"Qəbələ" - "Sumqayıt": 27-ci duel

"Qəbələ" - "Sumqayıt":  27-ci duel
PREMYER LİQA 30 Yanvar 2019 / 14:18 1951
-  A +

Bu həftə Topaz Premyer Liqasında mövsümün ikinci yarısına start veriləcək.

Qol.az xəbər verir ki, “Qəbələ” 2019-cu ildəki ilk rəsmi matçını “Sumqayıt”a qarşı keçirəcək. 

15-ci turun görüşü “qırmızı-qaralar”ın meydanında baş tutacaq. Bu, matçla hər iki komanda 3-cü dövrəyə başlayacaq. İlk iki dövrədə üz-üzə gələn rəqiblər heç-heçələri sıralayıb. Qəbələdəki ilk oyunda "qırmızı-qaralar" hesabı 1-ci hissədə açsa da, matçın sonunda bərabərlik qolunu buraxıb – 1:1. Sumqayıtdakı görüşdə isə meydan sahibləri 2 top önə keçsə də, “Qəbələ" hesabda tarazlıq yaratmağa müvəffəq olub – 2:2.

Fevralın 3-də baş tutacaq oyun ümumilikdə rəqiblərin 27-ci qarşılaşması olacaq. Bu görüşlərin hamısı Premyer Liqa çərçivəsində baş tutub. “Qəbələ” Sumqayıtın eyniadlı təmsilçisi ilə matçlarda böyük üstünlüyə malikdir. 16 dəfə qələbə qazanan komanda 8 dəfə 1 xalla kifayətlənib və yalnız 2 dəfə uduzub. Bu oyunlarda meydanı heç vaxt qolsuz tərk etməyən “qırmızı-qaralar” top fərqində də öndədir – 46:20. “Sumqayıt”la görüşlərin ən yaxşı bombardiri Viktor Mendi 7 dəfə rəqib qapısına yol tapıb. Aleksey Qay, Dodo, Baqali Dabo və Cavid Hüseynov hərəyə 3 qol vurublar.

“Qəbələ” evdə keçirdiyi 13 görüşdə məğlub olmayıb. Doğma arenada 10 qələbəsi olan komanda 3 heç-heçə edib. Rəqib qapısından 25 top keçirən "Qəbələ" 7 qol buraxıb.

Xatırladaq ki, fevralın 3-də Qəbələ şəhər stadionunda keçiriləcək matç saat 14:00-da başlayacaq.

Daha çox


Son xəbərlər
28.03.24  10:55

Qrizmann qayıtdı

27.03.24  21:58

Keyn sağaldı