlubiyyət
Fransa - Azərbaycan oyununun heyətləri açıqlandı
Azərbaycan şahmatçıları Ermənistana qalib gəldi
“Beşiktaş”da El Bilal Ture itkisi
Ötən ayın ən yaxşı baş məşqçisi seçildi
Merih Demiral “Fənərbaxça”ya qayıdır?
Çexiya - Azərbaycan: Heyətlər
Daniel Olmo İspaniya millisinin heyətindən çıxarıldı
“Araz-Naxçıvan” yoxlama oyununda heç-heçə etdi
“Milan”dan “Yuventus”a?
Rusiya o yarışa da buraxılmayacaq - UEFA-dan bildiriş
İngiltərədə ayın ən yaxşı məşqçisi seçildi
Emre Belözoğlunun yerinə o gətirildi
Premyer Liqada sentyabrın ən yaxşı futbolçusu məlum oldu
Azərbaycan kubokunda 1-ci təsnifat mərhələsinə yekun vuruldu
1 saat gözləsə idi, indi “Qarabağ”da oynayardı
